(حبيبتي عمشا )1

[بندر النايف]

(((( كل عام وأنتم بخير)))


كان أو ماكان .. مادري وش كان .. بس الحكاية .. لها بداية .. ولها نهاية

وش جبنا من جديد :) ..


ولدٌ صغير . أسمه ( بندر ). شعر أشعث .. ووجه مفلطح .. وخشم متوازي أضلاع ..

يلعب مع كلبه ( حجلان ) عند جبال ألألب ويرعى غنيماته ..

جده ( محماس ) قوي وكل يوم يصفقه إن رجع الغنيمات بدري ..

ويحرمه من شرب ( الصبوح ) ويدس عنه ( السمن ) ..

...


مره من المرارير كنت سهران ألعب مع صخلي المفضل وكنيته (أبو عناقه ) ونلعب بين الأزهار
وسمعت صوت زهرة تقولي ( يا بندر خذ صخلك ورح أرقد لاتصجنا الصبح قريب )

بندر \\ يا أبو عناقة وش أمنيتك في حياتك ؟

أبو عناقة \\ أكبر وأصير تيس كبير وكشخه علشان جدك يحطني قائد للمعزى ويبعدني عن سوق
الغنم ومندي حضرموت .

بندر \\ تتذكر يا أبو عناقة أخوك سع سع يوم أكله جدي ؟

أبو عناقه \\ أييييييه يا بندر لا تقلب المواجع .. كنت أقوله يا سع سع لا تآكل كثير .


..

..

ويأتي صوت مدوي من بعيد ( بآآآآآآآآآآآندر يا ولد أمه يالرخمه يالسربوت وييييييييينك )

أثاريه جدي يصايح يدورني وصوت حجلان المتواطئ مع جدي ينبح ويتشمم رآئحتي .

وطآآح علي في الوادي وتوعد الصخل بالذبح الشرير في يوم العيد ..

جنيت على صخلي المفضل : (

وفي الصباح الباكر سرحت مع الغنم وطفشت ومن سهري أبغى أنام أنتظرك جدي يروح المدينه

ورجعت الغنم لشبكها بدري ونمت,,

وبعدها صحيت وأنا متعلق في الشجره ومضروب حتى نطقت الشهادة ورآح بالغنم وخلاني متعلق ..

وبعدها فكرت أنتقم من جدي . وأرد له الصاع صاعين ...

رجع جدي وفكني من التعليقه وصرت أخطط كيف كيف كيف أقهره زي ما قهرني وضربني.

\\\\...

...



فاصل إعلاني ونواصل

..

..
(1)
شامبو قشر نفسك كالبيضه ..

لما تفك ما حاتصك .. وكله حركات ... رغوته تخلي عيونك حمرا من الإنبساط ..

شامبو قشر نفسك مش ها تقدر تفرك عنيييك ..

...
(2)

أتصل ونحن نصل ..

مباحث حقوق الطفل ..

لما أبوك يضربك أتصل

مافي مصروف أتصل
ما يخليك تفحط أتصل

فقط عليك الإتصال .. ونحن علينا التأديب ..



,,,,

نتابع معكم الحلقة الأولى من ( حبيبتي عمشا ) والله يعينكم

....


وبعد التفكير والتخطيط لقيت الفخ الي يحطه للذئاب وحطيته عند فراشه ..

وهو رايح ينام سمعت صراااخه وفرحت فرحاً شديداً :)


وعرفت إنه ما رآح أنضرب إلى بعد ما تتشافى رجله من الكسر أو القطع هع

الموهيييم إني نمت نومه هنيه ..

,,,

أنا أبوي وأمي عرفوا بعضهم ليلة الدخلة .. وبرضو ليلتها تفارقوا ..

بس المشكلة نسيوني مكانهم ^_^

جيل لبسني وأنا نايم يعني مايبون مسؤوليات وكذا ..

...

