[align=center]
مايعرف الرجال
غير بمهمّـه
**
وألا الرخا
كل العرب
فيه باشات[/align]
[poem=font="Simplified Arabic,5,darkred,bold,normal" bkcolor="transparent" bkimage="backgrounds/17.gif" border="solid,10,white" type=2 line=1 align=center use=ex num="0,black"]
ياللي تبي هرجٍ يجيك بمتمّـه=ترى المراجل ما تجي بالسهالات
لاتتبع اللي في دروبه مذمّـه=أعرف ترى طبع الردي فيه شارات
جمع الدراهم والملايين همّـه=ولا حط له في مرقب الطيب رايات
وأن كان ما فوّر من الطيب دمّـه=وش ينبغابه عند وقع المهمات
لاتمدحه هذا بوصّيك ذمّـه=ما يمدح اللي ما ارتكى للثقيـلات
لا نافعٍ خاله ولا سرّ عمّـه=وش ينفعه كبر القصر والعمارات
ما ينستر عيبه ولو طال كمّـه=ما ينفع الظميان شرب المحيطات
سوالفه لاجاك غيبه ونمّـه=عايش على قدح الفتن والعداوات
جعل المصايب كلبوها تعمّـه=لا صار لا نافع ولا فيه فزعات
ويالله عسى ويلات بقعا تخمّـه=ومن مثله اللي قاصرٍ دون هقوات
هو يحسب أن أمواله اللي تتمّـه=ما يدرك أهل الطيب فيهم علامات
الله من رجلٍ كما البير جمّـه=عـدٍ لربعه عند وقت الملمـات
اللي يهمّـك لا نصيتـه يهمّـه=واقف على طول الدهر مثل أبانات
ما يعرف الرجال غير بمهمّـه=وألا الرخا كل العرب فيه باشات
أحدٍ يساويله من الطيب أمّـه=وأحدٍ عدد فالناس يملا فراغات
وأحدٍ رقا بالطيب في راس قمّه=وأحدٍ بنفسه ما رقا للصعيبات
وأحدٍ لاجا طاريه كلٍ يذمّـه=وأحدٍ فخرنا لا ذكرناه بأبيات
وأحدٍ حرام اسم القبيله تضمّه=وأحدٍ بذكره حي لوكان قد مات
وأحدٍ وفي وأحدٍ على غير يمّـه=ياليت طيّبهم على صدره إثبات
حتى نعرف اللي خذا الطيب يمّـه=ولا نبتلش باللي خذاها دعايات
هذا الكلام اللي يجيك بمتمّـه=المرجله لا ما تجي بالسهــالات[/poem]
رد مع اقتباس
المشاركة الأصلية كتبت بواسطة الكايد
