يرضيكم4 ..~ >> شيلوهااااااا ..~

[أنـ الذكريات ـين]

شيلوهاااا..!!

بسم الله الرحمن الرحيم

صباحاكم \ مساؤكم يزهوا بألوان الحياة البرّاقة.. تلوّن بياض قلوبكمـ فتبهجكمـ ..

اليوم تركت لساني ينطق وليس قلمي.. فجئتكمـ بالعامية لانني لم احتمل ان انمّق الحروف..

المهم كل المهم عندي أن تصلكم الصورة وااضحة.. ولا أخالها غريبة عليكمـ..

'~'

:
:
:

تفصخي.. تفصخي..
مزهوة وقلدي..
وترجمي ثقافة للكفر باتت مطلبي..
تفصخي..

شيلوهااا.. ^_______^

ماضربت فيوزاتي ولا شيء.. بس هذا نشيد (السوق) قالي اياه يوم رحت أمس.. '~'

ربّما يكون جهاد من نوع آخر..

تصدقون السوق كان فيه أشياء مررره ذووق.. ومرره كيووت.. ومرره نايس.. << تقولها بدلع مصطنع

بس مالقيت شي أشتريه..

قسم بالله صرت أشيل هم لبس العيد من أول الاجازه.. << أكيد فيه مثلي كثير.. والله لايشغلنا عن طاعته ع قولة الماما بس أحب أذكّر الجميع أنّنا بناااااااااات

مو طبيعيين وربي..

معاد فيه تنانير تحت الركبه الا أشياء من قبل قبل قبل العام يوم ان فيهم حبتين خير واحنا باقي يروضونا بالتدريج عشان اذا جابوا ذا الي بسم الله علينا نلبسها..

بيجيك عاد واحد مسوي متفهم ومنصف ويقول.. لا يا أنين وش دعوه في محلات معروفه _بدون ذكر أسماء_ تنزّل في كل موسم تناير طويله

أقوله صدقت ياطويل العمر لكن هذي يبيلي أصفطها مرتين عشان تصير ع مقاسي << ودك يحطون من ذي في ذيك عشان تتوازن الأمور ^^

والا يروحون يشوهون أمّينها تلقى من نفس التشكيله طويله وقصيره اللون والقماش واحد لكن الموديل ياحسين ياعجيب

ما أدري يعني لها الدرجه احنا مانستاهل يسوون لنا شي زين.. والا ماعندنا ذوق..

والا يخافون نتستر الله يستر..

والفساتين عاد أمرها عجييب..

عليهم طول عيال اللذينا.. ان لبست معاه بنطلون طلع قروي.. وان خليته لحاله الله لا يفضحنا.._طبعا فيه طول يمشي معاه البنطلون لكنه يتوفر بالقطاره_

فالأذكياء وش سوو ؟! نشروا حركة الماسك ( السترتش ) وهات ألوان وأشكال

اسم انه ماطلع الجلد يعني_ انتوا تلعبوا على مين يا ابني؟!_

وقد انها طالت وشمخت السالفه والفساتيه قصرت وشمرت ايضا..

وصارت نص الفخذ مع الشراب الطويييل الشفاف_ياعيني ياعيني_

واقطع يدي اذا مو السنه الجايه حذفوا الشراب..<< حذفوه وقضوا ياعمّه..

وهنا تتوجه جميع مشاغل المملكه بالشكر الجزيل والثناء العميق لتلك المحلات.. حيث ارتفعت الأرباح بنسب هاااائلة نتيجة الضغط على الصنفره والتقشير والمنيكير والبديكير واللزي منووو

^_________________^

بالعربي كذا.. لاقين أحد يخفّون عليه..

بصراحه شي يضيّق الخلق

ولا رضيت فيه أبد ولو أكتب مليون صفحه مايطلع كل الي في خاطري

ما أدري.. يرضيكم؟!

على فكرة..
يقولون أن الحياء صار موضة قديمة يابنات حواء.. هو صدق؟!
'~'

تدرون عااد..

