ما عندك (بلاك بيري) ..؟ يؤ يؤ يؤ وش تحس بة ؟

[شذى الروح]

ما عندك (بلاك بيري) ..؟ يؤ يؤ يؤ وش تحس بة ؟

” بلاك بيري لغة العصر الآن ”


اكتشاف اول جهاز مذهل ومميز حياتنا صارت اسهل معاهـ

وصار بيد اغلب الناس تقريبا ًومايخلو مكان من وجود شخص منزل راسه يرعص بكيبورد البلاك


{ سوق / مستشفى / جامعه .........

سبب طرحي لـ هالموضوع كذا سبب



اول شي :

اللي ماعندهـ بلاك بيري قروي ! ولـآ , من العصــر الحجــري بعد!

عفوا ً؟ وش هالنظرهـ بالله ؟


بعطيكم مثال



[ المشهـــ1ـــد ]

هيا : الو مرحبا كيفك ؟


صديقتها : منيحه ازيك انتي ؟
هيا : بموت بنهبل وربي خلاص ماعاد بجي الجامعه
صديقتها : افاا سلامات لا تقولين اخوك سعود صارله شي < بريئه
هيا : لالا ماصار شي بس اني اجي بدون بلاك بيري

صديقتها : ليييييه وش فيها ؟


هي : تبين الناس يقولون عني قرويه والله معصي ,اجل بنشب في اهلي يشترون لي غصب
صديقتها: طيب حبيبتي امي تناديني بكرا اشوفك بالجامعه
طبعا صديقتهاا اخذتها مخرج ماودها تعصب عليها ويطلع منها كلام بايخ

لـ هالدرجه وصل فينا التفكير مااروح الجامعه عشان مامعي بلاك بيري !



[ المشهـــــ2ــد ]


بنت شافت وحده معاها بلآك بيري


قالت اووووووهـ بلاك بيري اشتغل المغازل


ســــــــــلامــآت
يعني شلون توصلت بـ هالنظريه انا ماادري ؟
متى بنرتقي بتفكيرنا ؟
متى بنستخدم التكنولوجيا مثل خلق الله؟






واخر شي بخاطري ولا بد اني اقوله


نسولف عن شركات الاتصالات والافضل موبايلي او اتصالات


جينا لـ طاري البلاك انه افضل على موبايلي من وجهة نظـــــر


قالت وحدهـ اخوك يدري ان معاك بلاك بيري ؟
ردت البنت قـآلت: ايوهـ هو جاب لي شريحه موبايلي عام وفعلي الخدمه


قالت تبين تسوين فري مع اخوك بلا نصب بس


مسكينهَ مرضت البنت على طـــول



يعني ايش مثلا ً اللي معهم بلاك بيري اهلهم مايدرون عنهم ؟


...

سؤالي هنا

*معقوله صارت حياتنا تنقاس بـ جهاز الكتروني ؟
*هل نظرتكم لأي شخص بيدهـ بلاك بيري راعي مغااازل؟
* طيب انــآ ماعندي بلاك بيــري يعني اعتبر نفسي من العصر الحجــري ؟


بالله ارآآئكم مع حبي ..

منقول ولاعندي بلاك بيري >>مسكينه هع برا

[سوسو]

والله انه من اروع الاجهزه اللي امتلكتها يكفيني اعرف اخبار اهلي واخواني وصديقاتى
وانشر كل شي يكون شاهد علي باذن الله

لكن اعذريني المشكله في مجتعنا

والله يضيق صدري اذا شفت سيارة شاب مكتوب عليها البن حقه مجتمع مدري متى بيفهم

لكن ما اقول الا ربي يهدي شباااابنا يااااااااااااااااااارب

واخيرا كلن واستخدامه اللي يبي الخير بيمشي في طريقه واللي يبي الشر بيلاقيه واصلن بهذا الزمن ماعاد فيه قرويات التطور وصل كل مكاااان والحمدالله

[طالبة كسولة]

