السلام عليكم ورحمة الله وبركاته
صباحكم / مسائكم نور.
بعد الغياب أقدم الجديد واتمنى ان ينال القليل من رضاكم واستحسانكم ويشفع عن أيام الغياب
[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وش بك! أدق الباب ماتفتح الباب=ماتدري إني واقفن دون بابك
جيتك أببدي فالمواصل بك أسباب=ودي أضم الشوق وأطرد سرابك
لأولة مشتاق والشوق غلاب=ياجعل مايسري بشوقي سرى بك
والثانية مااقوى ولا اتحمل غياب=ولوي أبقوى ماتحمل غيابك
والثالثة دمع المحاجر والأهداب=لو ماأهله غصب عني بكابك
والرابعة المطلوب يقفيه طلاب=وف الديون وسد باقي حسابك
والخامسة لو يحتضن جسمي اتراب=في وقتها وش فود دمعة جنابك
والسادسة ليا كشر الوقت بالناب=مالي غنى عنك ولا عن عذابك
والسابعة خايف من الظرف مرتاب=وياجعله أتلى يوم عني غدابك
والثامنة قلبي من الحب ماشاب=ياجعل مدات اليماني تشابك
والتاسعة من العام والقلب منصاب=ياليت تسعف بالمواصل مصابك
أما الاخيرة عاد لو قلت الإعجاب=ماتقدر ترده ولاترد بابك
ياجعل بابك ينفتح فتحة كتاب=وياجعلني العنوان بأول كتاب
هذي علوم الحب وعلوم الأحباب=يامثور بقلبي ولا احد درى بك
لعب وثور بس لاتطري اغياب=ولا تقول بعد غياب لي ويش جابك
جيتك أببدي فالمواصل بك أسباب=ودي تبين وش سبايب غيابك
[/poem]