[poem=font="arial,7,blue,bold,italic" bkcolor="white" bkimage="" border="none,4,gray" type=2 line=0 align=center use=ex num="0,black""]
تكفا ترى تكفا تهز الرياجيل =وتهز بعض أحيان لا ارسى أثقل اجبال
جريتها بجزل لحون المواويل = وان كان ماهزتك ياساتر الحال
وانا بن ولد سليم شاعر غرابيل =معرب الجدين من صدق والخال
سير علي وأشرب خيار الفناجيل = وعطني علوم الشعر ياطيب الفال
يامرحبا ترحيبةٍ توصل اسهيل =وتركي على جيد المناسب لا البطال
شرواك يذبح له سمان أطيب الحيل =وانا لواجبه اتمزهل تمزهال
لو زارني في عز نومي تال الليل = اقوم له من فرحتي بانشط البال
وانت الذي بالجود توصل مواصيل = مايوصلون أفعولك خبوث الانذال
مليت من حكي الخبول الخناطيل = اللي مافيهم بالسعه سدة انفال
مغير أماسل حال فكري تماسيل =ومكبلٍ جن الهواجس بسلسال
صفدت جن الشعر وسط السلاسيل =من شان ماتعمل بفكري لجنجال
وأطرى علي بالشعر جزل الثماثيل = الي تزرفل وسط فكري تزرفال
كنيتها لين ان طفح وزنها الكيل = ونظمة لك كم بيت منها بالارسال
دام الفروسيه لركابت الخيل =ماكل من يشعب فرس قيل خيال
الله على سود الرموش المكاحيل =اللي تحت لا رموشها في و اظلال
الله مجمل زينها بدون تكحيل =من دون ياهل الشعر تطويل واجدال
وختامها مني صلاة وتفضيل = على نبين خير بالأنس رجاااال [/poem]
رد مع اقتباس
