دوم زلاتي تصير

[الـصامـت]

جاتني وتقول خلي واحشٍ قلبــــــــــــي كثير

قلت وش شوقك مع الي من حنينه مات شوق

يوم قلته غارت وجــــــــــــــــارت حروفي بالنظير
واوصفت لي وش عطتني واتحدى في الفروق

قالت ادروبك ظــــــــــــــــــــلامٍ تايهٍ فيها المسير
لين طلت لك عيوني وابـــــــتدى فيك الشروق

قلت ظللتك غمامي مادريتي بالهجـــــــير
كاسبه ظلي وانا الي امتلى ظهري حروق

قالت اخترتك وانا الي كم تقدم لي وزير
واختيارك معصية لعقــــلي وطاعه للخفوق

قلت رديتي وزيــــــــــــر وانا نصبتك أمير
منصبٍ ما كان جالك غير لا صرت معشوق

قالت انت أول وصالي وانت فالهجر الاخير
وآخري ما هو بجايك باسبقه لو هو سبوق

قلت ضيفتك شعوري واغتـــــذيتي كل خير
واهبك كلي وانا الي من عـرفتيني صدوق

قالت اعطيتك ســــمايه ماعدا طيرك يطير
وان مللت الجو حوِّل مسكنك في جوف موق

قلت سكـنتك فؤادي / قالت الموطن صغير
قلت اعطيتك عروقي / قـالت اشبه بالبروق

قلت صغر القــلب حجمه لكن احــيا له كبير
يفتنك ويذل غـيـرك ولا تهــــان له حقوق

والبروق الي بجــــــــــوفي فجَّرت مليون بير
شفتك اكثــــــــر من وردها ليه اقوالك تبوق

قالت اعذرني حبيبي
دوم زلاتي تصير
قلت محشومه حياتي
ما اشوفك غير ذوق

7
7
7
7
7
7

فهد العتيبي

صح لسانك وبيض الله وجهك يافهد
وسلم منطوقك
بوح عالي الجوده

تحيتي وتقديري

[فـهد العتيبي]

صح لسانكـ يا فهد..


رائعة


تحيتيـ

صح بدنك
مرورك الاروع
تقديري

[فـهد العتيبي]

قلت صغر القــلب حجمه لكن احــيا له كبير

يفتنك ويذل غـيـرك ولا تهــــان له حقوق

والبروق الي بجــــــــــوفي فجَّرت مليون بير
شفتك اكثــــــــر من وردها ليه اقوالك تبوق

قالت اعذرني حبيبي
دوم زلاتي تصير
قلت محشومه حياتي
ما اشوفك غير ذوق

رائعه يامبدع


لاهنت الف

مرورك شمعة
فشكرا لاضاءةٍ تؤنس


تقديري

[فـهد العتيبي]

صح لسانك وبيض الله وجهك يافهد

وسلم منطوقك
بوح عالي الجوده

تحيتي وتقديري

مرورك اهزوجة امتعتني
صح بدنك اخوي ولاهنت على تشريفك


امتناني والتقديروالتوقير