امممم بصراحه الحين لا تخلو يد اي شخص من البلاك يعني حتى الاطفال اللي اعمارهم ماتتعدى التسع سنوات معاهم
وشووفي المجتمع ككل يقيم الناس من أجهزتهم واغراضهم انا من الناس اللي ماأؤيد البلاك بيري ابدا لعدة اسباب :اولا مسوي زحمه هو وذا الازره اللي ماليه وجهه ثانيا عند اغلب الناس مفاهيم خاطئة ان البنت اذا مسكت بلاك بيري فهي صايعه والظاهر ان اللي يقولون انها صايعه هم اللي يسيئون استعماله ويستخدمونه للمغازل والدشره فعشان كذا يشوفون كل الناس تسوي مثلهم طيب موو هذا النت فيه الزين وفيه الشين هل هذا يعني ان البنت اذا استخدمت النت تدشر طبعا لا والشاب ليش مااحد يقول يدشر يعني حلال عليه مثلا وطبعا لكل جهاز ايجابيات وسلبيات بسس الذكي اللي يعرف السلبيات ويبتعد عنها ثالثا فيه ناس عندهم هوس في شراء الاجهزه الجديده يعني مره بلاك مره آيفون مره أي باد ....ألخ وفي بعضهم بسس عشان يقولون الناس والله فلان عنده آخر جهاز نزل واما الناس السخيفه اللي اذا ماكان عندهم بلاك بيري مايروحون مكان مدري وشش اقول عنهم ....نو كومنت ....واللي يعتبرون اللي مامعهم بلاك بيري من العصر الحجري والله انهم هم اللي من العصر ذا لانهم يقيمون الناس من اشياء سخيفه اصلا حتى اللي اخترعه اخترعه للفائده مو للمفاخر والحركات ذي مسكين صراحه يحسب كل الناس مثله
ويسلمووو خيتووو ع الموضوع اختيار موفق

[فهده]

يعيش ابو كشاف بيري يعيش يعيش يعيش


سجلي ثاني قرويه في المنتدى ماعندها بلااك

*هل نظرتكم لأي شخص بيدهـ بلاك بيري راعي مغااازل؟

مو شرط اعرف ناس عندهم كشاف ويغازلون :/ شايفه كيف

يعطيك العافيه ع هيك موضوع اقتحم الواقع العبيط

سلام..

[جميل الثبيتي]

ههههههههههههههه

فهده وش نوع جوالك ؟؟؟؟؟؟؟؟؟؟؟؟؟

المشكلة ما هي في الجهاز

بإختصار في مالك الجهاز

العيب فينا ودوم نرمي بلاوينا على الغير

بنت الرجال إهي إهي في كل زمان وماكن ومع إي

تقنية وجهاز

بلاك بيري آيفون أو على قولة فهدة ابو كشاف

[5shof]

^
^
سجلوني ثالث وحده ههههه

غالبا اي جهاز يطرح بالاسواق اول من يقتنية هم المراهقين
وللاسف استخدامهم له غالبا سئ

بالنسبة للنظرة المجتمع لمن يستخدم الجهاز انا اشوف انها مازالت للاسف
وللاسف فيه ناس واعية وفاهمة ومازالت تركز على هالفكرة
انا لا انكر ان هناك من يستخدمة استخدام سئ لكن يجب ان لا نعمم

[النجم الساهر]

أنا ضد إستخدامه للمراهقين لسبب واحد أنه سوف يشغلهم عن المذاكرة وفي الواقع هم من دون بلاك بيري مقصرين كيف مع البلاك بيري لن يفتح أحدهم أي كتاب لأنه سوف يكون مشغول مع الزملاء في الشات

موضوع رائع جزاك الله خير

[غلا الروح]

مثل ماذكر الاستاااذ جميل إللي فيه خير وبركه مااا يتغير


بس الخااايب خااايب حتى لو مسك قووطي

يعطيك الف الف عااااافيه ع الطرح الراائع

[فهده]

