مابين أم الركب السوووووووووود ؟وابو سروال؟ وياقلب لاتحزن

[نـــادر]

بسم الله الرحمن الرحيم

السلآم عليكم ورحمه الله وبركآآته

............

لفت نظري مؤخرآ انتشآر برودكآست BC عن موضوع ( السعودية ام ركبة ) وصآرت النكت اووفر
لدرجة يجيني باليوم 13 BC عن هالموضوع وطآحو فيهآ طيحة .. وبصرآحة هالشي مو جديد على مجتمعنا السعودي!!

محشش بالطيارة ورااكبه جنبه وحده لابسه تنورة قصيره فوق الركبه،ويبغى يتميلح ويتعرف عليها ،،،قام سألها:مرحبا- انتي سعوديه؟ ابتسمت وقالت:صح عليك ،لكن وش دراك؟قال:ركبك سود

بالله وش يضحك بهالنكتة؟

وجبتلكم بعض الاشياء اللي من جد تحززن

ولاحظو ان اللي كآتبين هالاشيآء او حاطينها اساسا هم سعوديين انفسهم !!

يعني بالله ركبة حليمة تسوى وجه سعودية؟؟

هذآ كلآم ينقآل عن مذيعة الاسفنج و تعمم على بنات السعودية كلهم ؟؟
بعض الناس مصيبتهم ما يعرفون قيمة الكلام اللي ينطقونة

يعني مدري وش اقول .. "السعوديات اقل جمالا من جميع دول العالم واجسامهم من الوزن الثقيل" ؟؟

على اي اساس جبت هالكلام ؟
مشكلتنا احنا العرب عامة وخاصة بالسعودية كل واحد يفتي من راسه

مافي منطق ولا دليل ولا اثبات او دراسة مثلا او اي شي يخليني ممكن اصدق كلامه!

وتطورت الركبة السعودية وفتحتلها اكاونت بالفيس بوك!
ولايفوتكم وش كاتب لها الاخ بعد

بعني بذمتكم يا عالم ..

هل تردى الحآل بالمرأة او البنت السعودية انها صارت "تقآس" بلون ركبتها !!؟

هل هذا بنظركم المعيآر اللي يخليها افضل او اسوأ من غيرها ؟

يعني انا استغرب من هالهجوم القوي وخآصة على بنات السعودية مدري ليه يعني ...

والمشكلة انه 90% غلط !!
ويكون اللي كآتبه او منزلة او مخترعه اسآسا واحد ثوبه ما غسله له شهرين و شعره مغبرر وماعنده الا 3 ريال في جيبه!

انا بالمناسبات وبالاماكن العامة اشوف السعوديات بكل امانة وصراحة عاديات ! ماراح اقول كلهم صارووخ جمال ولا كلهم ركبة سودا !!

في بنات والله انهم قرطآس من البياض .. مو كلهم .. وبعدين هالسعودية اللي انت وياه تتكلم عليهاآ

ما سآلت نفسك .. هي وش نظرتها لك انت يا السعودي ياللي كاتب هالكلام ؟؟

شوفو بعض البنات للاسف ردو على هالموضوع بالـBC اللي انتشر مؤخرا :

الشاب السعودي .. مغزلجي
و شفايفه سودا
--
الشاب السعودي .. نفسيته خايسه
و شفايفه سودا
--
الشاب السعودي .. عقله صغير
و شفايفه سودا
--
الشاب السعودي .. مايملى عيونه إلا تراب
و شفايفه سودا
--
الشاب السعودي .. خروف
و شفايفه سودا
--
الشاب السعودي .. سلتوح
و شفايفه سودا
--
الشاب السعودي .. يخق على الشغاله " كفوه "
و شفايفه سودا

يعني بالله وش استفدتو كل واحد يسب بالثآني ؟؟

هل هذي اخلاقكم .. انا ما اقول ما تضحكون ما تقولون بس انتووو فاهمين الموضوع غلط يا جماعة

في نآس ترسل هالموضوع كـ مزحة او نكته وتقول عادي خلينا نضحك .. بس بعضهم يكون راسلها و مصدقق انها واقع وينسى انها انعكاس عن مجتمعه!

