الله من ضيقة بالصدرحآبسهآ""
قصيده من اروع القصائداللي قريتها أتمنى تنال اعجــــــــــــآبكم.....
الله مـن ضيقـةٍ بالصـدر حابسهـا
قامت تزايـد علـيّ وتكتـم انفاسـي
منها السعاده بقلبي ضـاع واهسهـا
وياما اتعبت مصدر التفكير في راسي
نارٍ تلضى بوسـط القلـب واونسهـا
شبت بقلبٍ مـن اللوعـات منحاسـي
فكري غدتبه هجوسي يوم اهوجسهـا
لا نامت الناس يبدى ليـل هوجاسـي
اكنّهـا بالضميـر ودوم اسايسـهـا
وصارت سبايب غرابيلي ووسواسـي
اضحك مع الناس واجلس في مجالسها
والهم وسط الحشى مثل الجبل راسـي
احاول اسند علـى نفسـي واونّسهـا
لا شك يظهر على محيّـاي لولاسـي
وهموم قلبـي تهامسنـي واهامسهـا
والشمس تشرق وانا باقي بمجلاسـي
تلعن ابـو خيّـر ايامـي وخامسهـا
هواجسٍ لا غشتني تطـرد اوناسـي
تخفي نجوم السعد في ليل عسعسهـا
حتى القمر ضاع نوره وسط الادماسي
آخذ نصيبي مـن احزانـي واقيّسهـا
الكيـل ميـزان والاطـوال مقياسـي
خلوني اعيش وسط الصدر حابسهـا
اما يزين الزمن ...والا الفـض انفاسـي!!
هذي القصيدة الرائعه للشاعر / نواف العبيوي
رد مع اقتباس