وطآح حظي لرعي الغنم بعد ما كنت ساكن وآكل وشارب فوول أوبشن في بطن أمي .


...


جدي بعد ما صحا من غيبوبة الفخ الي حطيته له جاني لغرفتي وهو معقد حجاجة ..

وطالعني وبعدها أبتسم وتذكرت ( إن رأيت الأسد مكشراً أركز ساقك وإنحاش يالخبل ) < مثل روماني

وبعد ما هممت للنحشه مسكني من قفاي وقال تعال يا حفيدي..؟!!!!

أنا هنا بغيت أنتحر .

ما قد سمعت يدلعني ^_^

أخبره دايم يناديني يا هطل يا خبل يا دلخ وأحيان يرفع مستواي ويقول حمار ^_^



..

الجد \\ بندر أنا أحس إني قاسي عليك شوي . و ...

بندر \\ شوي !! يا حليلك يا جدي .. أنت حجري ..

( الجد هنا وده يصكني بس عاد بيكمل دور الحنيه )

الجد \\ صادق صادق أنا جيتك أتأسف وأقولك ماراح أقسى عليك .

بندر \\ جدي تهي تهي جدي أنا أكـ .. لا لا أحبك .. جدي تقبلتوو أسفك خلاااص .

الجد\\ وأنا أبادلك الشعور يالله قوم أحلب لنا العنزة ( شحته ) وخلنا نتسامر ..

( حسيت إنه بيسامرني سمرة جاهلية هع )


...

وبعد التسامر والضحك والوناسه وصرت أمون على جدي لدرجة صرت أنكت عليه وأتتريق بخمشه الكبير .

وأشوف وجهه يتعفط ويقول لا تحط علي مره لا أفقع وجهك يا الخب .. لا يا بندر ويبتسم بعد ^_^

يقولها على مضض ..


وضبطت الحياة البرية مع جدي الحبيب وماصار يضربني مررره .. بس خميس وجمعه يقول أنه يتدرب هع


..

وعلى فكرة أنا عندي قدرة أتكلم مع الحيوانات .

وبيني وبينهم ميانة بقوووه ,,.

وأنا أشكيلهم وهم يواسوني ..


والحياة حلوة بس نفهمها .


وإلى اللقاء في الحلقة القادمة .

[أبوعبدالرحمن]

هههههههههههه

متابع لك

ذكرتني بهايدي وانت توصف الطبيعة الحلوة ههههههههههههه


كل عام وانت بخير يابندر


ومتابع معك

[حنونه]

ههههههههههههههههااااي

حلو كثير موضوعكـ

ربي يعطيكـ ألف عاااافية

لاعدمنا تميزك

[بندر النايف]

هههههههههههه

متابع لك

ذكرتني بهايدي وانت توصف الطبيعة الحلوة ههههههههههههه


كل عام وانت بخير يابندر


ومتابع معك

يا هلا أبو عبدالرحمن

وكل عام وأنت طيب وسالم وغانم

يا مرحبا بمرورك الأول الجميل

ودوم الضحكه يا بعدي ,,


..

وعلى طاري هايدي

كانت معي ترعى غنيماتها بس هي أشتهرت في قناة سبيستون وأنا باقي أتمرقع :)


الله يسعدك

[بندر النايف]

ههههههههههههههههااااي

حلو كثير موضوعكـ

ربي يعطيكـ ألف عاااافية

لاعدمنا تميزك

الله يحلي أيامك

والله يسعدك ودوم الضحكة


شكرا لمرورك الطيب

[lonely love]

وبعدها فكرت أنتقم من جدي . وأرد له الصاع صاعين ...
رجع جدي وفكني من التعليقه وصرت أخطط كيف كيف كيف أقهره زي ما قهرني وضربني.

خخخخخخخخخخ هههع
انتقامكـ جآب فآئدهـ يآ بندر .,
بس مو كل مرهـ تسلم الجرهـ خخخ

فقط عليك الإتصال .. ونحن علينا التأديب ..

