ويِرْبِكْنِي ..رحيل الحلم .. وصَحْوَة جرحي المكبـوت
ــــ ويضنيني .. صراخ الصبر .. إلا من شق أسماعي..!
أخبّيني .. ورى عمري .. أخاف يمرّنـي هالمـوت
ــــ وأنا لااااااااااازلت أتنطّر .. عيونك تلمح أوجاعي ..!
علامك .. ساكت الليله !.. وتتحاشى أنين الصوت ..!
ــــ تغفّيني وأنا أحاتي .. ثلااث أرباع أرباعـي ..!
[ربع] .. عانى جفاف الحس
[ربع] .. متشرّب القسـوه
[ربع] .. يكره ملامح أمس
[ربع] .. يحمل غثا عنـوه
[ربع].. يتقن كثير الهمس
يـردد وجعتـي غنـوه ..!
[ربع] يصرخ كفانـي بـس
[ربع] يسعى لجل صحوه ..!
ويبْكيني .. ضيـاع الفـرح ..كأنـه مبتلعـه الحـوت..!
ــــ أمده .. بالسعّي لآجله .. ويخـذل مـدّة إذراعـي ..!
على صدر الأمل .. أغفى .. وفي حضني .. ثلاث إكروت
ــــ وجع / أشواق/ يا ذلي وحنينٍ .. مربك أوضاعي ..!
وأصحّيني .. على منوة .. بيبْني من .. غـلاي بيـوت
ــــ ويصْفعني .. قسى قلبه .. بوقـت ٍ مالـه أي داعـي..!
عزاي إن الأمـل موجـود .. ولملمتـه وسـط تابـوت
ــــ عزمت إنك تكـون اللـي .. لحفلـة ضيعتـي الداعـي
ترى مـن حقـي أتكّلـم .. قبـل مـا هالقطـار يفـوت
ــــ وأظل لوحدي .. ولوحدي .. أخيط رقعة شراعي
دخيل اللي بلاني..بك..وهذا الملح..وحلو التوت
ــــ ابي مره..على شاني..تكون لوصلي الساعي .!
ابي تخذل..وجع روحي..وتطلق حلمي المكبوت
ــــ وتنطقها..ابيها منك..وترددها على اسماعي
وماتت باقي..ارباعي/وانا مازلت..اكمدها
غريبة رجفة..اضلاعي\الا من قمت..اهددها
ترى ماللصبر..داعي/ويذبحني..ترددها
ينام الحلم..مرتاعي\وكلمة آه..يرددها
ولاتوقعت..ترخصني..ويلبسني زماني بشوت
ــــ بشوت الحزن..والحسرة..ولكن ليتك تراعي ..!
ممآ رآقَ لي
لِ الشآعره / حنان العجمي 
ابي تخذل..وجع روحي..وتطلق حلمي المكبوت ~
رد مع اقتباس
