[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
ينجـرح قلـب،، لكـن ترتـفـع هـامـه=والله انـي لامـوت ولاانحنـى راسـي
لـو رمـانـي زمـانـي وسـط،،دوامـه=العواصف شديده ،، والجبل راسـي
أنقل الحزن وامشي منتصـب قامـه=قاسـي الوقـت ،، لكنـي بعـد قـاسـي
واسمع الحلم يصرخ لحظه اعدامه=رابط الجاش ،،، ماهز الخبر باسي
عزتـي غالـيـه ،،والـنـاس سـوامـه=قلـت ماابيـع حـتـى تقـطـع انفـاسـي
زانت ايـام عمـري ،، شانـي ايامـه=مارجيت العزى من رحمـة الناسـي
مـن عجـز لايـدوس الـهـم باقـدامـه=لازم انـــه مـــع الايــــام يـنـداســي
يندمل جرح القلـب ،،ماتـي احلامـه=بس ما اظن يبرى جرح الاحساسي
يوم صـارت مابيـن القلـب والهامـه=وش ابي بالحيـاة الياانحنـى راسـي
[/poem]