ترآ يا عالم في هجوم على البنت السعودية بكل مكان .. ومن ناس سعوديين -صحافيين وغيره ..

يشوهون صورة البنت السعودية انها كذا وكذا وكذا ..مرآآ يتكلمون عن العبايات ومرة انها تخاف من اهلها و لا النكت اللي تجي سعودية راحت تقابل خويها وسعودية ركبتها مدري ايش

اكتبو سعودية باليوتيوب وشوفوا

لاحظوا ان الموضوع لتشويه صورتها بدآ يوصل للاعلام العربي مو بس الخليجي او السعودي !!

ما يجيبون الا الاشياء الـ (سلبية) ! والمشكلة اللي يكتب او يقول او يعرض هالاشياء هو سعودي

او قنوات اصحابها سعوديين!

وبعضهم يجيبه من واقع وهم نسبة 5% والاغلب كله صواريخ وتاليف !

ويقولون لك تحسين صورة المراة السعودية بالخارج و غيره .. شوفو الاجانب وش كاتبين عنها هذا وهم اجانب!

شفتو فضيحة جنسية ؟؟ شفتوو حالة فقر ؟؟ شفتوو سب فيها ؟؟

اكيد لآآ

لان البلآ مو تحسين صورتها بالخارج المفروض نشتغل على تحسين صورتها ببلدها باالاول !!
كل مكان الاعلام - الانترنت - حاليا البي بي كلها نكت و كاريكتيرات و سخافات سب فيهآآ وتشكيك في قدراتها وتفكيرها ..

ليش النظرة السلبية لهآ ؟؟

يآخي ما قلنالكم ادعموها ولا تساعدونها الحمدالله ما نحتاج احد .. بس ارتقوا بتفكيركم عنها شوي
هذي السعودية هي امك وهي اختك وهي بنتك !
وانتي وياها ياللي تنشرون هالكلام برودكاست و مدري وشو يعني اني (انا ركبتي مو سودا ومالي دخل فيهم )
كيف ترضين يقولون هالكلام عنك او عن اي واحدة سعودية؟؟
ويا عالم ترا في اختراع اسمه ليزر حتى اللي عندها مشكلة الركبة بتسوي تبييض وتفتك
يعني من جد ماتو الناس اللي يعانون من هالمشكلة اصلا الحين عمليات التجميل والتصليح والسمكرة بكل مكان ! احس لما اقرا هالكلام عن البنت السعودية كانني راجع بالزمن 30 سنة ورا! صرت شايب

انا اللي ينرفزني "مستوى التفكير" اللي وصلنا له مع احترامي للكل!
اخر شي تركنا العالم وقعدنا على "شفايفه سودآ " لا "ركبتك سودا" و "تلبس شلحة" وانا "البس سروال وفانيله" !

اتمنى يكون في رقي شوي في نظرتنا لمجتمعنا ولنفسنا علشان الناس تحسن نظرتها عننا
ترآ في ناس يبون وقاصدين يشوهون صورة البنت السعودية لغرض في نفس يعقوب!
ويطول كلامي بهالموضوع لان بعض العقول للاسف متحجرة وماراح تتطور..

مدري وش اقول بس .. اترك لكم حرية الرآي
واختلاف الراي لايفسد للود قضية..
لاتنسون ++

لا ادعي الكمال ..لكن اتمنى انا اصل اليه ..

لكم حبي وودي اخووكم {نادر الروقي}

م ن بتصرف

[عزوز]

ماتعرف الاهتمام هذا ليه

يقولون لقو فى ركبتها بتـرول

وهنا السـر



يعطيك العافية

[شرقاوي]

ايه لقو حقل الغوار في ركبتها


جتهم حاله نفسيه من ذا الكلآم


مشكووور

[جميل الثبيتي]

