الأمسية الأولى في مهرجان* بريدة آصاله 32* والشاعرتين / شجون القصيد & بـدر البدور
توشحت الكلمات برداء التقدير شكر وعرفان
بنجوم سطت في سماءالإبداع تآلقت
بكل الفخر
رسمت أعذب الشعر
نزف الود باقة ملونه لنهديها للشاعرتين المتآلقتين
شجون القصيد & بدر البدور
ضمن فعاليات مهرجان بريدة آصالة32 أفتتحت أولى أمسيات الملتقى النسائي*نوآعم*وسط حضور وتفاعل من زوار المهرجان وذلك يوم السبت23/7
من بساتين القصيم ديرة الطيب القديم توسطت الشاعرتين شجون القصيد & بدر البدور
عريفة الأمسية الشاعرة/نورة الجعيثن فرحبت بالحضور وشكرت المنظمون ورعاه المهرجان ومؤسسة إبداعات الزين
وإليكم مقتطفات من در المشاعر وترجمة الخواطر ونصوص تنوعت واتسمت بالجمال
للشاعرة بدر البدور
بريدة
في بريدة والسعد فيها يهلي يا هلا به
كل ضيفٍ يسعده ربي هلا به في بريدة
الشوارع والمباني له ترحب مرحبا به
الشجر مع الحجر والطير غنى له قصيده
في بريدة كل باب بكل بيتٍ مثل بابه
الكرم فينا طبيعه والمصاعب تستزيده
مستحيل انا نصك الباب عن حضرت جنابه
مانصك الباب دونه لو مواردنا زهيده
دامنا في شرع ربي والكرم ربي دعابه
كلنا للضيف منزل والله اكرم من عبيده
&يا ابـو متـعب تجيـنـــا والا حنــا نجيــــك&
يا ابـو متـعب تجيـنـــا والا حنــا نجيــــك
مـالنـــا أي قــــــدرة أو صبـــر واحتمال
مملكتـنــا وحنــا الشـعـب كـلـه نـبـيــــك
كلنـا لـك هتـفنــا طــال بعــدك تعــــال
كـل شبــرٍ بأرضــك سيـــــدي يحتـريك
شرقهـا و الجنــوب و غربـهــــا والشمال
&اسألتني في براءه&
أقــبلت مـا كـنـها الا وردة ٍ بيضـا نـديــه
كنها الشمس بضياها تدفي الصبح العليل
بنت سبع اسنين تزهى بابتسامه مرمريه
في ربيع العمر ربي مدها بعمر ٍ طويل
وقـفت جـنبي وحيرة وجهها تصعب عليه
واسألتني في براءه: وينه (البابا نويل)؟!
( ياعالم الجن )
تحكي حياة الماضي والبيوت القديمة والذكريات
حولــه دروب ٍ قبـل كــانـت مراتعنا
في وقت كنـا فــراش الفـرح وازهاره
هـذي رســوم ٍحفرنـــاهـا باصابعنا
هـذا (صبــانا) وهـذي بعـض أسراره
عشنــا سنيـن البـــراءه فيــه تجمعنا
بوجود من هو يعـز بسمعته جاره
حكم عاداتي
لكني اصحى على واقع يذكرني
إني بحلم ٍ لذيذ اكذب على ذاتي
هبت عواصف عن دروبك تبعثرني
عنك ابعدتني ظروفي ، حكم عاداتي
بواقع حياتي صحارى الهم تقهرني
تحرق سنيني وتوصلني نهاياتي
أبحث عن الظل حتى الظل ينكرني
لقيت حبك ملاذي وظل واحاتي
..
فجري الباسم بدونك شفت انا نوره يلوح
ويبتدي رحلة سنين ٍ للسعاده رجعني
قلتها لك وانت تفهم بالرموز وبالوضوح
مايهم لوين ترحل المهم تحل عني!
!