يــــــــــــــــــــــــ ــــــــــــــــــــااا راجووو كم ســوي تنـــوره؟

كتبته في ..
٦/٩/١٤٣١

،،،،،،،،،،،،،،،،

كان المفروض ينزل ذالموضوع قبل العيد.. لكن مافيه مشاكل.. لأن مادام فيه

اجازة معناته ما زلنا نحتاج لمشاكل<< أووه قصدي ملااابس.. '~'

على فكرة عندي خطّة حلوة.. ^___^ اذا اشتريتي تنورة (سكني) من تحت
سفطتها طويلة << لها اسم بس والله ما ادري وشّو..

المهم تقريباً (شبر) ودّيها لراجو المذكور أعلاه وخليه يفكّها ويضبّطها وبيطلع طولها كويّس.. خصوصاً للي ماهنا زود طول :) << واضح انّها ماسوّتها ابددد ^^'

،،،

عرضت الموضوع قبل انزله على وحده حلوة.. :)
قالت بزيدكـ من الشّعر بيت..
((
وأنا في دبنهامز وحده مع أمّها تقول لها ماما وش رايكـ في هالفستان لحفلة الـ دي جي..
طبعاً نص الفخذ..
قالت مو هذا أحلى << يقالّكـ أطول شوي..
قالت مااااااااااماااااااااا الحين أقولّكـ هذا وتقولين ذاكـ بشيء من الاستنكار..
))

أقول.. افلحناااااااااااا..

يااارب الستر..

لكمـ جل محبتيـ
و
تحيتيـ

،،،،،،

[بندر النايف]

أنين الذكريات


صباحك سكر

وطولتي علينا كثير بموضوعك قاعد أنتظر أنتظر أنتظر << خلصنا ^_^

هذا حجز الرد الأول ولي عودة للتعليق لأن موضوعك والله خطير جداً
وحاصل والله والحياء خلصوووه مثل الفيمتووو .

والله يسعدك ..

...

[أنـ الذكريات ـين]

أنين الذكريات


صباحك سكر

وطولتي علينا كثير بموضوعك قاعد أنتظر أنتظر أنتظر << خلصنا ^_^

هذا حجز الرد الأول ولي عودة للتعليق لأن موضوعك والله خطير جداً
وحاصل والله والحياء خلصوووه مثل الفيمتووو .

والله يسعدك ..

...

صباح النّور بندر..

حيّاكـ والله..

وآآآآآآآسفة.. وآآآآآآآسفة.. وآآآآآآآآآآآآآسفه اني خليتكمـ تنتظرون.. ^^'


مثل ماتشوف التاريخ.. جاهز من زمان وفيه غيره جاهزات.. :)

لكن يمكن خيرة..

أضفت عليه من عقب العيد وسوالف البنات..



أتشرّف بمروركـ الأوّل..

وأنتظر مجيئكـ..


أمممم.. نقول ان شاء الله باقي فيمتووو من تأثير رمضان ^_*






يسعدكـ ويسلّمكـ



تحيتيـ

[بندر النايف]

لا لا ما عليك خيره خيره :)

..
..

تدرين عاد يا أنينوووه<< طيح الميانه .

إني وخلال دوراني مع أهلي الأسواق حتى تخشبت أرجلي في عطلة العيد ,,

لقيت لبس الله لا يوريك ولا يلبسه من تحبين له الخير فااااااضح فاااااضح بقوه

ووالدتي بس تمشي وتستغفر من الشيء الي تشوفه ,,

تذكرت من خلاله مقولة عادل إمام الشهير ( لابسه من غير هدوم )

والمشكلة الحجة لدى النساء الآتي يشترين هذه الملابس إنها راح تلبسها قدام حريم زيها ,,

طيب يعني الحريم لازم تتفصخين قدامهم وآآآآآخزياااااااه وبصوووت عالي ,,

والله يهدي حريمنا وبناتنا ,,

وبرضو فرحتني مقولة الفيمتووو باقي أجل إن شاء الله الحياء باقي ^_^


موضوعك منتاز مررررره ورائع أقوى شي ,,

ولا أحد يشوفك

<< مأثر فيه مسلسل أميمه ههههه


وبعد اليوم مزاجي راااايق بالحيل وأسمع أغنيه لمايكل وساره

timeless love

<< الله يصلحك هـع .

