عــيد الــوطن وفخــر الـــرجال "
المشاركه كما وعدناكم شامله :
بسم الإله المعتلي عالي الشان = الواحد اللي كلنا تحت ظله
سبحانه اللي خالق الإنس والجان = اللي شرع دينه على خير مله
بسم الوطن نكتب على كل عنوان = الموطن اللي جعلنا فدوتله
موطن رجال الجود في كل الازمان = ال السعود مفرقين الأخله
عيدك مبارك ياوطن بين الاوطان = في ظل حكاماً سوات الأهله
يامهبط الوحي المُنزل والايمان = ياطهر بلد واعظم رساله مُوجله
وحدشتاتك من بنا واسس اركان = عبدالعزيز القائد اللي نجله
خلى القبايل كلهم مثل الأخوان = واعياله اللي ثبتوا منهجله
يمشي على دستور سنه وقرأن = والجهل زاله من عروقه وشله
واليوم يومك ياوطن تو مازان = نظم القوافي والوطن مانمله
في راي ابو متعب عمى عين من خان = من هيبته كل الدول يخضعله
اللي معريفه غطت كل ميزان = سيفاً لنا وقت الشدايد نسله
وانا احمد الله عقب ماسلم سلطان = اميرنا اللي حبه الشعب كله
سلامتك ياسيدي طير حوران = سلامتك من كل شرٍ وعله
ياسيف ابو متعب ليا ثار دخان = وحزام جنبه كل ماجات خله
والنايب الثاني سلايل كحيلان = اللي ردع كل الوجيه المظله
دون الوطن ياقف مثل حد شامان = ويعلم اللي ضاع دينه ودله
قواتنا وان دندن الحرب دندان = كلن فعوله ثابته في سجله
والحوثي اللي شب للحرب نيران = دونه وقف جيشٍ يرده محله
يبشر بنارٍ تودع اللحم قطعان = والله ان يبطي حدنا ماوصله
مادام فيه رجال من روس شجعان = شرابت الدم الحمر ماتزله
شروى الرجال اللي على كل ميدان = اللي ليا ضاع المضيع تدله
حنا حُماة الدار في كل الاحيان = حنا مقابيس الظلام المطله
من شان لاشبت على غير برهان = كلن يبيع الروح من دون خله
رد مع اقتباس
(الحزن الرغيد)
