[[ شاليهات أراك .. حصريا على غرابيل فقط ]]
مساكم كادي ورضا من الرحمن اعضاء ومشرفين ومراقبين وادارة غرابيل الغالية
يووووووووووووه والله من زمان مانزلت مواضيع
وربي مو لاقية وقت بسبب ظروفي
بس قلت لاجل غرابيل اللي احبها اسافر ينبع منها تغيير جو
ومنها عشان اعرفكم بالشاليهات اكثر
عشانكم وربي ماخليت مكان رحته وماصورته
ولو بيدي كان صورت اكثر
في الاول احب اديكم نبذة عن شاليهات أراك ينبع
طبعا احلى مافيها انها تطل مباشرة على البحر
وكل شي موجود فيها
هي في المواسم غالية عشان كذا احنا اغتنمنا الفرصة ورحنا وقت الدراسة
اللي اخدناها عبارة عن دوبلكس غرفتين نوم فوق مع حمامين وانتوا بكرامة
وتحت صالة ومطبخ وحمام وانتوا بكرامة
الليلة بـ 1550 لكن وقت المواسم تكون بـ 2200
طبعا تختلف عن بعضها فيه اللي بغرفة وصالة وتكون اقل بـ 200 وفي اللي بثلاث غرف
وتكون اكثر بـ 200
وفيه جهة ثانية منها عبارة عن غرف فقط زي نظام الفنادق بتشوفوها في الصور
واحلى مافيها انها هاااااااااااااااااادية ومافيها ناس كثير
ماتسمعوا الا صوت البحر والطيور
أبدا معاكم بالصور دحين
هنا اول مادخلنا الشاليهات بندور على شقتنا وكانت رقم 8
وهذي اللي اقولكم نظام غرف
وهذي اللي على شكل دوبلكس
وقفنا ونزلنا اغراضنا
وصورتلكم الصالة اللي تطل على البحر
طلعت فوق وصورت الغرفة اللي نمت فيها
حطيت اغراضي ونزلت اصورلكم االفيلا من براااا
وهذي شكلها من الواجهتين
بزورة اخوية على طول جري على المسبح قلت الحقهم واخد صورة لمسبح الرجال
من هنا مدخلهم
وهذا المسبح .. كنت باصوره من الجهة الثانية بس لقيت فيه رجال استحيت وطلعت
اتمنيت اصورلكم مسبح الحريم بس كانوا فيه حريم ........
سحبت نفسي وكملت تصوير وانا امشي
هذا مطعم الشاليه
وهذا ملعب الصابون وجنبه ملعب الكورة
وهذي جلسات عائلية روعة
المنظر هذا صورته من الصالة
هذي صورتها قبل لاتغرب الشمس كان الجو مرة جونااان والجلسة هنا ترد الروح
هذا القارب تبع الشاليه بس مافكرنا نركبه
وهذا منظر الغروب
هذا منظر الشاليه من البلكونة
هنا صحيت الفجر وطلعت انا ومرة اخوية اخدنا كابتشينوا
وجلسنا في هذا المكان
كانت الساعة 6 .....
بعدها حبينا نروح ونغطس رجولنا في الموية
نزلنا من هذا الدرج على البحر
وجلسنا على هذي الصبة
وبما اني احب واموووت في البسس وارحمها مرة
استقبلتنا بسة اول مادخلنا الشاليه رحبت فيها عاد هي ماصدقت انه احد اداها وجه
طول الوقت صارت تصيح وتمشي ورايا عرفت انها جوعانة
اديتها جبنة وتونة وبعد ماشبعت اخدتها فرصة وصورتها لكم
واحنا خلاص طالعين من الشاليه مانسيت البسة حطيتلها بقايا غدانا
قلت لازم اودعها بشي حلووو استنيتها وماجات مدري فين راحت
شوية يجوني اولاد اخوية ويقولوا جات البسة رحت اشوفها الا الاقي بسة ثانية
اكلت اكلها
قلت تستاهل محد قلها تتاخر راح عليها الغدا
بعد ماتركنا الشاليه حبينا نروح للهيئة واخدت كم صورة للمكان
جلسنا هنا شربنا شاهي واكلنا فصفص
بعدها رحنا نركب قارب
هذا زي القارب اللي ركبناه
وهذي غواصة عجبني شكلها وصورتها كان نفسي اركبها
النفر بـ 150 ريال في الساعة
هذا فندق موفنبيك
بعد ساعة واحنا في وسط البحر وقف السواق القارب عشان يصيد سمكة يورينا هي
انا في هذا الوقت عجبني منظر الغروب وصورته بالتدريج
وهذي السمكة اللي صادها
مسكينة كانت بتطلع روحها بس لحقها ورجعها في البحر قبل ماتموت
وهـ بس مرة تعبت وانا احمل وانسق في الصور
ماصدقت اني خلصت
وبكذا انتهت رحلتنا ورجعنا المدينة بالسلامة
شفتي نني
زي ماوعدتك نزلت الموضوع لعيونك ياقمر ولعيون غرابيل
لكم مني ارق واعذب التحايا
رد مع اقتباس
اقتباس 
ندخل منه على الملعب يعني ولا كيف ؟
ههههههههههه
المشاركة الأصلية كتبت بواسطة نادر الروقي