[تــآج]

لآ ما يرضينا


قبل رمضان أتصلت ع بنت عمي لآن من طبعنا نجهز قبل رمضان للعيد

قلت لها بشري عسى خلصتي للعيد كان تقولي إي خلصت <~ شنوو شريتي

قالت تنورة فوق الركبه <~ بل اشوفك كل يوم وثاني تقصر التنورهـ وبعدين ؟!

ردت وشـ أسوي هذا السوق كل يوم وثاني آقصر

المجتمع بالكامل السووق آصلن صار شيء طبيعي وتقدرين تقولين مالووف

تتكسر رجولي ابي شيء ما أحصل وفي النهاية إلى راجوو :)

يقولون أن الحياء صار موضة قديمة يابنات حواء.. هو صدق؟!

لا إن شاء الله مو موضه قديمة البنت بدون خجلها قطيهآ في ........

في بنات خجولات بس الغالب مؤسف حالهم ولو ترجعين الا أهل لهم دور كبير

أتوقع الخجل له دخل في التربية إذا الام تلبس بنتها كت وولركبة وهذآك اليوم زوجة أخوي تقول لبنتها ام ثلاث سنوآت آرقصي قدام عمامك وجدك وعطيك خمسة ريال

هذي لآ صارت كبري من وين بيجيها الخجل ؟!!

الله يعين وتهدي الجميـع لكل ما تحرب وترضى

إنين الذكريآت سلمتِ طرح رآآئـع وبإنتظار جديدك

آعذب الإمنيات وآطيبها

[ناصر الراشد]

الله يعينكم

والله مايرضينا هالشيء

لو تم منع هالملابس من دخولها للممكله وبيعها بالاسواق كان تم حل المشكله لكن بالوقت الحالي اصبح كل ممنوع مرغوب ..

خاصه ان هناك ملابس تعرض بالشارع على زجاج المحلات اقسم بالله شيء فاضح تحصلين المراهقين جالسين على الرصيف من خروجهم من المدرسه يتخيلون انها حرمه
عاد شوفي وين يوديهم تفكيرهم وتخيلاتهم !

احيان بالمناسبات سواء العيد او مناسبة زواج الاهل يطلبون السوق ونأخذهم مشووووووووووار لرياض
طبعاً عندي مقوله دائماً ارددها على الاهل اوبالاصح ازعجتهم فيها وحفظوها من قلب
وهي اني اقول انتم يالحريم ماتخلصون من السوق الا اذا خلصت الفلوس معاكم او قفل السوق
( طبعاً عذرهم ماحصلنا شيء زين وحفظة الاسطوانه من كل قلبي )

وفعلاً هذا الحاصل لكن بعد مادخلت معاهم الى احد الاسواق قبل شهرين تقريباً في شهر سبعه لان الموضه حسب كلامهم تنزل فيذاك الشهر حصلت انواع المووضه اللي ماشاءالله عليها تهبل هبل مابعده هبل انواع الفساتين مدري وش اسمها والله
لكن مثل ماقلتي كلها ملابس الواحد يستحي يلبسها قدام اهله ومحارمه
والله ملابسهم وهي على الطاوله او معروضه تثير الفتنه وسألت ابو يمن يالغالي مافيه الا الملابس ذي قال انت شكلك جاي من كوكب اخر لاتعب نفسك الحين الموضه ذي هي اللي متوفره بالسوق ويجيبونها الموزعين لنا وقلت فيه احد يشتري قال والله مو زي اول الزباين قلوا كثير ولما نكلم الموزعين يقولون هذي اللي عليها الطلبات !!

