السلام عليكم ورحمة الله وبركاته
الله يسعدصباحكم\مساكم
بكل خير
فديت روحك
قلبك عيوني ... كان باقي معي قلب
والقلب قلبك وانت ساكن عيونه
وحدي بروحك .. وانت في داخلي ركب
كاسب غلاك بقيدك اللي أصونه
زحمة مشاعر تعشق الشد والجذب
والشوق سيل مقبل في طعونه
هيلك جنوبي ..فاخر الدم ياصعب
وصدرك شمالي تحتويني فنونه
ماشفت شمس بالسما شارقة غرب
إلا انت ياسحر الشروق وجنونه
انت الملك والنبض حولك هو الشعب
والعرق سقفك والحنايا حصونه
آنا (الليالي )و (الشتا) وعكة الدرب
و(قمرا) (ربيعي ) حلم بآموت دونه
ماغيرك احدٍ...صمته يزيدني صخب
ولا غير صوتك راقني في لحونه
ماغيرك انسان سرق خاطري غصب
ولاغيري انسان تضمه جفونه
(فديت روحك) تنقصر فيك يارحب
ولاحد يطولك لو تمادت شطونه
روح الكلام بحضرتك تشهق الكرب
والكون يصغر والخجل في ركونه
بين السما والارض مكتوب لي ذنب
أتعلق...بقطرة مطرك الحنونه
إما سقينا هالفضا ماينا العذب
والا..شربنا جدبنا من شجونه
يعني : أنا ماني أنا وانت بالقلب
يعني :بدونك كيف تبصر عيونه؟
وسلامتكم
مماراقلي
للشاعر عبد اللة بن زنان
رد مع اقتباس
المشاركة الأصلية كتبت بواسطة لذيــــــــــذ
