هلا فيكم بنوتات عالم حواء
طريقه النشا للامانه قريتها لوحده من العضوات لكن غيرت فيها بدل الماء العادي
حطيت مغلي الزنجبيل الطازج
جربت بشعري هالخلطه ونفعت معاي << يا كثر ما تجربين فيه هههههه

وحطيت هالخلطه اقل من ساعه لاني كنت خاايفه تسبب تساقط او شيء
بس بعد النتيجه الحلوة بفضل الله
 راح اخليها المره الجايه ساعه ونص

الطريقه هي :
 - اخلط قطع الزنجبيل مع الماء على النار لحد ما يغلي مضبوط
 وبعدها اشيل الزنجبيل من الماء واضيف النشا البودر ة
 واحرك لحد ما اشوف انه ثقل شوي ثم احطه في صحن التقديم <<اقصد الاستخدام
 احط خلطه النشا على كل خصله
ثم اخذ شوي من زيت جوز الهند وامسح فيه شعري من البدايه لحد الاطراف ....
 تركته لاقل من ساعه ثم غسلته بشامبو كلير ..
 ومشطته بشويش وربطته ولفيت الاطراف بالرول العادي لحد ما ينشف ...
 بصراحه الخلطه رووووووووووووعه ماشاء الله
شعري ماشاء الله
من البدايه صار ناعم و فيه لمعه حلوة
 اما الاطراف ما ادري لسا الرول موجود وما لي خلق افكه الحين
واللي دايما تستشور راح تلاحظ انها راح تخلص بسرعه

وان فيه من لم تناسبها الخلطه فالسموحه والله العظيم ما كتبت الموضوع الا بعد تجربه وما ابي اسبب الضرر لاحد ابداا

اللي تناسبها الخلطه و تجربها اطلب منها ..
تدعي لي بالتوفيق و السعاده و التيسير في كل امور دراستي و زواجي و حياتي
وان يصرف عيون الكائدين و الحاسدين عني ويكفيني شرهم


وياااارب
يفرح قلبكم ويعطيكم من كل خير و فرح فوق ما كنتم تحلمون فيه بيوم

ملاحظه هامه جدا :
رغم اني استخدمت زيت جوز الهند الا اني ما لاحظت ريحته بعد ما غسلته بالشامبو .
زيت جوز الهند المستخدم هو الخاص بالطبخ لون علبته ازرق وتجي بلاستيك.