والملابس اللي يسألون عنها اهلك ماتحصلها الا بالاسواق الشعبيه يعني يابنات روحن للاسواق الشعبيه واشترن حق 4 سنوات قدام علشان بعد اربع سنوات مراح تحصلن بالاسواق الشعبيه مثل هالملابس

ولا احد ينكر ان هناك من يحاول مع الوقت تغيير الحشمه عند المرأة المسلمه وهو غزو فكري مثل مانشوف الحين من عبائات الواحد يستحي انه يشوفها على وحده بالشارع وهي عبائه سوداء فقط


والحل لهذه المشكله هو منع دخولها للمملكه وهذا استحاله ان يحدث لانه حاميها حراميها !
او الاعراض عن شرائها بالاجماع حتى تتعفن بالمخازن والمستودعات عند الموزعين وبعدها يعرفون ان المرأة المسلمه لاترضى مثل هذه المووضات الغير ساتره !

<<< يقول لو افتح محل كله ملابس ساتره محد شاري مني الا الظاهر الاهل علشان يأخذونه ببلاش هههههههههههههه

سلام واسفين على الهذره وانا مو مروق

[أنـ الذكريات ـين]

لا لا ما عليك خيره خيره :)

..
..

تدرين عاد يا أنينوووه<< طيح الميانه .

سَم يا بنيدر ^^ << والله يا أنا قمت اتهجّا عشان اكتبها هع


إني وخلال دوراني مع أهلي الأسواق حتى تخشبت أرجلي في عطلة العيد ,,

أحسن أحسن.. عشان إذا قالوا لكـ مالقينا تدري وش كثر تعبوا وليه مالقوا.. <<ترفع ضغطها ذا النّقطة..


لقيت لبس الله لا يوريك ولا يلبسه من تحبين له الخير فااااااضح فاااااضح بقوه

ووالدتي بس تمشي وتستغفر من الشيء الي تشوفه ,,

تذكرت من خلاله مقولة عادل إمام الشهير ( لابسه من غير هدوم )
والله ان الواحد ما يقول الّا الله يثبّتنا إذا دخل للسّوق.. :(


والمشكلة الحجة لدى النساء الآتي يشترين هذه الملابس إنها راح تلبسها قدام حريم زيها ,,

طيب يعني الحريم لازم تتفصخين قدامهم وآآآآآخزياااااااه وبصوووت عالي ,,

والله يهدي حريمنا وبناتنا ,,

شف.. هي صح كون ان اللبس قدّام حريم غير محارمي.. بس في حدوووووووووووووود << ومدّها الى ماله مدى..

وياحليل شكل البنت اذا تفصّخت عند ام العيال.. وربي انها تهوون رغم ان كلّها غلط..<< يعني تقول عسى تكبر وتعقل..
المسألة موب لبست والذنب ذنبها وانتهى الموضوع.. المسألة جيل يتربّى على ان هالشيء عادي..
والعين إذا كرّرت النّظرلأي منظر تألفه..



وبرضو فرحتني مقولة الفيمتووو باقي أجل إن شاء الله الحياء باقي ^_^

الخير باقي في أمّة محمّد حتّى قيام السّاعة يابندر :)



موضوعك منتاز مررررره ورائع أقوى شي ,,

ولا أحد يشوفك

<< مأثر فيه مسلسل أميمه ههههه



خخخخ استعنت بخيتووو عشان ادري وش السّالفه..

والله يسلمكـ أخوي ..

وبعد اليوم مزاجي راااايق بالحيل وأسمع أغنيه لمايكل وساره

timeless love

<< الله يصلحك هـع .

امممممم .. ترى حتّى الأذن مثل العين..


ودووم مزاجكـ رايق..

^_^


أشكر قدومكـ بندر..

تحيتيـ

[غلا أبوها]

لو تم منع هالملابس من دخولها للممكله وبيعها بالاسواق كان تم حل المشكله لكن بالوقت الحالي اصبح كل ممنوع مرغوب ..