هههههههههههههه

نادر وربعه في القضايا

عموما شي طبيعي أن يحمل قصرا وعمدا

على هذه البلاد

ومن خيراتها ونعمها التي أنعم الله عليها هي

الزوجة الصالحة الصابرة الوقورة الودود

فمن الطبيعى ان يكون النقد موجه لنصف المجتمع

والمدرسة التي نعدها لتعد لنا شعبا طيب الآعراق

بعدين وين هذولي أم ركب سود إلى تنشد عنهم على خبري

المعلومة قديمة جدا

الحين اكثر إمرأة متابعة للموضة ومعتنيه بنفسها وجسمها

وتبحث عن الجديد والحديث في عالمها

هي المرأة السعودية

ترى ولله الحمد عندنا الوردية والبيضاء والصافية والجميلة

لكن تدري ليه الغرب ما يعرفون ؟

من أجل ركب نسائنا لرجالهم ماهي للعرض

وركب نسائهم مباحة وعرضة لكل من هب ودب!!

شكرا لطرحك موقرنا نادر

[عبدالرحمن آل عبدالرحمن]

انا ارى ان الموضوع الركب السود

والشفايف السود اخذ اكبر من حجمه

البنت لازم تكون واثقه في نفسها حتى لو انها

سوداء من فوق الى تحت والشاب كذالك احنا

شعب ما يهمه غير المظاهر ولا يبحث الا عنها

وشعب اكثر يومه سلبي مع احترامي للكل

تركنا جميع امور الحياه وجلسنا على الركب والشفايف

انا ارى من اصحاب الفكر الراقي والعقليات الهادفه والاشخاص

الذين لديهم رغبات وطموح جيد الابتعاد عن ذكر مثل هذي

التفاهات فمجرد ذكرها او الاستماع اليها فليعلم انه يهدر وقته الثمين

ارجو ان يكون القصد واضح.

تقبلو مروري

[غـــربة الــروح]

مع احترامي للجميع

شباب هايف اللي طلع هالكلام وقاعد يستهزء ببنت بلده

شباب يبي له تربية من جديد في احترام نفسه

البنت السعودية اجمل بنات الكون

ان بغيت الجمال والرقة والاناقة والانوثة

و خفة دمها وروحها الخفيفة

وغير هذا كله

يكفيها فخر انها مجتهدة في دراستها

وناجحة في عملها والاحصائية تؤكد ذلك

يعني كل ذا وراحو للركب

ليتهم يتعلمون من بناتنا في اهتماماتهن ونجاحاتهن المتتالية


قضية يا نادر لن تجرح الناجحات واللواتي يمتلكن صفات طيبة

بالعكس اعتقد انها تعٌرف البنات عقليات الشباب اكثر وتفكيرهم السطحي


جزاك الله خير

[نـــادر]

ماتعرف الاهتمام هذا ليه

يقولون لقو فى ركبتها بتـرول

وهنا السـر

وجهة نظر غريبه حقيقه ؟

شاكر حضورك

[نـــادر]

ايه لقو حقل الغوار في ركبتها


جتهم حاله نفسيه من ذا الكلآم

اما حقل الغوار قووووويه

يابن الحلال حنا نقرب وجهات النظر وانت مُصر على وجود بترول

شاكر لك حضورك

[غلا الروح]

سبحااان الله اصحاب البرود كاست إللي من ها النوعيه
ادمغتهم فاااضيه هذا اذا ماااااكانت محشوه بطين

يتركون الامور الاهم ويركضون وراء ركب وشفايف سوداء

ومثل ماقالت الاستاذه غربة

الكلام هذا يزيد النااجحات اصرار على النجاح اكثر

فالمرأة السعوديه اثبتت نفسها في جميع المجالات

ياليت نرفع من انفسنا ومن اسلوبنا والبحث عن افاائده اكثر
من نشر برود كاست عن الركب والشفايف


لا هنت ناااادر على الطرح الرااائع

احترامي وتقديري

و

[medad]

,
,



اتمنى يكون في رقي شوي في نظرتنا لمجتمعنا ولنفسنا علشان الناس تحسن نظرتها عننا
ترآ في ناس يبون وقاصدين يشوهون صورة البنت السعودية لغرض في نفس يعقوب!
ويطول كلامي بهالموضوع لان بعض العقول للاسف متحجرة وماراح تتطور..

7
7
7

وهذا هو لُب الموضوع,,وزمامــــه !!

