[align=center]أعضاء المنتدى الغالي على قلبي ( غرابيل )
أهديكم اليوم قصيدة طرحتها قبل فترة في مجلة المختلف ..
إليكم القصيدة :
[frame="7 80"][poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تصبري يا عين لو ضامك السهر = من طاري الفرقا ترى النفس ذابله
شوفي مقابيلك ترى مقفي الدهر =بعد ذهابه مستحيل الإياب له
يا عين شوفي حالتي قد لها شهر =مثل الذي يدعي ولا يستجاب له
سهران بلحاله وقدامه القهر =مقابله ,, لو كان ما هوب قابله
وجدي على الممشى بروضٍ من الزهر = ممطورٍ أمس ولا بعد جفّ وابله
لاركت عليه الشمس في حزّة الظهر = فاحت نواويره وغنّت بلابله
شعيبه الفايض تشوفه كما النهر = والعشب نبته ما تعلّت سنابله
لو فيه يمشي شايبٍ محني الظهر =ساعة زمن يمكن تعيد الشباب له
يا عين بعض النور بالعين لو جهر =عندي حضوره ما استوى والغياب له
يا حظ من هو فعله الطيب اشتهر = ويا حظ من هو طيب الحظ طاب له
وعزّي لمن فعله مع الناس ما ظهر = شجاع لكن جور الايام هابله[/poem][/frame]
أتمنى أن تحوز على رضاكم[/align]
رد مع اقتباس
المشاركة الأصلية كتبت بواسطة عبدالله بن راجس