فال الله ولا فالك وش يمنعونها وش تبي يلبسون الحريم ويتكشخون قدام بعوولتهن


تصدقين ياآنين على ان السوق كله قصيرهالسنه والبنات هابين بها القصيروالمشخلع الا اني لبست محشم على غير عادتي حتى بلوزه كمها طوويل مو كت ولا قصير

ونقدوو علي آخواتي وبنات عمي بلبس العيد هالسنه حتى يومن رحت به الآستراحه يقولون لي آغيره وآلبس فوسطاني القصير آحلى مير اني ماغيرته عناد فيهن ههههههههههه
هي بالله مين الي بتجي آزين مني بالآستراحه هع هع <~~~ آبوك ياثقه

وبيني وبينك آنا لما آشووفها ودي آلبسها آحسها حلووه وكيوت مير ماتنلبس عند آهلي بنوب بنوب ولا عند الحريم وخصوصآآ اذا كنتي بيضا وجسمك حلوو تجيك عين

من هاالعجز فآحتشموو آزين لكن <~~


ويسلموو آنينووو ع هيك موضوع

ومير لو ناقشتي موضوع الآخوان لما يودونا السوق ويطفشوونا مايخلوونا ناخذ راحتنا بالآختيار وان ماشريتي الليله بوديك الآسواق الحره حقت البدو الوكاد بس آنا الي آعاني من هالمشكله


سيوووووو

[! نوران !]

عاد تصدقي انين مايرفع ضغطي الا لما يقولولي البعض
اللي مسوي نفسه متطور وماشي على الموضة اني دقة قديمة
وكأني عجوزة عشاني ما البس مشخلع ولا بنطلون ولا قصير
كل لبسي جلابيات وتاييرات
حتى لما اروح اشتري فستان لمناسبة ولا زواج
كل الملابس عريانة من فوق اضطر اني اشتريها بدري
عشان اركب عليها كٌم يناسب الفستان
والمشكلة ان البعض يسمع بالموضة ويلبسها حتى لو ماتناسب شكله :)
والله ياشفت حريم كبار وسمان ولابسين فوق الركبة بس تشوفيهم تقولي استغفر الله
ناس ماشية بالمقلوب والله
والله يهدي الجميع مدري ايش عندهم في الاغراء يعني يبغوا يغروا حريم زيهم ولا ايش

موضوع حلو زيك انين
الف شكر يالغالية

[لذيــــــــــذ]

الشكوى لله يا أنين ...
كل يوم نشوف سلبيات ... الايجابيات اختفت تماماً الا ما ندر ...
واللي ما يبي يمشي على الموضه لازم يحط في زاوية بيته خياط خاص له
التقليد الاعمى قاد الناس للخلاعه ...
وبيني وبينك الغيره لك عليها ...
والله ما يرضينا لكن نكافح والعون بيد الله ...
يسلموووو ... يا مميزه ...

تحيتي ...

[أنـ الذكريات ـين]

لآ ما يرضينا


قبل رمضان أتصلت ع بنت عمي لآن من طبعنا نجهز قبل رمضان للعيد

قلت لها بشري عسى خلصتي للعيد كان تقولي إي خلصت <~ شنوو شريتي

قالت تنورة فوق الركبه <~ بل اشوفك كل يوم وثاني تقصر التنورهـ وبعدين ؟!

ردت وشـ أسوي هذا السوق كل يوم وثاني آقصر

هذا البلا (وش نسوي؟!).. نسد بها جميع أبواب الحلول.. مع انّها موجودة..

المجتمع بالكامل السووق آصلن صار شيء طبيعي وتقدرين تقولين مالووف

تتكسر رجولي ابي شيء ما أحصل وفي النهاية إلى راجوو :)

أزعجتني كلمة مألوف رغم انها أصبحت حقيقة مع الأسف.. وأكبر مصيبة انه يكون مألوف عند أقاربكـ :(

معليه الله يقوّم سوق راجوو عدّل طوّل زيّن سكّر فتحات رقّع.. لأنه دليل عدم رضا..
والقناعة هي النّقطة المحفّزة للانطلاق باي فكرة واي فعل..

ربّي يثبتكـ غلاي.. ^_^

يقولون أن الحياء صار موضة قديمة يابنات حواء.. هو صدق؟!

لا إن شاء الله مو موضه قديمة البنت بدون خجلها قطيهآ في ........

