[poem=font="simplified arabic,4,darkred,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
ياللي تقول ان الطنايا القديمين=راحو وراح المجد ماضل بقايا
شمر طنايا كل ساعه وكل حين=وصغيرهم يشيل كل البلايا
تبآ لكا ياقايل المنطق الشين=وتبآ لمن مثلك جحود العطايا
هبيت ياللي تنكر افعال وافين=هبيت يامن بالخطا لك حكايا
انت ومن مثلك عن الناس واطين=ياللي جعلت حقوق شمر خفايا
إسأل هلك إن كان بالحق ماشين=واسأل هل التاريخ هم والروايا
شمر سادو بالجزيره من سنين=حكام عهد(ن)في عهود(ن) مضايا
اكبر جمل نوخلهم والصعيبين=والذيب الأمعط صار نومه ضحايا
ماغيرهم من عيد العيد عيدين=هو عيد الأضحى وفيه عيد الضحايا
في يوم ياعسره على الناس ياشين=وياما كثر فيه البكا والنعايا
وشمر سعدهم فيه يابن الكريمين=ياولد قوم(ن)متعبين المطايا
يابن الرجال اللي على الضد قاسين=اللي كرمهم واصل(ن)للبرايا
تراهم والله من كلامك بريين=فيهم رجال(ن)بالعدل له سوايا
لكن الجهل بلوى عن المنطق الزين=ياجاهل(ن)ف. علوم قوم(ن)عصايا
والرجل يوزن كلمته بين حرفين=ماهو بـ يلدغ زي بعض الحيايا
وشمر تراهم وسط كل الميادين=نار(ن) لظيه وللبلايا وصايا
وشمر يديهم عاليه فوق الأيدين=مانزلوها يوم لأهل العطايا
اليوم.وبكره.وامس.واول.وبعدي ن=شمر طنايا لاتناخو طنايا
في عيونهم تصغر كبار العناوين=لاصار يوم(ن)فيه شر وبلايا
وشهادتك ماهي من الهم له شين=شهادتك لك ياقريب النوايا
لكن توضيحي لناس(ن) فهيمين=اهل العلوم الطيبه والسجايا
واختم كلام(ن)جبت قافه على اين=والشطر الاخر جبت قافه عل آيا
وانا طلال الشمري من السلاطين=ربعي سناعيس الفخر له سوايا
والذيب ذيب(ن)لاغدى الليل ليلين=والأصل واصل مافصلته البطايا[/poem]
لــــ طلال فهد الشمري
رد مع اقتباس
المشاركة الأصلية كتبت بواسطة طلال فهد الشمري
(الحزن الرغيد)
