كيرلا .. فآتنة الهند ..

[( وجـه القمر )]

المحطة الثالثة :

تكدي أو ( تيكادي )

الحلقة الأولى

.

.

ودعنا مونار الساحرة .. إلى منطقة جبلية برضو .. وساحرة برضو .. اللي هيا ( تكدي )

المشوار ما كان بعيد .. تقريبا ساعتين ( علما بأنو المشاوير في الهند تاخد ضعف الوقت هنا بسبب طرقهم الضيقة والزحام احيانا )

وصلنا المنتجع اللي محجوز لنا في مونار .. وكان منتجع فووووق الخيال .. نزلنا سونين على وعد انو يمرنا العصر عشان نروح نشوف عروض تكدي الشعبية ..
ودخلنا المنتجع .. وكان عبارة عن مبنى رئيسي ( اللوبي ) وسط غابة طبيعية منسقة صناعيا .. وتنتشر حولها أكواخ صغيرة عبارة عن غرف الفندق .. حسيت فيه كأني بطلة فلم :) .. وطبعا ما بقيت ركن في المنتجع ما صورتو .. اتفضلوا ..



طريق وحدة من غرفنا



وهادي الغرفة .. وقدامها الموظف يستقبلنا بابتسامة عريضة :)



وهادي الغرفة من قريب



الظاهر الصورة دي من شرفة الغرفة .. والله نسيت



هادي عاد أكيد من الشرفة





الكوخ من جوا







ومن الخارج



المسبح



الطريق إلى مركز المساج





مدخل الـ جيم











لوحة عجبتني .. بالذات إطارها الطبيعي المصنوع من الخيزران .. كل لوحات المنتجع كدا ..



مفترق طرق :)



بعد ما اخدنا جولة على كامل المنتجع تقريبا .. وبعد ما اتغدينا .. مرنا سونين .. ورحنا نشوف العروض

وصلنا كان المدخل عادي جدا .. ودخلنا صالة العروض المتواضعة .. كانت كلها عروض قتالية .. صياح وضرب ومبارزة ولعب بالنار .. وكل شوية تشوف اب او ام خارج بطفلو الصغير من قدامنا لأنو خاف وصار يبكي .. وختموها بعروض نارية والدخان ملا الصالة .. وصاروا الكبار يكحكحوا ويتسحبوا .. المهم .. ما عجبني من العرض كلوا الا لما نطوا من وسط حلقات النار .. وطبعا جوالي ما يصور الحركة .. فما قدرت آخد غير شوية صور مشوشة .. جبتلكم أوضحها



وطلعنا من العرض دا لعرض مسرحي .. برضو صالة متواضعة جدا .. بها مسرح وكراسي باغة .. وكان عرض مسرحي شعبي .. من التراث الهندي .. وتراث كيرلا بالذات .. صامت .. يعتمد على الإيقاعات اللي يعملوها فرقة بسيطة جدا مكونة من تلاتة أشخاص واحد فيهم يغني

وشخصيات المسرحية 2 يمثلوا الرجل والمرأة .. ومصبوغين بأصباغ طبيعية وملعوب فيهم لعب
هادي الحرمة الهندية





ودا الأبضاي الهندي



وهنا المسرحية .. وقصتها الحرمة تغوي الرجال الين يتجوزها وتحمل وتولد ويشك جوزها انها تخونو لأنو الولد ما يشبهو ويبهدلها وأظنو في الأخير يقتلها .. وتتفاعل الموسيقى والأغنية مع الأحداث



وهادا اللي جالس في اليمين ورا هوا المغني :)



وأخيرا رجعنا كوخنا .. وشكلو كان لسا عندي رغبة في التصوير .. فجلست القط صور وانا في فراشي الين غلبني النوم





وانتهت الحلقة الاولى في تكدي

[( وجـه القمر )]

بقرهم غير

طبيعتهم غير

غزلانهم غير اقصد وعولهم << كني عارفة الفرق

حتى الفواكة غير

حتى نملهم غير

نملنا في الشوارع ونملهم رازين ببيوت


ليتني من كيرلا بس مسلمة عشان اعيش طبيعتهم


قمري

بصراحة تقرير ولا اروع

وصور اكثر من رائعة

متابعتك بكل وقت حتى لو ما اسعفني الوقت ورديت


راااااااااااااااااااااااا ائعة

وانتبهي مو كل شوي تقولي نسيت

تذكري كل المعلومات ولا فتفوتة تنسين

وبيوتهم غير

ومويتهم غير

وهواهم غير

ووجودك هنا في تقريري مرة غير :)