في بنات خجولات بس الغالب مؤسف حالهم ولو ترجعين الا أهل لهم دور كبير

أتوقع الخجل له دخل في التربية إذا الام تلبس بنتها كت وولركبة وهذآك اليوم زوجة أخوي تقول لبنتها ام ثلاث سنوآت آرقصي قدام عمامك وجدك وعطيك خمسة ريال

هذي لآ صارت كبري من وين بيجيها الخجل ؟!!

أكيد هو شي ينمو معكـ يا تآج لكن بعد فيه اللي فصخه تحت سقف
(التّمدّن والعصريّة)

وهو مايروح فجأة حبّة حبّة..

تلقينها اليوم لابسة قصير وجلستها تحسّينها متوترة وبس تسحّب فستانها.. بعد فترة تلقين عليها أقصر من ذاكـ اليوم وحاطّة رجل ع رجل..
لأنّها ذوّبت الحيا اللي بداخلها..

( وأعوذ بكـ من هوى نفسي والشّيطان)..


وبالنّسبة للاهل ابحثي عن المنشأ.. تجدينه تفريط من أحد الجدّات يوم كانت بنت ^^
وهو غير مبرر أبداً..
فقط تحتاج قوّة عزيمه..


الله يعين وتهدي الجميـع لكل ما تحرب وترضى

آآآآآآآآآآآمين آآآآآمين
الله يصلح شباب وبنات المسلمين.. ويطرح فيهم البركة..
ويجعلهم أنصار للدّين..

إنين الذكريآت سلمتِ طرح رآآئـع وبإنتظار جديدك

آعذب الإمنيات وآطيبها

يسلّم قلبكـ ياقلبي..

تسعدني حقّاً اطلالتكـ.. وفيها تكمن الرّوعة..


دمتـِ كما تحبّينـ


تحيتيـ

[تــآج]

وأكبر مصيبة انه يكون مألوف عند أقاربكـ :(


لآ تفهمين هيك لكل قاعدة شواذ الحمد الله أقاربي إلى يومك هذا محافظين والحمد الله

مالوف بالسووق وهذا المقصد وبنت عمي هذي هي الوحيدة الي طالعه رون سآيد

سلآمي وتقديري

[أنـ الذكريات ـين]

لآ تفهمين هيك لكل قاعدة شواذ الحمد الله أقاربي إلى يومك هذا محافظين والحمد الله

مالوف بالسووق وهذا المقصد وبنت عمي هذي هي الوحيدة الي طالعه رون سآيد

سلآمي وتقديري

لا والله ياعمري مو قصدي أنتي..

أنا أتكلّم بشكل عام بس يمكن ما اخترت الموضع الصّحيح..

واذا عندكم وحدة احناعندنا خيرولو انهم مو من الدّرجة الأولى لكن ينعدّون من الاقارب.. '~'

ولو ما الفناه في السّوق كان ما الفناه في البيوت..


الله يصلح الحال..


كويّس انّكـ علّقتي عليها عشان ماتنفهم على ان المقصود انتي..
وان شاء الله مرّة ثانيه انتبه لنفسي ^^'


تقديري واحترآآمي..

[أنـ الذكريات ـين]

الله يعينكم

والله مايرضينا هالشيء

لو تم منع هالملابس من دخولها للممكله وبيعها بالاسواق كان تم حل المشكله لكن بالوقت الحالي اصبح كل ممنوع مرغوب ..

وييين يااا ناااصر.. ماتقدر لأن فيه ناس تبيها.. فيه ناس تدوّرها..
بكيفهم شيء راجع لهم بس الكلام حنّا نبي البديل مانبيها تطغى..
يعني أوكي الموضه كذا ماقلنا شيء بس عدّل عليها حبّتين..ليه حنّا نقدر نعدّلها عند راجووو وما راجووو وهم مايقدرون من البدايه<< يا ذالراجوو الي داعيةٍ عليه امّه مرمطناه معنا ..


