السلام عليكم ورحمة الله وبركاته
للتواصل مع قلوبكم الطاهره
جديدي لكم
[poem=font="simplified arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أن جيت تنشدني عن أخباري ترى خبرك عتيق=خبرك عتيق إن كان تحسبني جريـح البارحـه
أنا ليا مني صملت أصمل ولو جرحـي عميـق=ومـن يطارحنـي بعزمـه مستعـد اطارحـه
طبعي عزيز بدنيتي ما ضقت لو غيري يضيـق=واللي جرحني من شموخي مستحيـل اصارحـه
ما أطعن رفيقي بالظهر وأفهم مرادي يالرفيـق=ماني بمن يطعن رفيقـه لـو بكلمـه جارحـه
راجع ذنوبـك كلهـا واتـرك تفاهاتـك وفيـق=لا تشمت وجيـهٍ لـك الله بالمشاكـل فارحـه
أنا رفيقك لعـن أبـا حيـك بمنزلـة الشقيـق=ماني بحي الله رفيـقٍ مـن القلـوب المارحـه
أنا ليا منـي زبنـت أزبـن بمرقـابٍ سحيـق=وأنا ليا مني نصيت أنصى الصـدور الشارحـه
وأنا ليا مني نويت أرقـا علـى قمـة طويـق=حرام لرقاهـا كمـا ترقـا الطيـور الجارحـه
أسج بفكاري سمـا واشـق للهاجـس طريـق=أفكار صادت جزلهـا وأفكـار باقـي سارحـه
ما أنام وأنسى غايتي فعلـي وتوقيتـي دقيـق=أنـال مطلوبـي وروسٍ ع..الوسايـد مارحـه
والشعر يتفاعل معي ويشيش ولسانـي طليـق=يبدا يفصل حالتـي والوضـع وافـي شارحـه
ويمدني في سجتـه ترسانـة المعنـى الوثيـق=يرصد ويتصيـد سمـان المفـردات القارحـه
وان جيت تنشدني عن أخباري ترى خبرك عتيق=عتيق خبرك كـان تحسبنـي جريـح البارحـه
[/poem]
وسلامتكم
رد مع اقتباس