يكفيني تواجدك يا قلبي

لو بس تقولي انا هنا :)

بس ان اتذكر كل الفتافيت صعبة شوية

مرحبابك دائما وأبدا

[( وجـه القمر )]

واصلي يا وجه القمر


إبداااااع


ومثل ما قال أبو عبدالرحمن حسيت إن حنا ما مرينا مونار


برضو لازم نحاسب بشير

مواصلة وبحماس :)

والله صراحة أنا لو منكم أحاسب بشير

أجل فين وداكم وايش وراكم ؟؟ >> شريرة خخخخ

منور استاذي

[أنـ الذكريات ـين]

وجه القمر..

تقرير ممتع حقاً.. وصور تزداد روعه..

تسلم يدّكـ..



تسجيل متابعة..



تحيتيـ

[أبوعبدالرحمن]

هالمرة احس اننا غلبناك يا قمر

فندقنا اجمل من فندقك

ورحنا لمناطق كثير في تكدي

والعرض الحربي مصور عندي فديو لو حبيتي نزلته يوتيوب


بنتظر الجزء الثاني من تقرر تكدي قبل احكم

[( وجـه القمر )]

وجه القمر..

تقرير ممتع حقاً.. وصور تزداد روعه..

تسلم يدّكـ..



تسجيل متابعة..



تحيتيـ

يا هلا بأنين

سعيدة بمتابعتك .. وانتظرها في الحلقات الجاية

يسلمو ياقمر

[( وجـه القمر )]

هالمرة احس اننا غلبناك يا قمر

فندقنا اجمل من فندقك

ورحنا لمناطق كثير في تكدي

والعرض الحربي مصور عندي فديو لو حبيتي نزلته يوتيوب


بنتظر الجزء الثاني من تقرر تكدي قبل احكم

لا تستعجل يا ابوعبدالرحمن .. لسا ما شفت شي :)

وبالنسبة للفندق .. لا تكونوا سكنتوا في الـ tree house ؟؟ والله لابكي
شفت صورو في النت واتجننت عليه .. بس قلنا المكتب مافي شواغر :(

يلا اهم شي انبسطتوا .. وانبسطنا :)

[( وجـه القمر )]

أبوعبدالرحمن
ما انتبهت للمقطع دا .. حكاية الفندق شغلتني

والعرض الحربي مصور عندي فديو لو حبيتي نزلته يوتيوب

تصدق ماجا على بالي اصور فيديو !!
كان في واحد قدامي جالس يصور بحمااااس .. لا يكون انتا ؟؟

والله لو تبغا تنزل المقطع هنا تعزيزا لتقريري .. ما اقول لأ :)

[أنامل الخير]

** وجه القمر **


تصوير رائع لأماكن خيالية



واصلي يالقمر تقريرك



ونحن نواصل متابعتك


سلمت يداك



~ ~ أم تركي ~ ~

[غرام المشاعر]

رائـع بطرحك كما عهدناك..
استمتعت بتواجدي بصفحتك ..
سلمت يداك على هذا التقرير والصور الرائعه
بشوق متابعه دوماً لجديدك ..
تقبلي مروري .. ودمتِ بخير ..

[سـااامي]

مساء الخير اختي وجه القمر

تقرير رائع الصراحه ماقصرتي في النقل والتوثيق

وان شاء الله رح ينزل لنا تقرير

وفيه التجربه كامله ...... وفيه اهم شي صوره للسواق بشير وكلمته المشهوره

كل ما قلنا له نبي شي ( شرايح - تيوس - مويه - اكل ) قال : في تكدي ( مدينه في الهند يوجد بها كل شي

في العالم تقريبا )

ويوم وصلنا لتكدي . صار يقول : في السعوديه هههههههههه


وعلى فكره بالنسبه لتصوير الفديو في الساحه الحربيه

موجود لا وواضح( كمان )<< متأثر من تقريرك



بس اكيد ما عندك طباخين مثل اللي عندنا ( أبوعبدالرحمن -مفر ح مناحي )

