السلام عليكم ورحمة وبركاته
هذا موضوع مُصالحة بيني وبينكم خفيف لطيف ويهُمني إبتسامتكم
وأعتذر عن موضوعي ( زحاليط ) الذي وعدتكم به من بداية رمضان ولكن لظروف المنتدى معي وإنه ماسمح لي بالدخول الا قبل أمس .
تقبلوا عذري وأعدكم بالأجمل والجديد .
.
.
.
أهلاً وسهلاً وحياكم الله معكم مُحدثكم ( كرَوش المربوش )
وكل عام ومائدتكم ما يبعد عنها الزفر والسنبوسة إلى تندس من شحم الحاشي
وأنتم بخير وسلامة
.
.
يا ويل حالي من الكرش ويلاه .................. صارت عقوبة ياعرب دبروني
.
اليوم وبكل حماس ذهبت مع أصحابي للمسبح بعد الإفطار مُباشرة وأنا بالأصل ما أعرف أسبح بس أغطس نصفي الأسفل وأمسح الماء على رأسي وأطلع
وكأني جايب الحوت من ذيلوووه
بس عاد دخلت المسبح المُغلق في نادي ولقيت شباب كثير كثير كثير وكل واحد لابس المايوه حقوه وأجسام ورشاقة أصلاً هم الي محلين المايوه
ثم أنكمش وجهي المتفوخ وضاعت علومي وأقول في نفسي ( عز الله إنك تصورت بلوتوث مافيها كلام )
وإني بأصير علكة البلاك بيري مدة عرض موبايلي الثلاثة أشهر كلها
وصاروا أصحابي ينادوني وأنا في المسبح ويقولون إنزل يا كروش إنزل يا كروش وأنا أقول لا لا يمكن أنا تعبان اليوم مافيني أجيب سمك
ياكروش هذا مسبح عادي وش سمكه أنت ووجهك ؟
وأنا رافض بقوة ولكن مع إصرار واحد من العصاقيل أصحابي تجرأت وفصخت الثوب .
قالوا وين مايوهك ؟
قلت أي مايوه يا باشا أنت وياه سروال قطن ومشي حالك بس مابي أفصخ الفانيلة وعطوني بعد شماغ اتلثم
قالوا ليه الشماغ .
قلت لزوم الغطس<<< عاش مصرف
.
.
وبعدها صرت أفكر وأنا أغطس نصفي الأسفل في الماء وأقول ليش أنا مو نحيف وش مخليني كرش كذا .
نفسي يوم من الأيام ألبس مايوه بس هالكرش عائق كبير لي ..
نفسي يوم ألبس طيحني أو سترتش والله نفسي ألبس بابا سامحني بس أشعر إني عصقول
وألبس بوكسر لونه وردي
حاولت أبحث عن بوكسر ولكن لقيت بوكسر كبير لو أفتح خيوطه صارت خيمتين ومروش
أصلاً السوري الي راح يجيبه ضاع وسطه وله يومين مفقود .
الحياة أصبحت صعبة معي وحتى في الأسواق الناس توخر عني والبنات يطالعون فيني بإشمئزاز ومافي أمل أطالع وأرقم وأتحجج بأن النظر للمرأه حرام
وكل ما خطبت قالوا يخفف وزنه أو يدفع دبل .
مرة من المرارير راكب في الطايرة ولا يمكن أتهنا بالكرسي الضيق السياحي وأضطر غير مشكور إني أحجز درجة أعمال أو أولى علشان الكرسي (شرح برح )
وبعد نفس المشكلة الحزام ما يربط على كرشي
وتنشب لي هذيك الملاحة وتصايح علي قبل الإقلاع ... الحزام يا سيد الحزام يا سيد وأنا مسوي ما أسمعها علشان ما أقول مايجي على كرشي
وبعد الإلحاح الشين منها قلت تعالي أربطيه أنتي
وأنا بس قلت وهي تتفلت علي ( يا ئليل الحياء ... يا أجدب ... يا ... يا .... يا ..... ) وما خلت ولا شتيمة في الكون وكأني أسمع ( فريال ) من باب الحارة وهي تهاوش
والملاحين تجمعوا ولا يهونون الفزاعة الي إليا شافوا بنت في مشكلة الكل يطلع قوته والي معه سكين وإلي مدفع وإلي حزام ناسف
كلهم يبون يأخذون حقها مني والسبب الحزام وكرشتي
وبالقوة طلعت من هذة المشكلة ,.
والله المُستعان .
همسة \\
إن أعجبكم الموضوع لا تبخلوا علي بالتقييم .
رد مع اقتباس
المشاركة الأصلية كتبت بواسطة سلطانة غرام
