تحية طيبة
وكل عام وأنتم بألف صحة وسلامة
أرجو أن تجد مساحة في قلوبكم
القمــــــــــرية
[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
على عذب اللقاء .. صحّيت شمعي من قناديلك=ولاادري كيف راح الليل .. لاهذي .. ولاذية
على وعدك تجي ليلة .. وليل يطول بي ليلك=وقلبي ينتظر غصنه .. على ميعاد قمريّة
تغيب .. وتطفي شموع الفرح .. وأرقب مراسيلك=وأعيش الليل مابين الأمل .. وشموووع مطفيّة
تعذبني ولا بلّـت .. دموعك حد منديلك=ولا بيّن بعينك لإلتماس العذر .. ماريّة
تطيح أحيان من عيني .. ورمشي يرجع يشيلك=خطاك يمرّني .. مثل الحيا .. وأحلام ورديّة
أطيّر سرب قيفاني .. ويمسك في محابيلك=تبلّيت القصايد .. والقصايد فيك مبليّة
يفوح الشوق بدلالي .. وأصبه في فناجيلك=هلا .. وإقدع من خلاص الحشى .. والقلب تمريّة
يهلي بك خفوق ٍ كل ماغنى .. يغني لك=وتشربك العيون .. اللي على شوفك .. ضماوية
يذوب أحلا كلام العشق .. بلساني وابابيلك=تلعثمني حروف ٍ بالعسل .. والورد مطليّة
أسج البال .. وأسرّح .. هجوسي في مداهيلك=أمانه لاتبعثرني .. وانا لك صافي النيّة
تعال ولملم شتاتي .. وذكّرني مواصيلك=قبل لايموت غصني .. في رجاء ميعاد .. قمريّة
[/poem]
دمـــ بود ــــتم
محمد بن معتق بن صخيبر
رد مع اقتباس
(الحزن الرغيد)
المشاركة الأصلية كتبت بواسطة سامي العطاوي
