أكـــمل شطـــر البيت ,,

[مشعل الثبيتي]

الفكره :

1- يبدأ العضو بكتابة شطر بيت ويجي العضو الاخر بعده ويكمل الشطر ليصبح بيت كامل ..

2- ثم يكتب شطر للعضو اللي بعده ,, ليكمله العضو اللي بعده ..



مثلاً العضو الاول يكتب

عيني تخيل ابروق مزناُ تلالا


العضو الثاني يكمل

عيني تخيل ابروق مزناً تلالا00لعل هماله على دار خلي


وبعد مايكمل الشطر ويصبح بيت كامل


يكتب شطر للعضو اللي بعده ..



وهكذا آمل ان تحوز على رضاكم وتفاعلكم




أنا ببدأ ..


البنت تتصنع براءه ورقه ..

[أنـ الذكريات ـين]

يعطيك العاااافية مشعل..

لنا عودة بعد الدوام ان شااء الله ^.^


تحيتيـ

[سامي العطاوي]

موضوع حلو يامشعل

وانت ماتجيب الا الحلو

نتمنى التفآعل من اخواننا الشعآر

البنت تتصنع براءه ورقه ..بسّ الأكيد إمفآرقتها البرآءه

أتعبت رآسي من التفكير يآمشعل .....

[ناصر أحمد الخريش]

موضوع جميل مشعل الله يعطيك العافية
وبعدين ياسامي مايصلح مشرف يكمل مع مشرف عشان كذا خلني اكمل عندك اسمع
البنت تتصنع براءة ورقة &&& ماتدري أن الطبع خلقه طبيعي
حتى شكلها ماسلم فيه حقه&&&


الكلام مو على اي بنت على قليل منهم والأصابع ماهي سوى

[أريج الرياض]

الله الله ع الأفكَار الحلوَه ^ _ ^
وبدَايَه قويّه من الشبَاب
الظَاهر ناوِينهَا ثَورَه * _ *
عمومآ اعذرُوني مااقدَر اكمّل ابيَات فيهَا حش بالبنَات
لكِن بنتظِر تكتمِل
وابدَا بشطر حَش فيكُم
وبكذَا نتعآدل
وحَده لوحدَه يعنِي


مشعَل’
فكرَه متفردَّه وجمِيله
لو انّك سالي اوّل شطر بس ^ _ ^
الله يعطِيك ألف عَافيه
دُمت بـ ألق.

[مشعل الثبيتي]

ههههههههههههههههههههههههه ه حياكم ربي ..



ياحبايبي انتم مافهمتوا زين ؟؟



البيت إذا أكتمل خلاص ينتهي موضوعه ..


مو نكمله ببيت ثاني ..



يعني مثلا


البنت تتصنع نعومه ورقه .. بس الأكيد مفارقتها البراءه ..


> كذا خلاص أنتهي البيت


اللحين الأخ سامي يجيب له شطر ثاني من راسه واللي بعده يكمله ..

يعني يقول :

ودعتك الله ياكحيل العين وأعلنت الوداع ..

واللي بعده يكمله ..

فهمتوا كيف .. وهكذا ..


مو نكمل نفس الابيات كلنا ..




سامي ,, أنين ,, الخريش ,, اريج ..



لاهنتوا ..


أخوكم


م ش ع ل @@

[أنـ الذكريات ـين]

مراااحب..

عدنا : )


ودعتك الله ياكحيل العين وأعلنت الوداع ..

الله يسهل لكـ دروب.. ودرب دمعي يسهله..


،،،،،

ياليل توّكـ مبتدي والقلب ضامي للرحيل..




تحيتيـ

[أريج الرياض]

علُم يامشعَل ^ _ ^


ياليل توّك مبتدي والقلب ضَامِي للرحِيل...يامَا سهرتك..وش خذِيت الا همُومٍ موجعَه...!





انْت الأمَل لولاكْ ماسُولف الضيّ...!

[مشعل الثبيتي]

انْت الأمَل لولاكْ ماسُولف الضيّ...!


والنور لولا وجنتك ماتبيّن ...!


للحب لذه في عيون المحبين ..

[احمدسبيتان]

للحب لذه في عيون المحبين=ياخض عين" للجفا ماتناظر



صوتك حنين اجراس واهدابك نعاس

[عوق الخصيم]

صوتك حنين اجراس واهدابك نعاس========وعينك بحروالشوق فيهاسفينه


دنياي لو تعكس علي المفاهيم

[مشعل الثبيتي]

دنياي لو تعكس علي المفاهيم ..

ما اسج رجلي فالدروب الرديه ..




تحسبين الجرح في لحظه يروح ؟؟

[محمد بن ضاوي]

تحسبين الجرح في لحظه يروح ؟؟
اجرحي مدام انا عنك اغتنيت




لا متى ياقلب يحدوك الأمل ## ..............................

[عطيه الزهراني]

فكره جميله اخوي مشعل

لا متى ياقلب يحدوك الأمل
وانت تدري رجعته صارت سراااب


الجرح يكبر وانت تكبر مع الجرح

[مشعل الثبيتي]

الجرح يكبر وأنت تكبر مع الجرح ..


أنت وجروحي في خفوقي (( كبرتوا ))



وجدي على اللي نحرها كنه القطنه ..