[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] بين فرحة لقاك وهم فرقاك= لاتذكرت جرح ولا نسيتك
حي هالشوف ماتنمل دنياك =شف سواة العيون ليا لقيتك
عين تشربك شوف وعين تضماك = لاذبحني ضماك ولا رويتك
قمت اخيلك هنا ... وهناك .. وهناك =وين ترحل بي النظره نصيتك
ان تبسمت قلت الموعد شفاك = وان تمنعت بانفاسي دعيتك
وان طلبت الغلا قلت الغلا جاك = وان سكنت الخفوق البيت بيتك
وان نثرت القصيد بدرب لاماك =ذاع صيت القصيد وذاع صيتك
يارجا العمر لو حفتك الاشواك= ليتك اول طريق القلب ليتك
ودع البرد كفٍ ضم يمناك =صافح الود قلبي يوم جيتك
حي هالشوف رغم هموم فرقاك = لو تناسيت جرحي مانسيتك [/poem]