خاصه ان هناك ملابس تعرض بالشارع على زجاج المحلات اقسم بالله شيء فاضح تحصلين المراهقين جالسين على الرصيف من خروجهم من المدرسه يتخيلون انها حرمه
عاد شوفي وين يوديهم تفكيرهم وتخيلاتهم !


عااد هذي قضيّة ثانيه..

احيان بالمناسبات سواء العيد او مناسبة زواج الاهل يطلبون السوق ونأخذهم مشووووووووووار لرياض
طبعاً عندي مقوله دائماً ارددها على الاهل اوبالاصح ازعجتهم فيها وحفظوها من قلب
وهي اني اقول انتم يالحريم ماتخلصون من السوق الا اذا خلصت الفلوس معاكم او قفل السوق
( طبعاً عذرهم ماحصلنا شيء زين وحفظة الاسطوانه من كل قلبي )

وفعلاً هذا الحاصل لكن بعد مادخلت معاهم الى احد الاسواق قبل شهرين تقريباً في شهر سبعه لان الموضه حسب كلامهم تنزل فيذاك الشهر حصلت انواع المووضه اللي ماشاءالله عليها تهبل هبل مابعده هبل انواع الفساتين مدري وش اسمها والله
لكن مثل ماقلتي كلها ملابس الواحد يستحي يلبسها قدام اهله ومحارمه

يااااحياااتي يالحريّم :(

قل لاخواتكـ تقول أنين قابل الصّوت بالصّوت تسلمـ..

تلقاهن مايقون يشيلن أنفسهن من التّعب والرجال يتريق والا يهاوش
وضاربين بي مشوار ومدري اييش..والمرّه الجايّه يفصلون لكمـ مخصوص..

صرت أركب واتحيسب بصوت عالي وأسولف ويّا اختي عن اللي شفناه
شفتي كذا.. وشفتي كذا الله ياااخذهم الله ياخذهم والله.... << ما كأنهم يمشون سوا هع

.. وقسم معاد صار ابوي يقول شي صار يرحمنا.. ويتحمّس معنا..
يقول طيّب تتوقّعون تلقون في المجمع الفلاني أو الفلاني هع هع << ان كيدكن عظيم..^^


والله ملابسهم وهي على الطاوله او معروضه تثير الفتنه وسألت ابو يمن يالغالي مافيه الا الملابس ذي قال انت شكلك جاي من كوكب اخر لاتعب نفسك الحين الموضه ذي هي اللي متوفره بالسوق ويجيبونها الموزعين لنا وقلت فيه احد يشتري قال والله مو زي اول الزباين قلوا كثير ولما نكلم الموزعين يقولون هذي اللي عليها الطلبات !!

الله يبشركـ بالخير.. كويّس انّو مافيه طلب كثيير


والملابس اللي يسألون عنها اهلك ماتحصلها الا بالاسواق الشعبيه يعني يابنات روحن للاسواق الشعبيه واشترن حق 4 سنوات قدام علشان بعد اربع سنوات مراح تحصلن بالاسواق الشعبيه مثل هالملابس


لااااااااااااااااااااع ترفع ضغطي ذي.. لييييه طيب لييييه؟
يجيبون لنا الباقي يلعبون علينا فيه..
هذا اذا لقيت بضاعه اصلاً..
والله ماتلقى الا العماله يا بعدي..
لاااا ومن زين الطّبايع صايرين ينافسون بالاسعار.. على ايييييييييش يا ابوي..



ولا احد ينكر ان هناك من يحاول مع الوقت تغيير الحشمه عند المرأة المسلمه وهو غزو فكري مثل مانشوف الحين من عبائات الواحد يستحي انه يشوفها على وحده بالشارع وهي عبائه سوداء فقط



نقول حسبي الله ونعم الوكيل..
والله شي يقهر جد..
الله يرد كيدهم في نحورهم..


والحل لهذه المشكله هو منع دخولها للمملكه وهذا استحاله ان يحدث لانه حاميها حراميها !

طبعاً استحالة.. مثل ما اسلفت في الطّقاق يدخلونها.. المراقبه يفترض تكون ذاتيّه مع شيء من توجيه..
لكن نبي البديل موب ينسفونا مرّه..


