يازين خــــل الغلا مابيننا خله
لاتقطع الوصـــل بالهجران يالغالي
في وسط قلبي حفظت الشوق لك كله
وغيرك من البيض ماتطري علي بالي
حبك جري بالعــــــروق وسبب العله
يوم الجفا منك ياعذب اللــــما طالي
يامل قلبن يفوح اعـــــــظم من الدله
جمر الغضا حدرها وينوشها الصالي
ويامل عينن تفيض الدمع وتهله
ماترقد الليل من همي وغـــربالي
وياحالي اللي من الهجران منسله
سليتها بالموده يابعـــــد حـــــــالي
يابو عيونن هدبها سود ومظله
فيك الوصوف الجميله مالها تالي
الطف بحالي تري معادلي والله
حيلن علي الهم والغربال يحتالي
القلب ياصاحبي طول الرجا مله
وش عاد لامل قلبن يرجي الغالي
تموح قلبـــي ثلاث اســــنين وتله
وانا اتبع ارضاك ياخلي على الخالي
لاصار به عقدتن ماهيب منحله
روح لفالك وانا بروح في فالي
سود الليالي غدت بالخل عن خله
ماجاك وقتك علي كيفك ولاجالي
رد مع اقتباس
المشاركة الأصلية كتبت بواسطة الـمـهــا