أوووفـ قويه تأديب مرهـ وحدهـ .. قول تفآهم
هههع .,



روعه روعه مآشاء الله .,
اسلوب رآئع في سرد القصه .. من بدآيتها بدأ الحماس .,

متآبعه ^^

.. ودي وردي ..

,
’
,
’

[мαηѕoя]

بندر

مبروك عليك الشهر يآ غآلي . ~

و لآ هنت ع هذآ المجهود : الله يسعدك

بأنتظآر جديدك ي مبدع .


*
*
*

أحترامي و تقديري

[شمــوخ الأصآآيــل]

وانا اشووف الناس متجمعه هنا ..
تصدق يابندر اني انتظر الحلقه بالموضووع حق الاعلان هههههههههههههههه
عبالي بتنزل هنااك ..
شكل الصيام أثر علي اليوووم هههه

ماعلينا المهم اني شفت الحلقه ...

وعلى فكرة أنا عندي قدرة أتكلم مع الحيوانات .

وبيني وبينهم ميانة بقوووه ,,.

وأنا أشكيلهم وهم يواسوني ..


والحياة حلوة بس نفهمها .

اهنيك على هذه النعمه اللي انت عايش فيه ..
انتبه على نفسكـ لاتقول للناس انك تقدر تكلم الحيوانات ترا الناس ماتعطي خير وانا اختكـ ..<<~~ برااا

وعلى طاري هايدي تكفى اذا لقيتها سلملي عليها هي وجدها وبيتر <<~ غبآآر ياهايدي ..




مشكوور والله يعطيك الف عاافيه ..
ماقصرت ..


بانتظار الحلقه الثانيهـ ..
بس وين يتنزلها هنا والا موضوع ثاني ههههههههههه




تحيااتي ..........~

[سعود بن عبدالله]

مازلت عند موقفي ^_^

بس عادي دامك واصلت الله يوفقك

ألمهم عندي هو متى بندخل في الحااااامي

نبي مغامراتك مع عمشا ياخووووووي

[دفنت قلبي ~]

ههههههههههههههه

وش هالذووق يابندر

احلى شي الاعلان كثر منه

ورمضان كريم


تحيااتي

[وجن محمد]

استاذ بندر
يعطيك العافية, والشهر مبارك عليك, تقبل الله منا ومنكم الصيام والقيام

الحمدلله مافاتني الحلقة
حركات
وفاصل
اسلوب فكاهي رائع
يعطيك العافية

[تــآج]

أتصل ونحن نصل ..

مباحث حقوق الطفل ..

لما أبوك يضربك أتصل

مافي مصروف أتصل
ما يخليك تفحط أتصل

فقط عليك الإتصال .. ونحن علينا التأديب ..



سجل سجل يا البندر آول مسلسل أتابعة ورآح استمر

مت ضحك عـ الفاصل

وبدال حب الخشوم صآر عض خشوووم متوحشين ههههههههههه

يسعدك ربي ويبارك فيك يا حبيب عمشااا

آستمر وفالك لتووفيق

آعذب المنى

[سـامـيـه]

هههههههههههههه
ما شاءالله روعه
بدايه جميله جدا ربي يسعدك
كل التقديري

[عزوز]

الله الله يابندر

خطيييير يابطل

نحترى الأجزاء الباقيه

[أنـ الذكريات ـين]

وعلى طاري هايدي

كانت معي ترعى غنيماتها بس هي أشتهرت في قناة سبيستون وأنا باقي أتمرقع :)

ههههههههههههههههههههه

يقطع أبو الواسطات ياشيييخ
ترى أكييد ذيكـ بنت التجار الي معها لها دخل هع



يابندروو أنت خطيرووون جدن جدن << ذكرت بيبرس الله يذكره بالخير معاد له ضيحه..

متابعين..

تحيتيـ