رمــز الرخـــــا تحدث عن والعطاء الا محدود ونكران الجميل وعدم الوفاء
شفت النخيــل وهـــز روحي قــدرها
كيف بنهــاية عمــرها صارت حطــام
شـفها انحنت والوقت يقصم ظهـرها
ما كنها الا شخص في سـاحة اعـــدام
كيـف الزمـان الصعب جـــار وكسرها
من عقب ماهي شامخة ضد الأيــــام
إلى
يا النخـــله اللي هــز روحي قدرهــا
في منظر ٍ تحتار في وصفه اقـــلام
يـوم اسـجدت للـــه واحنـت ظهرهـا
مـاتت وانا في ظلــها أرسم احـــلام
!
الشاعرة/
بدر البدور
...
الشاعرة /شجون القصيد
عالجت الآحداث فأبدعت
واسرفت في جزالتها
..
الله أكبر ياغرآم الجافي
اشهد انك بالحياة اعجوبه
والمصيبة يوم قلبك وآفي
عارف سلم الهوى ودروبه
صاحبك ظالم ولاهو غافي
والتجاهل شيمته واسلوبه
عقلي اللي فقت فيه اسلافي
ورأيي اللي فكرته مرغوبه
من عقب ثقله يلد اخلافي
صاير في دنيته ويآدووبه
كنه اليابان صار اطيافي
إنكب وانا بعد منكوبه
هييه ياللي كنه القذااافي
يخلط الزلات مع مشروبه
عن عدالة عالمه متجافي
يستحيل انه يقول التووبه
معه تونس كنه الاحلافي
راح زين وحربها مشبوبه
والامصر تناشد الانصافي
واصبحت من يومها منهوبه
خلك بخلك حنون شآفي
مثل ابومتعب وحال شعوبه
الدول تسفى عليها السافي
وديرتهمن حسنه رعبوبه
..
جاء يبي وصلي ونادت الرحيل
زادت الطعنات والقلب احترق
ارجع لماضيك حلممستحيل
غيمة فراقك وميضه قد برق
راحت ايام بها كنت الخليل
يوم انا لك ودو والعشق وآرق
لاتخون وترجي لقلبي سبيل
من غدر وصل حياته للغرق
الليالي ماتعدل كل ميل
ولاترد اللي تلاشى وانسرق
والقرار اللي نويته بالرحيل
مااتراجع عنه لو قلبي حرق
..
بانت على صدر الحقايق علامات
لابد تسمعها ولو ضاق بالك
من هو يحطك في حياته خيارات
احذر تحطه بالغلا راس مالك
واللي يصيبكمنه ضيقة ولوعات
حذرا تخطى في غلاه المهالك
واللي تخبره ضدك بكل الاوقات
احذر يحس بطيحتك واختلالك
وانكان مالك في سما العز شارات
بتعيش بين الناس ياسو حالك
واعرف ترا درب الردى والملذات
يورد على قبر كما الليل حالك
فعليك في صبر يزيح المطمات
وآيات ربك قبل يدني زوالك
واليا ادلهم الليل ناجه بركعات
تسعدك بالدنيا ويعظم مآلك
..
جيته وانااحمل قلب عاشق وقصاااد
مغرم متيم ياغلاه ومصيره
جيت اتغزل بك على روس الاشهاد
والقلب مابه غير حبك يديره
من اليمن الي رباطه لبغداد
مافيه ديره تشبهك يالخطيره
ياديرتي دار الكرامه والامجاد
اهل العقول النيره والكبيره
الشعر مايوصف حلاتك ولوجاد
تقصر حروفه عنمعاني كثيره
بريدة اللي مالها آيية آندااد
الماسة حره بعنق الجزيرة
اسم يهز الكون ماهو بالاعداد
بفعول اهلها مروضين العسيرة
ان جعت فانتي في غلاتك لي الزاد
وايلا عطشت ارواااك المجد سيرة
ثم أختتمت الأمسية بالشكر الجزيل
وتقديم الدروع التذكارية للشاعرتين
وعريفة الأمسية
مقدمة من
إبداعات الزين
وإلي لقاء يتجدد
دمتم بود
نورة الجعيثن
رد مع اقتباس
