فمان الأيش ماادري ولاكن الزمان أدرى؟؟؟

[>>متعبه عسآفهآ<<]

[poem=font=&quot;,6,darkblue,normal,normal&quot; bkcolor=&quot;transparent&quot; bkimage=&quot;&quot; border=&quot;none,4,&quot; type=2 line=1 align=center use=ex num=&quot;0,black&quot;&quot;] فمان الجرح لاوالله فمان احزاني الكبرى..=فمان اغلى ثلاث سنين مِتّ بْها عشـان اعيـش
فمان الحب واحلام القلـوب البيـض والخضـرا=فمان الآه من كثر الزعـل والشـوق والتطنيـش
فمان عيونك اللي مالها بين العيـون .. اُخـرى=فمان غرورك اللي علّم الطاووس نفْـش الريـش
فمان عطورك اللي تسكن انفاسي .. وبالأحـرى=فمان انفاسك اللي تسكن عطوري ومدري ليـش؟
فمان الليل .. واحضان الدفا .. ومْصافح القمـرا=فمان الباب والشبّـاك يـوم اواعـدك ونطيـش
فمان التوت .. والرمان .. واحلى فاكهـه حمـرا=فمان الضحكه اللي كنّها مـن مبسمـك بخشيـش
فمان غيابك اللي ماتـرك لمواصلـك .. بُشـرى=فمان الشك وظنون الخطا والكـذب والتشويـش
فمان العيد .. كنّي به يجينـي وحالتـي تـزرى=يطبْطبْ فوق أكتافي حزن ويقـول لـي: معليـش
فمان الجوع واحساس العطش .. ومفارقك صحرا=تعبـت افتـش لْواحاتهـا واضنانـي التفتيـش
فمان ضلوع مكتـوبٍ علـى أنحاءهـا اليُسـرى=هُنا توجد جروحي" لو تكرّمتـي: بـلا تنبيـش
فمان دموع لا تُسمـن ولا تُغنـي مـن الذكـرى=وانا اللي ماقدرت اطلع من اجوائي معك بشويـش
فمان الشارع اللـي كلمـا جيتـه .. وانـا أقـرا=معاناتي من اول يوم في وصلك إلـى التهميـش
فمان الشاعر اللـي يجمـع بتجربْتـه الصغـرى=فكر بدر .. ورومنسيّة نزار .. وفلسفة درويـش
فمان العاشق المجنـي عليـه .. بتسليـة عـذرا=من اول "بعشقك" حتى نهايـة "مـا تصبّرنيـش"
فمان الخوف ويدينـك جنـود وأضلعـي أسـرى=وانا فيني من الإحباط .. مايكفي هزيمـة جيـش
فمـان اشيـاء ماتنقـال للعالـم .. ولا تطـرى=ممالك حُب .. دمّرها اللعب وسْياسـة التطفيـش
فمان الإيش؟ ما أدري .. ولكـن الزمـان ادرى=وانا اللي ضاع مايدري .. حبيبه ضيّعه لجل ايش؟
فمان الله ياقلبـي مـع انـك جـرح مـا يبـرى=كتب ربي عليّ اعيش من دونك .. وانا ما اعيش! [/poem]


للشاعـــــرالرائع:
محمدالشهراني

[عبدالرحمن الحميدي]

متعبة عسافها
لا حرمنا الله منك ومن إبداعك الجميل
ونقلك الرائع
قصيده جميله وتستاهل التقييم.

[>>متعبه عسآفهآ<<]

تسلم ياخوي واشكرك على مــرورك أسعدتني بتواجدك بجد
دمت بحفظــــــــه