!..السلآم عليكُم ورحمة الله وبركآتُه..!
مدخَل..!
مازلْت ياحزن الزمان..
اذكر بيادر ضحكتي..
ورفوف شالت لعبتي..وسنين عانقها الأمان..،
اذكر تعلمت ابتسم رغم الجفاف...،
واني اذا اشتد الضما..والجوع في جوفي نما..
مـبكي ولا اصرخ واخاف..،
طفله وخاويت الصبر..واهديت له قلبي دهر
واشتد عود الخيزران..،
وكبرت البنت الصغيره..وصارت الطفله الكبيره
ولاتزآل .../
البسمه اللي راسمتها..
بالقلب دايم حافظتها..
تنتقل عبر الزمآن..
لاتزآل..
تقدّم الضحكه عمر..وتكشّر بوجه الكدر
ولا صحت من نومها..
وطاب بأملها يومها
راحت تغني للصبآح
وحبت يدين الفقر....؛
[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الفقْر عيب..وفيه ربي حباني=وانا من اعيوب العرب ..ماتعيّب
ماضامني قولة..فقيرة زماني=عندي تراها مفخرة قلب طيّب
لون التعب..وسمه شرف في كياني=له سيرةٍ بارض المصاعب تهيّب
والجوع لو يلعب بوسط المحاني=ماذلّ راسٍ ..من عناْ الصبْر شيّب
أنا خلقت..أشقى..وادُوج ..واعاني=بس ماخلِقتْ..أنهان من حظّ خيّب
يمدّ لي وقتي يدين الطماني=والنفس تاطى فوق خشم التسيّب
انا على راس الطويله مكاني=شمسي فلاتغلب.ولاهي تغيَّب
ماني من اللي يقلطون الأواني=عقب الشيوخ..أقتات من صحْن ثيّب
امّا معَ اوّل..يابلا..منْه ثاني=التاليه قلبي لها مو صحيّب
لو كان عمري من عقود الأماني=يكفي ازود امن الأمل وآتطيّب
يكفي الا من نمت..همي نساني=عيني هنيّه لنّ عدلي حبّيب
عيدي ولو ..ماعنْد ابوي وكساني=أستقبله مثل الصغير القريّب
ضحكي يرفرف بالرضا والتفاني=دآم الرجا بجود الولي مايخيّب
لاضير وان قالوا ..فقيرة زماني=ماني من اللي في قدرها تعَيّب[/poem]
نقطة نهآيه..!
الفقر مو قلّ السبل والدرآهم..الفقر في نقص العقل والعقيده
رد مع اقتباس
المشاركة الأصلية كتبت بواسطة سامي العطاوي
(الحزن الرغيد)
