إن زانت الدنيا ترى الموت قدام

**عبدالكريم بن خزيّم** · 30-10-2010, 07:47 AM

[frame="3 70"]إن زانت الدنيا ترى الموت قدام
[poem=font="traditional arabic,7,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
إن زانت الدنيا ترى الموت قدام=وإن شانت الدنيا تعثّر مسيرك
نركض بها ركض المعمّر لنا أعوام=ياللي سليت الموت يبقى مصيرك
نبني خيالات التمادي بالأحلام=والموت طالع ماخذ إنسان غيرك
ياللي سليت بدنيتك تسهر تنام=مستانس ٍ تسعد بشوفت عشيرك
بكره تسافر والجسد يلبس الخام=ويبقى العمل وتشوف شرّك وخيرك
صل الفروض الخمس تنعم بالأيام=وإحذر من الخيّب تحطه شويرك
وصل الرحم وصل القرابه والأعمام=أمر ٍ مهم وتخص فيهم كبيرك
واللي فعل للخير تذكره الأنام=واللي تمادى بالردى لا يضيرك
هذي حياة الناس طيّب ونمّام=وأحذر من الرديان لو تستشيرك[/poem]
تقديري للجميع ,,,,,,[/frame]

**محمد بن ضاوي** · 30-10-2010, 08:10 AM

إن زانت الدنيا ترى الموت قـدام
وإن شانت الدنيا تعثّـر مسيـرك
,
,
هذا هو اللي صاير

صح لسانك يالشاعر ولاهنت

**محمد بن صخيبر** · 30-10-2010, 09:13 AM

شاعرنا عبدالكريم
تغيب ثم تأتي بما يشفع لك عن غيااابك
نصائح ثمينة
صح لساااانك ولاااهنت شاااعرنا

تحيتي وتقديدي

**عبدالكريم بن خزيّم** · 30-10-2010, 10:04 AM

صح الله بدنك أستاذ محمد

ولاهنت على المرور الكريم

تقديري ,,,,,,

**عبدالكريم بن خزيّم** · 30-10-2010, 10:05 AM

الأستاذ الشاعر محمد بن صخيبر

صح الله بدنك

سعدت بمرورك الكريم

تقديري ,,,,,,,

**بندر النايف** · 30-10-2010, 10:12 AM

الأستاذ الشاعر العذب الرائع \\ عبدالكريم خزيم .

قصيدة منبريه راااائعه جداً تخاطب كلُ نفسٍ مؤمنة وتُصحي عقول أولي الألباب النائمة ,.

نعم مهما عمرنا في هذه الدنيا فالموت أمامنا بالمرصاد ,.

سنعيش هذه الدنيا كأننا نعيش أبداً ونعمل للآخرة كأننا نموت غداً ,.

بارك الله فيك وفيك شعرك ولا تتأخر علينا مره أخرى ,.

فـ شعرك لا نطيق صبراً على إنتظاره ,.

صح إلسانك مدد بلا عدد ,.

والله يشملنا وإياكم برحمته وعفوه ,.

..
..