الشوق ماله عمر , يفنى وينعاد
ــــــــــــ له في الضلوع أن عاد وأن غاب رجفه
مع كل فرقا , له ورى الجفن ميلاد
ـــــــــــــ وأن ماتت الفرقا لقى الشوق حتفه
جيت أقتل الفرقا من بلاد لــ بلاد
ــــــــــــــــ ملّ الطريق يشيلني فوق كتفه
وأنا بعد مليت من كثر ما أرتاد
ـــــــــــــــ هالشارع اللي كان لك فيه شرفه
تظمأ عيوني شوفك , وتشبع سهاد
ـــــــــــــ عيّا الزمن يقطع ظماها بــ رشفه
لاوجهك أسقاها , ولا ذاقت رقاد
ـــــــــــــــ ماغير طيفك , طيفك اللي أعرفه
كنّه ظبي , وعيوني ظلال صيـاد
ــــــــــــــــــــ يجفل قبل يرتد للجفن طرفه
مشكلته أنه كل ما أشتقت يزداد
ــــــــــــــــــ حتى ملا جدران وقتي وسقفه
وأصبحت أشوفه فــ أول الغيم لاجاد
ـــــــــــ وفــ أقصى الشفق لاطاحت الشمس خلفه
وفـي الأرض لانامت عقب صوت رعاد
ــــــــــــــــ وفي كل شباكٍ صحت منه درفه
أتعبت طيفك لوم , واللوم مافاد
ــــــــــــــ ويوم الأمل في شوفتك مات نصفه
نويت أسافر عنك بجروح ٍ جداد
ـــــــــــــ وعمر ٍ من أوراق الزمن حان قطفه
نويت , لكن جابني الشوق منقاد
ـــــــــــــ وجابك حنينك , والزمن سال عطفه
شفتك تبــسّـم لي خجل مدري عناد
ــــــــــــ وفي نظرتك شوق ٍ من الظلم وصفه
سـمّ اللقا صدفة , وأسـمّيه ميعاد
حسيت كني طفل , وعيونك أعياد
ــــــــــــ ياعيدي اللي له ورى الصدر رجفه
ـــــــــــــ أنا أنتظرتك , وأنت مريت صدفه
مماراق لي