فهده وش نوع جوالك ؟؟؟؟؟؟؟؟؟؟؟؟؟

ان تسالو عن اشياء تبدا لكم تساكم
تصدق اني شرقت من سوالك ذ1
:/

المشكلة ما هي في الجهاز

انتا عارف البروبليم اذ1 تجمعت لا جوال ولا بنت رجال هنااا المصيبه ^^"

برب ومعليه اني اشيك ع الموضوع مرتين

[دفا المشاعر]

كنت سابقاً أكرهـ البلاك بيري

والحين قاعدة أفكرر وقربت من القرار في شرائي للبلاك

والله نستفيد منه في التواصل مع الأهل والصديقات

وبدل المكالمات نقلبها محادثات

وتصير مافي فاتورة شهرية تكسر الظهر

والله أنا شايفة الصغير والكبير معه بلاك بيري

والجهاز ماله ذنب والذنب والمشكلة فينا

أختي الغالية شذى الروح

أهنئك على طرحك الجديد والمختلف عن المعتااااد

بارك الله فيك ~

ودي

[أنـ الذكريات ـين]

ان كان التخلف بهذا فأنا متخلفه 4 مع مرتبة الشرف.. : )


ولا أفكّر فيه .. بس كان فيه نظره سقيمه واللي معها بلاك فيها عله وووو الخ احتمال كبيير تطق براسي عناد واروح اطق لي واحد..


،،

متى كان جهاز أصم يقيمنا ويقيم اخلاقنا..
نحن من يحركه وليس هو من يحركنا..

وعلى قولتهم اللي فيه بلا والله لو معه ابو كشاف بيمشي حاله..



أشكر طرحكـ..


تحيتيـ

[الهمة القادمة]

مع الأسف شاهدت الكثير لديهم بلاك بيري وهو منتف وما يفارق ايده
مظاهر كذابة
لكن يبقى حسب الاستخدام فهو سلاح ذو حدين
بس عن نفسي ما هضمته ابد

وفق الله الجميع

[medad]

انا مع التقنية وكل جديد ولكن ضد الإستخدام السئ للأجهزة..

وللأسف غالبا مايُنظر للسلبيات..لآن استخدام البعض لتلك الأجهزة لغرض التسلية فحسب!!

فهو جهاز مثله مثل بقية الأجهزة ..ولكن تحكمنا نظرة البعض لكل جديد..بأن كل شخص لايمتلك

جهازا جديدا فهو متخلف عن ركب التطور والتقنية..!!

وكل مُستخدم لها فهو بالتأكيد سيستخدمه في أمور غير إيجابية !!

لماذا تلك النظرة هي التي تحدد استخدامنا للأجهزة؟؟

كجوال الكاميرا <<أول ماظهر حورب ومنع استخدامه وووو لأنه للأسف نجد الأغلبية

لايحسنون التعامل مع الأجهزة والتقنية الحديثة !!

البلاك بيري يقدم خدمة الماسنجر والتقاط الصور وارسالها في وقت قياسي عبر المسنجر

ومحادثات مثل جهاز الحاسوب إلا أنه اختصر الوقت والجهد وهو أخف حملا من اللابتوب ..

وبالنسبة للمراهقين ينبغي إعطاؤهم الثقة اولا وإرشادهم للأفضل حتى يحسنوا التعامل

مع الجهاز ومراقبتهم من جانب الاهل فبإمكان الام او الاب او احد الإخوة إضافتهم لجهة اتصالاتهم

ومراقبتهم بطريق غير مباشر وتوجيههم في حال الخطأ..وأنا ضد إعطاؤه لصغار السن جدا..كالاطفال مثلا


وأخيرا..جهاز البلاك بيري جهاز رائع من حيث التواصل مع الأهل والاقارب والاصدقاء..فهو اختصر المسافات

وقرب البعيد!!

كل الشكر لطرحك..

[شيخة السعودية]

اجل انا من العصر الحجري !

[غلا أبوها]

دفاا تووكلي ع الله وخذي بلاك بيري ترآآ فيه ميزات حلووووه



عوآآفي الموضوع