:: الضيــــــقة ::
تحية طيبة
يسعد مساكم
الضيقة
[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الضيقة اللي كضّت الصدر الرحيب .. وملّها=متخالط ٍ فيها ملامح حسنتي مع سيّتي
ماتهمّني .. ألاّ ليامنّي ذكرت إن غّلها=إليا طلعت في شاربي .. وليا نزلت بلحيّتي *
أكنّها .. وأدرى عليها .. وأحتويها .. علّها=تنزاح .. والا أقل شي ماتستلذ بكيّّّتي
على كثر ماأدرى زعلها .. واحتمل .. وأشتلّها=ماكنّي ألا حسبة أخوها .. وهي وخيّتي
ليت الظروف شعوب والضيقة دوَل وأحتلها=حتى أتقلّد منصب الراعي .. وهي رعيّتي
آمر عليها .. وآتحاشى ذلّها .. وأذلها=أما كذا .. والا بلاش أتعب بطرد أمنيّتي
الشَجْرة اللي لاثمر .. ولايظلل ظلها=أمرّها مرّ الكرام .. ولاحسبت لفيّتي
مشاكل ٍ تجتاحني .. وأحيلها .. وأحلها=أخير من كف العذول .. اللي تمنى جيّتي
كان الوجية اللي تبسّم لي تغير دلها=عن ثورة جنون القوافي ياحروفي بـيّـــتي
ماني بملزوم ٍ على حد السيوف .. وسلّها=دام الكفوف اللي تخامسني .. تحب آذيّتي
أرفا خمال الهرج .. والزلة تروح بحلها=لويلتوي فيني غراب البين ماألوي نيّتي
أطوي مسافات الزمن .. ساعة زمن .. وآفلها=في عالم المجهول .. ترنيمي .. وعزف أغنيّتي
علّ الدروب اليابسة .. نوّ الحقوق يبلها=تثمر منابتها وصل .. وأعدّها ماريّتي
امّا سقيت الروح من عِدّ الروى .. وأعلّها=والا عساي أموت .. ماحيّ ٍ عرف ماهيّتي[/poem]
* التصغير هنا للتمليح والتعظيم
بــــــــــ دمتم ـــــــــود
محمد بن معتق بن صخيبر
رد مع اقتباس
(الحزن الرغيد)
اقتباس
المشاركة الأصلية كتبت بواسطة محمد بن ضاوي
