[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]ياحمود كل الليالي ماتذللني = لوجيت ياحمود طيب وكنت محتاجك
علمي بصوتك مطر وشموس تغسلني = يامحلا في نفاه العمر مسهاجك
اخاتل الليل لين انك تظللني = ياعزوتي واجلد الظلما بكرباجك
انا رفيق العزوم اللي تجملني = الله يحييك طبت وطاب منهاجك
اقلط على هامة الدنيا وقابلني =عد الطويله وكن الشوك ديباجك
وان جادلك ناس عن فجرٍ تزهملني= مد الرهاوي بمدخالك ومخراجك
واننبح صوتي وشفت الحمل مزملني = اركيت كفي على الشامخ من سياجك
قم شرع الباب للهقوات وازهلني = تبي تزين العلوم ويضحك حجاجك
اما دروبٍ ورى الحروه توصلني = والا عليك السلام وعوّد ادراجك [/poem]