او الاعراض عن شرائها بالاجماع حتى تتعفن بالمخازن والمستودعات عند الموزعين وبعدها يعرفون ان المرأة المسلمه لاترضى مثل هذه المووضات الغير ساتره !

وهذا الي بيصير ان استمروا في دحدرتهم ذي..
ما نقول الا يااااااااا الله الثّباات..



<<< يقول لو افتح محل كله ملابس ساتره محد شاري مني الا الظاهر الاهل علشان يأخذونه ببلاش هههههههههههههه

سلام واسفين على الهذره وانا مو مروق

هههههههههههههههههه

خلاص اذا فتحته عطني الوصف أجي أشوف اهلكـ وهم يآخذون هع << نذاله..

أممم من يدري يااا ناااصر يمكن يكون مشروع ناجح..

أوحيت لي بفكرة.. ليه مايكون فيه شركة وطنيّة لانتاج الملابس النّسائية..؟؟
بأحدث الموديلات وبما يتناسب مع ديننا..
وطبعاً بمواصفات تضاهي المواصفات الاوربيه.. << اللي أصلها في الهند وبنجلادش ^^


بدل ذالمشاغل اللي لاعبةٍ علينا..




يعطيكـ العافية ع الهذرة الحلوة :)

والمرّة الجايّة تكون برواقه ان شاء الله..


كفّيت و وفيت..

حيّاكـ الله..

[أنـ الذكريات ـين]

فال الله ولا فالك وش يمنعونها وش تبي يلبسون الحريم ويتكشخون قدام بعوولتهن


خخخخخخخ بسم الله على قليييبكـ اركدي اركدي مابعد منعوها..

نبي البدييل يا بعدي..

كذا وكذا..

عشان مانظلم ولا ننظلم.. :)

تصدقين ياآنين على ان السوق كله قصيرهالسنه والبنات هابين بها القصيروالمشخلع الا اني لبست محشم على غير عادتي حتى بلوزه كمها طوويل مو كت ولا قصير

ونقدوو علي آخواتي وبنات عمي بلبس العيد هالسنه حتى يومن رحت به الآستراحه يقولون لي آغيره وآلبس فوسطاني القصير آحلى مير اني ماغيرته عناد فيهن ههههههههههه
هي بالله مين الي بتجي آزين مني بالآستراحه هع هع <~~~ آبوك ياثقه

يااااا لبييييه.. أنا اقولكـ محد جاي ازين منكـ<< عسى رايحه معهم.. ؟!

الله يكثّر العناد الايجابي غلوووي ^_*

وبيني وبينك آنا لما آشووفها ودي آلبسها آحسها حلووه وكيوت مير ماتنلبس عند آهلي بنوب بنوب ولا عند الحريم وخصوصآآ اذا كنتي بيضا وجسمك حلوو تجيك عين

من هاالعجز فآحتشموو آزين لكن <~~

ههههههههههههههههههههههههه ههههههه

ايييييه بالضبط عيييين ممتااااز.. خلّكـ عليها هع

ترا النّاس مايعطون خير وانا اختكـ.. << تشحنها..

،،،

(وأعوذ بكـ من هوى نفسي والشّيطان)

يا غلّوو..


من الهوى يا غلا.. وأكيد أنها تزينكـ فوق ما انتي حلوة ^^
واحنا مو بعيد عنّكـ..
لكن الواحد يحاول يقوى نفسه..
والله يعين ع الدّنيا بخير..


ويسلموو آنينووو ع هيك موضوع

ومير لو ناقشتي موضوع الآخوان لما يودونا السوق ويطفشوونا مايخلوونا ناخذ راحتنا بالآختيار وان ماشريتي الليله بوديك الآسواق الحره حقت البدو الوكاد بس آنا الي آعاني من هالمشكله


ههههههههههه راجعي ردّي على ناصر يمكن يفيد معكـ الحل هع





سيوووووو

يسلم قلبكـ غلاي..

والموضوع نوّر بوجودكـ والله..

أسعدني معرّفكـ هنا..


تحيتيـ