وللأسف ماذا نقول لأصحاب تلكـ العقول !! فالسعودية عامةً مُستهدفه !!

من الجميع,,لماذا ؟؟

لأنها البلد المحافظ في العالم,,والمتمسك بشرع الله..!!

فكيف إذاً سيتصدون له ؟؟ إلا عن طريق تشويه صورته وصور أفرآده!!

وماالتقنيات الحديثة إلا من تلك السُبل التي سهلت عليهم إيصال

مقاصدهم إلينا بأقصر الطرق!!

وماتلك البرودكاستات والمواقع واليوتيوب إلا نمآذج لأفراد فارغووون

من الدآخل,,وعقولهم خــواااء!! فمتى نرتقي ونبتعد عن الإسفاف

ويكون توجهنا وهمنا لماهو أهم وأنبل في المقصد؟؟

والفسآد مُستشري,,وينتشر كإنتشــآر النار في الهشيم..

وسيُصبح يومــاً..كالــــــــــرمآد تذروه الــــــــــريآح ..!!

وستبقى المرأة السعودية كالجبــل الرآسي والرجل السعودي كالطــود العظيم

اللي مايهـــــــــــــــزهم ريـــــــــح !!!


وما تلكـ النُكــــــــــــآت إلا دليــــــلاً دآمغــــــــــــــــاً على هشاشتها وعدم صحتها

وإلا لماقيلت على سبيل النكته والمُـــزآح !!<< وهنا لآبد لنا من وقفة جادة تجاه تلك النكات

والتي للأسف الكثير والكثير صارت ديدنهم بحجة الترفيه وعدم التعقيد و الضحك والفله والوناسه

والتبسم ونحن لم ننكر ذلك أبدا لحاجتنا للسرور وطرد الملل..ولكن بضوابط فلا إفراط ولاتفريط..

وقد سُئل ابن عمر ـ رضي الله عنهما ـ: هل كان أصحاب رسول الله صلى الله عليه وسلم

يضحكون؟ قال: نعم، والإيمان في قلوبهم مثل الجبل.
"
ومن شروط المُزاح ألن لايكون فيه سخرية واستهزاءً بالاخرين لقوله تعالى.."((يَا أَيُّهَا الَذِينَ آمَنُوا

لا يَسْخَرْ قَوْمٌ مِّن قَوْمٍ عَسَى أَن يَكُـونُوا خَيْراً مِّنْهُمْ ...""الآيه

وأيضا أن لايكون المُزاح كذباً فالرسول صلى الله عليه وسلم قال: "ويل للذي يحدِّث فيكذب ليُضحِكَ به القوم ويل له""

وقولــه صلى الله عليه وسلم: "إن الرجل ليتكلم بالكلمة ليُضحِك بها جلساءه يهوي بها في النار أبعد من الثريا""


وقد قال سعد بن أبي وقاص لابنه: " اقتصد في مزاحك؛ فإن الإفراط فيه يذهب البهاء، ويجرِّئ عليك السفهاء".

وقد أورد التـرمــذي في سننه عن النبي صلى الله عليه وسلم أنه قال:

" إذا أصبح ابن آدم فإن الأعضاء كـلـهــا تـكــفـر اللــسـان فتقول:

اتق الله فينا؛ فإنما نحن بك: فإن استقمتَ استقمنا، وإن اعوججتَ اعوججنا"

وختاما,,نسأل الله أن يؤدبنا بآداب الإسلام، وأن يهديناوإياهم إلى الصراط المستقيم.

عُذرا ع الإطاله..

وكل الشكر أستاذ نادر على النقل الحيوي والهـــآم ..

[أنـ الذكريات ـين]

لو السالفه وقفت ع برود كاست كان بـ نبلعها.. عاادي ناس سخيفه _ مع احترامي _ وترسل لبعضها..

المصيبه بلاوي اليوتيوب والمنتديات اللي تظهر للعامه..

صدق أن كلامهم لا يودي ولا يجيب وكله مصاله وقلة ذوق.. و إن دل على شيء فإنما يدل على صغر عقولهم..


