[img2]http://vb.arabseyes.com/uploaded/5_1206957954.jpg[/img2]
العيون اللي بها السحر الحلال
................ كنّها لا سلهمت برق ورعد
لا وقف رمشك ,, رزين العقل مال
................ ويقهر العذّال رمشك لا قعد
وكحلك اللي واهبه ربّ الجلال
................ ما يلام اللي يشوفه لا ارتعد
تجذبين بنظرتك ,, وأقرب مثال
................ خافقي من يوم شافك ما ابتعد
لا انتهيت الوصف ,, يبقى ما يقال
................ ابتدي وارجع واقول : أما بعد
مدري أوصف نظرتك نظرة دلال
................ أو أقول أنها تبي تعطي وعد
احتمال واحتمال واحتمال
................ والأكيد إنك معي ( وجه السعد )
لو سمحتي جاوبيني هالسؤال
................ ذا جمالك بس أو باقي بعد ؟!
ولو سمحتي كان توصيفك خيال
................ سجّلي من ضمن جمهورك ( سعد )
رد مع اقتباس
المشاركة الأصلية كتبت بواسطة أبوعبدالرحمن
