( سكرتيره إبليس ) || وإلي يغني بـ الهوى في هنوفه ؟ .. مايدري شسوت بـ خلف الكواليس !
مدخل :-
بذلت ما أوتيت من صبر , وجلد !
عشان أكبّر هقوتك ؟ .. ( وأستآهلك ) ,
حبّيتك بـ / روح , ومعآليق , وجــســد !
ماهو بـ / حبّ ( أرقّمك , واقآبلـك ) ,
محبةٍ مدى الحيآه ,, ولـ / الأبد !
من يوم عرفـي لك ؟ ,, ( وانا مرتآح لك )
وأهلك ؟ إليآ صدّوك عني ؟ .. ( لآ تصـد )!!
قل لـ أهلك ( يمسون ,, مانــي بـ / مآكلك ) ,
النص :-
يارب ( بيـت ٍ ) كـل (( عبـد ٍ )) يطوفـه
........ اسألك ! .. تاقـى نفسـي امـن الوساويـس
وانـك تزيـن لـي الـزمـان وظـروفـه
........ وتيـسـر امــوري بـكـل المقـايـيـس
ماخاف .. خايف .. خـوف / إلا ؟ وخوفـه
........ ( من فتنة النسـوان ؟ & و غوايـة ابليـس ) !
لامـن نصحـت النفـس ؟ كلمـت طوفـه !
........ لاهي تحس! .. ولاهـي تحـب تحسيـس ؟
ليـت المصايـب .. عنـد اهلهـا عطوفـه
........ او ليتهـا .. ترفـق لاجــات المناحـيـس
مدري وش اللـي ؟ فـي سنينـي بشوفـه !
........ والله يستـر .. يــا هـبـوب النسانـيـس
خذيت مـن نفسـي .. ( نصيحـه ) لهوفـه
........ وحطيت فيها خط ___ مابين ___ ( تقويس )
تـرى الرجـل ! لامنـه .. وكلـت كتوفـه
........ ماعاد له بالـراس لزمـه ؟ يابـو رويـس
الفلـس ! .. ماعـز النـفـوس الضعـوفـه
........ والظيـم ! ماقلـل قـدر ( هيبـة جريـس )
اهـل الوفـا .. وقـت اللـزوم .. معروفـه
........ واهـل الرخـا .. ماعندهـا إلا المراويـس
والخـوه الـلـي ! ماعليـهـا حسـوفـه ؟
........ (.. خسارة الشاري .. وربـح المفاليـس ..)
يامضيع ٍ ,, دربـك و دربـك ,, تشوفـه !
........ كل الطرق .. ماهي تـودي (( لِ باريـس ))
واللـي يغنـي بالـهـوى فــي هنـوفـه
........ مايدري شسـوت ؟ .. بخلـف الكواليـس !
عــزاااه .. ياقـلـب ٍ ذبحـتـه شفـوفـه
........ ياويـن ! بلقـى لـك شفـوفـك وباقـيـس
اصبحـت مثـل اللـي ( يبعثـر صفوفـه )
........ او كني اللي ! ( يجمع البيـض ) فـي كيـس
مـن يـوم ! رااح اللـي جميلـه وصوفـه
........ وانـا ايامـي ,, كـل ابيـهـا معابـيـس
اول كـفـوفـي تحتضـنـهـا كـفـوفـه
........ واليـوم اراعـي لـي كفـوف ٍ محابـيـس
انــام ! عـشـان اتـحـرى طيـوفـه ؟
........ وآقـوم ! عشـان الحـق الطيـف وآجيـس
الـفـارع الـلـي للـفـراق معـسـوفـه
........ من كبرها .. تجلـس علـى عـرش بلقيـس
رهيٌـفـه ,, رومانـسـيـه ,, عـطـوفـه
........ متعاليـه ,, متجـرده مــن الاحاسـيـس
كنها .. مـن (( اعـداء الدلـع والتروفـه ))
........ وكنهـا .. (( نمـوذج للأنوثـه )) بتدريـس
لغز ٍ سهـل .. عجـزت .. افكـك حروفـه
........ حل ٍ صعب .. قـدرت .. اعرفـه بتكريـس
بنت ٍ ( عشقها ) .. كل مـن هـاض جوفـه
........ ( جاهل ) .. ولكن ؟ تخطف قلـوب فريـس
مرات احـس انهـا ! .. يتيمـه وشوفـه ؟
........ ومرات احس انها ! .. سكرتيـرة ابليـس !
المخرج :-
يـا كم شاعر .. [ أحفظ أسمه . / و لا أحفظ له شيّ ] ..
.......... بعيرٍ .. لا من البدو شدت / . يبـاريها . !
و شاعر .. [ أليا قال القصيدة ./ نفضت يديّ ] ..
.......... من الســاحة الشعبيّة / . و قمت أغنيها . !
أصفق لها .. [ و أقول . / ياليت هاذي لي ] ..
.......... لو أني حرامي / . ما مرحت عنــد راعيها . !
على رآسي أسمـآ الطيبين . [ و تحت رجليّ ] .
........... أســــآمي . [ وجيهٍ عفتها قبل ما جيها ] . !!!
مجالس .. على شيّ . ،
.......... و مجالس .. على لا شيّ . !!!
ما تلقى بها غير . [ قهوتها و شاهيها ] .
رد مع اقتباس
