[poet font="Arabic Transparent,5,black,bold,normal" bkcolor="transparent" bkimage="backgrounds/17.gif" border="ridge,8,gray" type=2 line=200% align=center use=ex length=0 char="" num="0,black" filter=""]
عتاب وضحكتين
ما يموت الشوق إلا يوم تطري لي العتاب=وما يصحي الشوق إلا ضحكتين من الحبيب
لو تغيب الناس عني ما احسبه عندي غياب=وأنت لا من غبت لحظة كل هالعالم تغيب
شفت قلبي يوم شافك كيف رحّب ثم طاب=وأنت تدري عن خفوقي دون شوفك ما يطيب
كان قلبك ما يهزه كود أفعال الذياب=لا يهمك ياحياتي طحت لك في حب ذيب !
ارحم اللي في غيابك ذاق ألوان العذاب=مايفيد الطب قلبي وأنت في عيوني الطبيب
وارحم اللي من عذابه ودّع أيام الشباب=أشهد إنك لا جفيت القلب يالغالي يشيب
واشهد إنك ما تعاب وكيف من مثلك يعاب=كل من ناظر صفاتك قال من يقدر يعيب ؟
تصدق إنك من جمالك تخجل عيون السحاب=ويعجز اللي يوصفونك وأنت في وصفك عجيب
لو يعيبون القصايد في عيونك لا تهاب=لاكتبك في كل شعري لو طلع تسعين عيب !!
يذكرون الصيف يبدا مع بداية شهر ( آب )=ليش قلبي طول عامه عايشٍ وسط اللهيب ؟!
أنت عاتب دام قلبك بس يرضيه العتاب=بس تكفى ياحياتي ضحكتينك لا تغيب
شعر / سهم المنايا
[/poet]
رد مع اقتباس