لكن وكما تفضلت.. البعض ينشرها لـ ( حاجه في نفس يعقوب ).. والبعض من ربعنا يطير فـ العجه ويرسل ويضحكـ ويضحّكـ.. وهو والله تفكيره ماتعدّى حروف قراها وضحكـ عليها.. أو مقطع شافه و ضحكـ عليه..
ما يدري انّه صار أداة سهلة الاستعمال لأناس أقل ما يوصفون به أنهم ( سَفَلَه )..

،،،

أعجبتني بعض الردود هنا.. ومن ضمنها رد أختي مداد..

اقتبست مجموعه من الأدلة الرائعة بهذا الشأن لن أكررها.. لكني احييها على اختيارها ^_^

،،،


يعطيكـ العافية نادر..

تحيتيـ

[اذكر الله]

ماذا عساني قائلة بعد رد أستاذي الموقر جميل

والرائعة مداد ولكل من مر من هنا شكراً لكم ..

أعتقد أن من بدأ ذلك الهجوم على المرأة السعودية من خارج البلاد .. ولكن للأسف وجد صدى له

عند النفوس والعقول الخاوية من أي مباديء وقيم

كان الهجوم ولا زال بتشبيه الجوهرة السعودية بالسورية واللبنانية و و و ونحن أكبر أن نُوضع بمقارنة

مع أي إمرأة عربية بالرغم أن الجميع يدبن بالدين الإسلامي ولكن شتان بيننا في تطبيق ذلك الدين

وأعتقد من شبه ونشر وساهم في ذلك هو تسويق لهن !!

نحن أكبرو أنقى وأطهر من تلك المقارنات السخيفة ويكفيني شرفاً أنني ملك لرجل حلله الله لي

ولم أكن عرضة للجميع

نحن كاللؤلؤ المكنون لا يصل إلينا إلا من يستحقنا لا غرور في كلامي ولكنها حقيقة والدليل غيرة البعض

من المرأة السعودية والهجوم الواضح سواء في الحجاب والحرية ومناداة بأشياء نحن نعتبرها هامش

لا قيمة لها وهم يحاولون إثارة فتن ببلادنا ونساءنا و و

أخي الموقر نادر وسترى قريباً موضوعاً وحديثاً آخر لتشويه تلك الجوهرة وكما نلاحظ تعددت النكت التي

تدل على عقلية كاتبها وناقلها وناشرها ولن يتوقف الهجوم علينا لأننا سعوديات راقيات محجبات مثقفات

علم وخلق ودين وقيم ومباديء لا يستطيع من كتب ذلك أن تصل إليه أخته وأمه وأهله

وأنا بنت بو متعب أفخر بديني وحجابي وقيمي ولم ولن أتخلى عنها مهما قيل من تلك الفئة المفلسة

من كل شيء

همسة

مهما أختلفنا في اللون والجمال فهو خلق الله ..

فهل نعيب الله في خلقة ؟؟!!

أشكر لك نقلك ومشاركتك

ونورت القضايا أستاذي

للجميع إحترامي وتقديري

[عزوز]

حبيت أضيف بعض الدعابه هنا بردى الاول وأشوف ردة

فعل الأعضاء ..
وصرآحه مازيد شي على كلام المتألقة أذكر الله

همسة

مهما أختلفنا في اللون والجمال فهو خلق الله ..

فهل نعيب الله في خلقة ؟؟!!

ولايهونون الجميع من الأخ جميل ومدد

يعطيكم العافية

[نـــادر]

[QUOTE]بعدين وين هذولي أم ركب سود إلى تنشد عنهم على خبري

المعلومة قديمة جدا

الحين اكثر إمرأة متابعة للموضة ومعتنيه بنفسها وجسمها

وتبحث عن الجديد والحديث في عالمها

هي المرأة السعودية [/QUOTE]

هلا هلا والله بكبير القوم

توني اتأكد من المعلومه ان ركبها سووود كنت شايل الفكره (هذا كلام ابو سامر مو كلامي)بيورطه

بس الجيل الحالي الحمد لله تطور والله يخليهم لنا


شاكر لك حضورك

[نـــادر]

هلاليه

حياك الله