متميزين الصراحه ..... وطلبهم الفندق يشتغلون عنده



وكل يوم تيس عشى وغدا وفكونا من الفلفل والغربان اللي يسمونها دجاج



وأكيد إنك ما اشتركتي في معارك حربية هناك مثلنا شوفي صورتي وانا اجهز على الاعداء



لا والفيل شيء ثااااااااااااني



والهاوس بوت كلام كبيييييييييييير انواع القصايد ابوعبدالرحمن ومفرح وابن ضاوي



وفي مصنع الشاي أنتي شفتي جهاز التلفون القديم بس حنا جربناه وكلمنا أهلنا منه هههههههههه



وطبعا وطدنا العلاقات مع الشعب الهندي الكريم

[( وجـه القمر )]

** وجه القمر **


تصوير رائع لأماكن خيالية



واصلي يالقمر تقريرك



ونحن نواصل متابعتك


سلمت يداك



~ ~ أم تركي ~ ~

هلا والله وغلا بأم تركي

الروعة في وجودكم هنا

من جد حضوركم وتعليقكم يسعدني جدا

وبالتأكيد مواصلة .. وانتظر منكم المتابعة :)

أرق التحايا

[( وجـه القمر )]

رائـع بطرحك كما عهدناك..
استمتعت بتواجدي بصفحتك ..
سلمت يداك على هذا التقرير والصور الرائعه
بشوق متابعه دوماً لجديدك ..
تقبلي مروري .. ودمتِ بخير ..

يا اهليييين بغرام

وانا استمتعت وسعدت بحضورك ياغالية

الله يسلم قلبك ياعسل

نورتي المكان

أرق التحايا

[( وجـه القمر )]

مساء الخير اختي وجه القمر

تقرير رائع الصراحه ماقصرتي في النقل والتوثيق

وان شاء الله رح ينزل لنا تقرير


[gdwl]متشوقة لرؤية تقريركم .. وياويلو ياسواد ليلو ( سونين ) لو لقيتكم رحتوا أماكن انا ما رحتها [/gdwl]


وفيه التجربه كامله ...... وفيه اهم شي صوره للسواق بشير وكلمته المشهوره

كل ما قلنا له نبي شي ( شرايح - تيوس - مويه - اكل ) قال : في تكدي ( مدينه في الهند يوجد بها كل شي

في العالم تقريبا )

ويوم وصلنا لتكدي . صار يقول : في السعوديه هههههههههه


وعلى فكره بالنسبه لتصوير الفديو في الساحه الحربيه

موجود لا وواضح( كمان )<< متأثر من تقريرك

[gdwl]طيب نشوفو[/gdwl]

بس اكيد ما عندك طباخين مثل اللي عندنا ( أبوعبدالرحمن -مفر ح مناحي )

متميزين الصراحه ..... وطلبهم الفندق يشتغلون عنده



وكل يوم تيس عشى وغدا وفكونا من الفلفل والغربان اللي يسمونها دجاج



[gdwl]صراحة أحييكم ع الصورتين اللي فوق .. سويتو شي محد يسويه .. احنا مرة بس بابا طبخلنا رز بخاري بالدجاج في الهاوس بوت .. لأننا ما نحب التيوس حتى هنا :)[/gdwl]

وأكيد إنك ما اشتركتي في معارك حربية هناك مثلنا شوفي صورتي وانا اجهز على الاعداء



لا والفيل شيء ثااااااااااااني



والهاوس بوت كلام كبيييييييييييير انواع القصايد ابوعبدالرحمن ومفرح وابن ضاوي



وفي مصنع الشاي أنتي شفتي جهاز التلفون القديم بس حنا جربناه وكلمنا أهلنا منه هههههههههه



وطبعا وطدنا العلاقات مع الشعب الهندي الكريم

وبالنسبة للصور الخمسة الأخيرة .. لا تحمسني وانزل صوري

[мαηѕoя]

يعني قصدك اللي يجوا من كيرلا مو سنعين ؟؟ :)

الله يسلمك .. ما قصرت

نورتنا

تقدرين تقولين كذ1 ،،