السلام عليكم ورحمة الله وبركاته
صبحكم الله بالخير
اقدم بين ايديكم هذه القصيده وعسا ان تنال على رضاكم
[poem=font="Simplified Arabic,4,black,normal,normal" bkcolor="transparent" bkimage="backgrounds/17.gif" border="double,6,firebrick" type=3 line=0 align=center use=ex num="0,black"]
كل ما جيت بنسى عسى ما مضى من اسى.. ينّسى لاحلي طاريٍ رجع اللي مضا=فالسهر والقمر والقصايد على كل طرق وبحر ..نقّضت واطرقت وابحرت فالخيال
مومنٍ بالقدر والقضا ..محتسب بالصبر ..مير ياهل الوبر والمدر ..ماحصل لي قضا=يوم جرّيت ونة من اقصى الحشا .صوتها مثل جرّ الرشا لامشى واندرج فالمحال
ونةٍ هيجنت وارهجت محجر العين عقب امتلى.. كنّ دمعي صلِي فوق جمرالغضا =من عشق ما وثق!! ما يهمه اذا انفتق.. ما وثق.. مير انا صار لي ما حسبته محال
قال لي ثق ثقه ما بعدها ثقه ما نخون العهد والوعد فالعشق والمحبه رضا =قلت هذا الكلام المقلّ التمام الوفا طبعنا لو يجور الزمن ياشبيه الغزال
لجل عينك ترى ..للمدن والقرى ..حشمةٍ ما ترى.. وان بدا من طرفهم لهيب و لضا=ما ذخرت النقا والكرم والصفا ..باخلٍ بالجفا ..مكرمه بالوفا ..هو بعد بالمثال
في جماله كمل.. والله اللي عطا فيه معنى الشعر..درةٍ في بحر ..نجمةٍ فالفضا=فالمحيّا قمر وسط ليلٍ ظهر والسحر فالنحر والنواعس ولع في دلع واختيال
ذقت طعم الحياة ان رشفت الحلا توت خالط عسل والحضيض اللذي مثل هذا حضا =اه ياليلةٍ شفت منها العطب بعد ما قام يرسم على لوحةٍ خطّها فالرمال
وردةٍ ذابله بين قلبين قلبٍ نزف من جروحه وقلبٍ دمع ثم قال بمضا=قال لي ببتعد قلت وين العهد قال لي لا ابد مزحةٍ عابره من حسين الدلال
قلت مزحك دلع.. يا نعيم اللما مير قلبي جزع.. ما قبل مزحته ! يوم عقلي غضا=وافترقنا على موعدٍ فاللقاء فالمكان اللذي كل ليله سوى بالسهر والوصال
جيت في موعدى والغضي ما حضر !!قلت ادوّر على رسمةٍ فالرمل قد عليها مضا=واه يا رسمةٍ يوم جاها الهوى زالها مابقى غير قلبٍ دمع وانفهقت بعجال
قلت وين الغضي ينظر اللي حصل.. وانتظر ..وانتظر.. وانتظر ..ما حضر ..لين ليلي قضا=بعد ليله ..وليله.. وراحت ليال الشهر ..مع شهر ..ما ذخرت النشايد عنه والسوال
والهواجيس تقبل وتقفي.. عسا مانسى عشقنا !! وانشد اهل المدن وأهل عوص النضا=بعد رابع شهر ..ذكروني الصبر ..قبل قول الخبر ..فالغضي ..ما صبر!! دمع عيني وسال
مومنٍ بالقدر ..وان بكيته قدر.. واعتبرها قدر.. يوم قلبي بعشقه ونعيه فضا=من عشق ما وثق.. ما يهمّه اذا انفتق ما وثق ..مير انا من وثق فالعشق والليال[/poem]
سلامتكم // اخوك ناصر بن دغيم
رد مع اقتباس
المشاركة الأصلية كتبت بواسطة ناصــ(NASSER)ـر
