السلام عليكم ورحمه الله
~م ـدخل ..
قلت المطر قالت من اليوم ديمه ...
... مابه رعد لابرق ماغير هتــان
حياكم الله جميعاً..
حبيت اشاركم برحلتي لأوروبا اللي استمرت قرابه الشهر فـ 3 من الدول ( فرنسا- ألمانيا - النمسا ) ..
ان شاء الله تعجبكم الصور والشرح والوافي
البدايه كان الانطلاق يوم السبت 10/7/2010مـ الساعه 2 فجراً من مطار الملك فهد الدولي, على متن الخطوط الملكيه الهولنديه (KLM) ..
تم الوصول بحمد من الله الى مطار امستردام (هولندا - ترانزيت) بعد حوالي6 ساعات تقريباً.
لما نزلنا المطار شفنا الشعب الهولندي متحمس وكله برتقالي ههه لانه وقت مباريات كأس العالم.. وهذي صوره لوحده من المحلات.
وظلينا بالمطار في صاله رجال الأعمال لوقت الرحله الى باريس .. وللأسف ضاع الوقت, لاننا كما مواصلين وتعب الرحله لدرجه اني انسدحت ع الكنبه ونمت ههههههه ,, قبل لاشفت احد بالمطار نايم وخااصه من الحريم استغرب كيف جاتها الجرئه وافترشت الكرسي او الارض احيانا ونامت بس من جد عشت هالشي وجربت لا تعبت وووصلت حدك من قل النوم ماتجيب خبر لاحد حولك تنام وبس وبأي شكل كان ..
بعد 5 ساعات كانت رحلتنا لباريس وماذكر كم كانت المده من امستردام لباريس بصراحه لاني وقتها مدري وين ربي حاطني هههههه
~ Paris ~
Champs-Elysées",,
من اهم الأشياء اللي كنا حريصين نزورها هو الشارع المشهور الشانزليزيه ..
الشارع جميل ومايشكي من شي ,, بس بزحمه الناس والخليجيين اللي يتبعطزون قلق, الشارع الرئيسي فخم والخليجيين ماخذينه لفشخره السيارات, اغلب المحلات اللي فيه مطاعم وكوفي شوب, ومحلات الملابس وكذا بالشوارع الفرعيه منه,,
نهايه شارع الشانز هو قوس النصر جميل جداً وصوري ظالمته ههه
محل LV قعدنا اكثر من نص ساعه صافين طابور عند الباب علشان ندخل ههه قلنا نعيش التجربه كيف هم يوقفون بالايام مو بس بالساعات وبالاخير المحل مايستاهل هههههه
Musée du louvre",,
متحف اللوفر الأشهر من نار على علم بسبب وجود لوحه ليوناردو دافنشي ( الموناليزا ),, المتحف ضخم جداً, أعمال فنيه راقيه ومبدعه.
أول مره رحنا فيها للمتحف كان للاسف مغلق لان انتهى دوامهم فاخذت كم صوره له من الخارج فقط .
قررنا نرجع له بيوم الباستيل ( احتفالات ذكرى الثوره الفرنسيه ) وصادف ان يومها كان الدخول مجاني لجميع أقسام المتحف.
وقلنا نجرب الاندر قراوند ( القطارات ) وبصراحه تجربه ولا اروع اتمنى محد يفوتها من جد ..
حبيت اخذ كم لقطه للمتحف لان منظره في الغيم والامطار غييييير..
دخلنا للمتحف وكان زززحمه بس تنظيم وشغل عدل ,, بس اللي ضايقني فيه انه قسم المجسمات والمنحوتات ماخذه الطابع المسيحي بقوه , انصح ماتاخذون الأطفال لان اختي الصغيره بدت تسال لين صدقت انه فعلا صار كذا ههه وبالاخير امي وابوي طلعوا معاها لبرا وحنا كملنا.
هذي وحده من الاعمال
"قِسم اللوحات الفنيه"
بصراحه فيه لوحات كبر الجدار يعني فن بصحيح ودقه شغل ورسم ماشاء الله
وهذي لوحه تحكي قصه يوسف عليه السلام
وهذا فارس همام ايام الحروب
وهناا زحمه البشريه كلهااا ,,
تدرون علشان أيـــش !!
علشان هذي
7
7
7
"الموناليزا"
كَسفت فينا لين قدرنا نوصل لها ونحارب علشان نصورها ههههههه من حلات الوجه عاد, بس هي فرصه ماتتعوض انك توصل لعندها وماتصورها
من طلعنا من المتحف الا كان فيه عاصفه ماطره عجيييييبه
مشينا لين لقينا كوفي شوب يظفنا من هالبرد والمطر كان بالحيل زحمه لدرجه ماكان لنا مكان نقعد فيه الا برا عند المدخل ههه
واحلى كوب قهوه فرنسيه ,,
ولقطه للشارع الراايق
Eiffel Tour",,
برج إيفل الأجمل في فرنساا,,
لما رحنا له كان يوم المباراه النهائيه لكأس العالم . وفساحه البرج كانوا حاطين شاشه كبيره لعرض المباراه ( قبل بدايه المباراه حفل غنائي ) ,, الناس كانت كثير متحمسه والأغلب مع الأسبان ههه
بعد ماخلصنا اخذنا لنا شي يبرد على القلب
وحنا بطريقنا للبيت لقينا هالمحل الجميل
ههههه مفرحاااااات
وهالصوره اهداء لقلبي نني
~م ـخرج ..
عشق جمع مابين قاع وغيمــه ...
...سيّل على صدر الثرى دمع الامزآآن
انتظروا الجزء القادم بأذن الله (ديزني لاند - الحي اللاتيني )
رد مع اقتباس
-new.gif)
أدوخ أنا على العنوان خخ .. لبااتس
)~
