الغدر وش يعني لك الغدر يازيـن
طعنة قفى والا هجر مـن تحبـه ؟
وثنتينهم ياشينهـم بيـن الاثنيـن
صفات منها العقل ضايـع مهبـه
واهل الخيانه دايمن علمهـم شيـن
فيهم مرض يصعب علاجه وطبـه
وعزي لحب صار مابيـن قلبيـن
ونار الغدر فيها لقـي مـن يشبـه
تكوي شغاف اقلوب منهم عزيزين
وتحرق ضلوع الي غفـل ما تنبه
وزادت هموم مولعٍ يشكـي البيـن
شاف الكدر واستوطن بوسط لبـه
ودايم يفوز الي لعب فوق حبليـن
وعلى الجروح الملح دايم يصبـه
واهل الوفاء والتضحيه وينهم وين
طريقهم صعـب والا حـد يذبـه
ياقلهم في هالزمن كيـف بعديـن
والوضع متدهـور وكـلٍ يسبـه
من جرف في دحتيره وشابت العين
وعلى الوفاء ياكثـر دمـع تكبـه
للشاعر ... نمر العتيبي
رد مع اقتباس
