كذلك حبيت انقلكم هذه القصيده للشاعر الكبير سهل بن نايف الكسر اتمنى ان تنال اعجابكم
يافهيد شب النار مع باحت الشوف
ترء حلاة الكيف مع فكت الريق
هات الكريك وحط للنار مجروف
ناراً عليها يجلسون المطاليق
عان الحطب في ثنوت الدعب مجعوف
والما من القلته قراح المذاويق
حط الخشب في ترعت النار مصفوف
وادفق عليه القاز من فوق تدفيق
الا جى لشعلتها تواشي وعاصوف
حط البريق وفرق النار تفريق
من ماركة بغداد قم هات الي جوف
عفراٍ تنافس بالبياض الغرانيق
عفراء طويلت جيد والوسط ملهوف
مكبوسة الغطوه على حلقها الضيق
طويلت العرقوب والخشم معكوف
جبرة حديده والجوانب لواهيق
من البكار العفر تاخذ لها اوصوف
وتاخذ اوصوف ملهفات السماحيق
تاخذ لها منهن مثناه واكتوف
لو كان محرقها سنا النار تحريق
والثانيه رسلان والشكل معروف
والثالثه رسلان والرابع ابريق
واحمس لنا بنً شريناه بجزوف
جابه يمانيً عيونه بلاحيق
من شجرته من يم خولان مقطوف
من وارد الخولان مافيه تبريق
خابرك انا يافهيد في الشغل شاحوف
وموفقً في حمسة البن توفيق
لاتنطل المحماس يافهيد في الجوف
اخاف يلحقها سنا النار بلحيق
للنار جوف وجال وجنوب وطروف
وللحمس يفهق صالي النار تفهيق
حفها على سمراً شديد الهب حوف
حتى تعرق من سنا النار تعريق
ويا اندار لون الحب ثم صار مشيوف
وجا للنجاض ابها صفار واترانيق
قم صبها بمبرداً عود وسعوف
مقمرً عوده يجي له تباريق
ثم هات لي نجراًكما الطير مكتوف
وقفت نداوين يتل المسابيق
اطول من الرسلان يومنها اوقوف
ياناشه المهواء يجي له تصاعيق
ولقم وبهر واودع الهيل مدغوف
حتى يجي الفنجال لاصار محيوف
من العويدي ذوق الهيل تذويق
دم الغزال الي يجي بالمعاليق
ولا الخضاب الي على كف غطروف
نجلاً تخازر بالعيون العشاشيق
يجمد على الشارب الي صار مشفوف
وصف الخوير ان صار بالوصف تدقيق
برية ً تبعد صلف كل مصلوف
تجلا العمس ماهيب شاهي سواويق
الي ذرف منها على الكبد ذاروف
يبي يهود شارد الفكر ويريق
هات الشداد وعطني الجاعد الصوف
افراش اهل هجنً تبوج الرقاريق
تراي انا والهم لايف ومليوف
وهجسي من البارح يجي له تخافيق
ولي عزف هجس الغنا كل معزوف
تنفك بيبان القصيد المغاليق
جني بنات الفكر زافات وصفوف
وقمة اتخير في قراح الطواريق
الشعر مثل الصيد قطعان وخشوف
والصيد طعمه والنوادر توافيق
نبي نخلي عاصي البيت معسوف
ثم راحة القيفان عقبه مواسيق
واليا اعتدل هجسً له ايام معكوف
يمت طريق معلقات العشاريق
ياصاح انا قلبي من الود مشعوف
حب البنات ملصقً فيه تلصيق
شاعيه غطرفً والي فيه معروف
ومثقلي معه بعض المواثيق
غيدا ًنوابي عمرها صدر واردوف
زملوق غصنً من طوال الزماليق
لابينت خدً كما بارق اقنوف
رخم السحاب الى خشومه مدانيق
وعينً هدبها لاشبح كنه اسيوف
عن اشقراً مرباه روس الشواهيق
تنسف ثليلً غاط ٍ المتن منسوف
على مثل غرمول عرق الصعافيق
مرودم ٍ بالحال ماهيب حرجوف
لا شافها راع الهواء جاله اشهيق
ملهوفة السرجوف والجسم غظروف
والمفرع الي فيه للشمس تشريق
صدرً تقول من ابيض القطن مندوف
طلع النهود مفتقً فيه تفتيق
ياما عليه الاحي الورق واسوف
ورقاً على دوحن غصونه مواريق
امر بيته وتعداه واطوف
ونا على شوفه شفوق المشافيق
ادرا على سمعتك واذل واخوف
من اهل الهروج مكثرين النقانيق
كم واحدً لو كان ماهوب مكلوف
يطقها لو جنبت عنه بالحيق
تراء التعب في راحة النفس مخلوف
شوف العيون يزود القلب تشويق
هذا ويمن له نحى بال مشغوف
شوفك يسليني عن الهم والضيق
ليتك تصافحني بذرعان وكفوف
ولا علي اتدنق الراس تدنيق
رد مع اقتباس
