بسم الله الرحمن الرحيم
.ExternalClass .ecxhmmessage P{padding:0px;}.ExternalClass body.ecxhmmessage{font-size:10pt;font-family:Tahoma;}
عروس البحر تتصل على عروس المصايف
عروس البحر:الووو
عروس المصايف:ارحبي حيا الله عروس البحر
عروس البحر:السلام عليكم ,كيفك يا حلوة؟
عروس المصايف:وعليكم السلام والرحمة .والله اني بخير دامني سمعت صوتك.وإنتي كيفك علوم أخبار سيول أمطار ؟
عروس البحر:ايوا بس كتري منها سيـــــــــــــــــــــــ ـــــــــــــول أمطار
عروس المصايف:طيب وراه تذكرتيني تالي الليل؟دام السيول مغطية!
عروس البحر: تعرفي العنكبوتة stcمسوية عرض مكالمات مجاناَ لينا احنا .. يعني حبيت اسلم ع الحبايب قبل ما اغرق
عروس المصايف: تصدقين ذكرتيني المثل اللي يقول جيت يا عبد المعين تعين صرت يا عبد المعين تنعان
عروس البحر: تقصدي الضيف التونسي ،اصلاَ هوا اللي مخلص الشقق المفروشة علينا عيلتوه اللي جابهوم كتار اللهم صلي ع محمد ولسى جي مبارك في الطريق يعني لازم نحسبلو حساب ولا تنسي علي عبدالله صالح وعبدالله الثاني .
عروس المصايف:انتي ذحين وين؟
عروس البحر:في الجامعة ولو (من سلك طريقاَ يلتمس فيه علماَ سهل الله له به طريقاَ إلى الجنة)يعني الواحد مدامو غرقان كدا ولى كدا طيب يموت في الجامعة احسن من الشارع.
عروس المصايف:لا يا شيخة انتي للحين الساعة 3 بنص الليل بالجامعة؟
عروس البحر:يا ادمية روحي تقوليلي لمن الساعة تلاتة أنا من امس محتجزة
عروس المصايف:معقول محد جاكم ولى احد يمكم؟يعني مساعدات ولى خدمات شي ؟؟
عروس البحر:لا معليش ما اسمحلك تتكلمي في المساعدات يعني مكالماتنا مجاناَ عشان يوصل صوتنا لكل المملكة يعني اكيد هما يفكرو في البعيد .بالله اش الفايدة لما ينقذو واحد بعدين مايلاقي بيتو ولا سيارتو ولا أهلو ؟لكن لما يوفرو لك مكالمات مجاناَ تقدري تتصلي على الدفاع المدني تطلبي المساعدة <لانو الدفاع المدني رقمو يصرف
عروس المصايف:والله يا حبيبتي حنا ما نباعدك بس عاد الله رفعنا فوق الجبال ولى من يم الأمانة يستر عليها
عروس البحر:يلا خليها على ربنا وربنا يحلها .دحان بتصل على ماما اكيد هيا قلقانه علينا أنا في الجامعة وأبويا في الدائري محاصر وهيا الله أعلم إذا وصلتلها الموية في السطوح ولى لسى. يلا باي
عروس المصايف:قبل ما تقفلين ردي ورايه على الأغنية القديمة :أهل مكة حمام وأهل المدينة قماري ...
عروس البحر:وأهل جدة حرام ..غرقوا في موية مجاري
بقلم : عبير البحر
مما راق لي
سلام..
رد مع اقتباس
