ماقلت ابي قربك ولا قلت ابيييييييييييك
وأوقات أخلي كل هالناس وأجيك
وأوقات رجلي تنحرف من مسارك
تسوى الخلايق والخلايق تساويك
ليلك يشابه في سمايا نهارك
اشتقتلك واهواك وابغاك وارجيك
واكرهك والعن جد ليل انتظارك
ازعلك وازعل عليك وارضيك
وازعل على نفسي وارد اعتبارك
اهوا شموخك وافتخر في تعاليك
والعيد عندي يوم أشوف انكسارك
ياكم شكرت الحظ يومه نزحه فيك
وياكم حسدت من أوله بيت جارك
من هيبتك قلبي يفز لمعاليك
ومن قل قدرك صرت أحب أحتقارك
أشوف بك لا أقبلت هيبة مماليك
وأشوف بك لا قفيت أقوى المعارك
آغار من حنانك لا ضمت ايديك
وأمشي وخلق الله يمينك يسارك
من رقتك تهواك حتى حكاويك
ماتشو بدليات حكيك تبارك
لاجيت تحكي صار زحمه بفكيك
كل الكلام يقول خذني لحوارك
أقبل جنون العاشق اللي مباريك
وأن ماقبلت أنت ناوي دمارك
ابقتلك وادفنك واندبك وابكيك
وابرجع اقتلني و اوفيك ثارك
اما حياة تسعد اللي مخاويك
ولا ترانا بالممات نتشارك
مابين ابيك وبعض الاحيان مابيك
هذا شعوري وانت بيدك قرارك
رد مع اقتباس
المشاركة الأصلية كتبت بواسطة الابتسامه المهاجرة
