صاحب اليل)
ياليل قله صاحب اليل وش قال
(قله ولا تذخر كلامً تقوله)
البارحه طال السهر بالنظر طال
سهران كل اليل عرضه وطوله
زوله يورا لي تصاوير وظلال
من وين مالد النظر شفت زوله
ولا غمضت عيني طرت لي على البال
يمرني عاًم باكامل فصوله
اهيم به صاحي ومرات بهبال
ومرات احس اني بزمان الطفوله
انا معه في اغلب الوقت رحال
وماباقيً من وقت وش لي بذبوله
قمراي غطى نورها مزن وخيال
لا شفت هتانه ولا النور حوله
فيني وله سيله من الجال للجال
والحب جيشه طوقتني خيوله
اموت فيها بعد واحيابها وصال
واتيه في بحر العيون الخجوله
ياليل قله صاحبك امس في حال
حالً عقب ذيك اليال العجوله
ياليل تكفى خذ عيوني والاقوال
خلني اشوفه قبل حكيً تقوله
وليد السلطان
رد مع اقتباس
المشاركة الأصلية كتبت بواسطة وليد السلطان
