/
[rplayer]http://g5g5.net/xzfiles/Syt13570.mp3[/rplayer]
السلام عليكم ورحمة الله وبركاتة
[justify]من روائع الشعر النبطي الحديث قصيدة كتبها الشاعر الكبير/ عبدالكريم المزروعي وهي عبارة عن مرافعة أدبية ما بين البر والبحر في حضرة شاعرنا الحكيم.[/justify]
[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يوم الثلوث العصر جالس لحالي = ما عندي إلا واحدٍ من عيالي
محضر الدلة ومرتاح بالي = وأقول يالله فالهداية طلبناك
قمت أتشرف سدرة البيت وأشوف = وإلى الثنين اللي نصو قالوا ضيوف
قلت: أقلطو فالبيت والبيت معروف = قالوا: نعرف البيت وأنته عرفناك
قالوا: بنقلط فالمحل يأبن الأجواد = بنشرب الدلة ونحلف عن الزاد
بيناتنا دعوى ومصدر وميراد = وفرصة سعيدة يوم حنا لقيناك
قلت: أستريحوا بعد سارت خطاكم = مافيه دعوى قبل أقدم قراكم
تستاهلون اللي يكرم لحاكم = والله يقول تكرم الضيف لاجاك
قالوا: تكلف ياعسى الله يعينك = يامعزب الخطار تسلم يمينك
لا نحقر أنفسنا ولا حاقرينك = في واجبك يابو علي ما حقرناك
وبعد القرى قالوا: بنعطيك الأعلام = حنا ثنين وبيننا أشكال وإخصام
أسمع دعاوينا وصدر بها أحكام = نباك تحكم بيننا لا عدمناك
قلت: أسمحوا لي وأسمعوا في كلامي = مافيه دعوى قبل أعرف الأسامي
قالوا: دعاويكم تقص العضامي = ابغ أستمع دعوى خصيمك ودعواك
قالوا: تبى الأسماء نعلمك ذالحين = حنا البحر والبر كبار السلاطين
وبيناتنا عيت تقر الموازين = والحق يرضينا وحنا رضيناك
وقلت: للخصمين هاتوا معاديل = اللي تكمل في حقوق الرجاجيل
وأنا حكم وأفصّل الحق تفصيل = والحق ماهو ضحك مع كل ضحاك
قالوا: حسينا للطلب وأحتسينا = وجبنا اللزوم اللي فرضته علينا
حاضر بحاضر أستلم من يدينا = كلٍ يسلم من يمينه في يمناك
قال: البحر أنا أدعي فالبدايه = وأحرر الدعوى على مستوايه
البر ضيقني وعكر صفايه = وإلى نصحته قال وش جاك وش جاك
زل الحدود المستقيمة عليه = يزحف برمله كل صبح وعشية
يخطي وقال أنا ما مني خطية = لايفتكر هذا ولا يفتكر ذاك
وقلت: له يا بر تراك زليت = وعن الحدود اللي قديمه تعديت
وأنا تراني من مشاكلك مليت = شلت الحدود الفاصلة بين الأملاك
دعواي عندك وأبغي الحكم ضده = أحكم عليه ورجعه عند حده
وإلى استلمت الحكم عني ترده= وأنته حكم والله بالخير يجزاك
البر قال : ياالقاضي اللي رضيناه = أسمي صحيح البر وآمنت بالله
وأجاوب اللي مدعيني بدعواه = والخصم تحكم جابته لا تبلواك
دعواه كيدية وزور و ظليمة = وأنا ما زليت الحدود القديمة
ولا ينغنم وهوه ما عنده غنيمة = ما فيه غير الملح وعيال الأسماك
أنا أعرفك يابحر غدار غدار = لا تعرف الجيره ولا أتحشم الجار
وإلى نصاك الضيف ما تولع النار = لا ينسكن وسطك ولا ينشرب ماك
ما فيك غير الموج لا هبت الريح = تغدي كما المجنون تضرب تجاميح
موجك ورى الحدان يضرب تطابيح = جبت الأذى للجار لو كان ما أذاك
قال البحر: تبغى تسوي فصاحة = أنا البحر معروف أكبر مساحه
ولا أنته بقدي لا بغيت الصراحة = لو كان ما خوفي من الله أتعشاك
أنا تحملت السفن والبوابير = تاجيك بالأرزاق من دون تأخير
وأنت مافيك إلا الرمل والمعاصير = فيك السلم والحمض والمرخ والراك
فيّه منافع منت حاصى عددها = اللؤلؤ والمرجان واللي بعدها
واللي عطاه واحدٍ ما حسدها = رزقي مكفيني ورزقك ما كفاك
سبحان رب الكون ومدبر الكون = أنا الذي في حكمه أغرقت فرعون
وإلا أنت وش سويت خلك على الهون = أنا تحديته بعد ما تحداك
بالله من سيل القَرَى وش حصلْ لك = اللي غزاك من القَرَى في محلّك
ياكم ليلة في دقايق أزلّك = ولا تعداني مثل ما تعداك
البر قال : يا بحر أشوفك تكبّر = وراع الكِبر عند العرب ما يعبّر
ما فيك لا مسجد ولا فيك منبر = ما غير كثر الهرج فالجار زرّاك
فيّه بيوت الله ومكة وطيبه = وفيّه قبور الأنبياء والصحابه
والوحي بالقرآن أُنْزِل كتابه = والله عطاني خير وإلا أنت اش أعطاك
قلت: الدعاوي بينكم وصلت الماد = والشر ما ينزاد والخير ينزاد
والمدعي لازم يجيني بالاشهاد = لا زم تجيب شهود لأثبات شكواك
قال: الشهود اللي على الخصم يردون = اللي لمضمون الشهادة يعرفون
مسكانهم فالبر ما هم بياجون = وأنته تعرف العلم مااضن يخفاك
وقلت: عن البينة كان عجزان = ابحكم عليه يمين وتروح قنعان
قال : ما أقنع والخطى شوف الأعيان = لو كان عشر أيمان تحكم ليا أعطاك
وقلت: له يابحر بالله تجمّل = فاللي حصل قبل الدعاوي تحمّل
وأنا بصدر حكم حكمي مكمل = وأنته بحر معروف ما أحد يتحداك
الحكم بعد اليوم ما أحد يتمدى = سد الحدود الثابتة ما ايتعدى
واللي يزل الحد منكم يردى = وأنا صدر حكمي على حسب دعواك
أنتم ثنين مكملين لبعضكم = وليا توافقتو ما أحد يعترضكم
هذا العلاج اللي يداوي مرضكم = إبلاه ما تكمل ولا يكمل إبلاك
وختامها صلوا على من صلاته = كتبت على المسلم ما دامت حياته
محمد اللي وصف الله صفاته = يالله لا تحرمنا ملاقاه وإرضاك[/poem]
اتمنى ان تنال اعجابكم
آبو تغررريد
/