/
مصَافحَة على خَجل علّها تصفَح بِ العُذر الغِياب
الله من همٍ على القلب ما أقواه
هم القلوب اللي ف هواها شقيه
هم اللي غايب عن عيونٍ بس تراه
هم الذي في الحب ناجى نجيه
يوم الحضور يكون ل الغايب نداه
غير الصدى يطوي الندا طي وطيه
لا يالقلوب اللي ل بعضها في انتباه
طي الصدى ياصل وثم رد جية
وبكل بساطه تقولي: وشلونكم آه
ومن الذهول نسيت أرد التحية
والله لو ما شفتك وبست الجباه
يمين وأنا صادق الصدق نيه
لا اقول جنيه وعلى شكل اشتباه
منتي ب انسيه وأظنك كذيه
وش لون جيتي بكل بساطاطك كذاه
حضرتي وانتي غايبة شلون ذيه
يمين احسك حولي ما اخفيك في ذاه
جسمي تقشعر قشعريره خفيه
محدٍ يصدق لكن الله في علاه
يدري وانتي داريه أنك أذيه
لا تسأليني سر حُبي ل الحياة
دام انتي فيها لا تسوي غبية
حبيتني لجلك وصرتي ما اراه
صرتي عيوني وآه يا أنتي قوية
رديتي ف عروقي دمائي والمياه
شفتي سحر هالعين وش سوى فيه
نسيت اسمي واسم امي وبيه
ويلي من الله ويلي وش هالأذية
شقلبتي الدنيا تشقلب ي الفتاه
(يكشف بحالك) والله يا الأدمية
مع أني من أصحاب من هم في مبداه
يأيد التغيير بس في رويه
ما هو مثل تغييرك اللي يا مقواه
في لمحةٍ كل شي تغير مزيه
اثبات واضح إن تبينه في رؤياه
وهاك مني واسمعي يا عنيه
عطيني اذنك أقربي بس شوياه
قلبي اللي هو قليبي ياخية
تصدقي نبضاته في صدري اخفاه
الا ف حضورك نبضه يصير ميه
شكلي بسوي زي ما سوى وانساه
لا عاد هو قلبي ولا عاد ليه
ما هي بْ شطارة بس لا واا حليلاه
كلكم صرتوا يا ربي عليه
مصيبةٍ كيف الهوى فيني بي تاه
من غير مركب ولا شراعٍ يا ذيه
من غير وجهه القلب من غير مرساه
أبحر في بحرك ساقه الريح بيه
صرتي لي الأربع جهاةٍ ف اتجاه
من وين ما لديت شفتك هنيه
حتى اني في لحظة جنونٍ وقلت اه
فكرةٍ صعبه وبس وش بيدية
ابخترع لي وجهةٍ عل وعساه
القى ل هذا القلب حل القضية
رفعت راسي ل السماء وربي اخشاه
كن النجوم انتي في ابهى حليه
حتى القمر زايد أشوفه في حلاه
كنه أنتي وكنك البدر ضيه
ويوم أن عيني ارمشت صدفه رباه
حتى ف عيوني أثرك أنتي هنيه
في ظني حتى ف يوم أنا ربي ألقاه
في قبر واحد مع بعضنا سويه
يفنى الجسد والروح حكم الله نرضاه
تبقى ل يوم الدين روحٍ وحيه
الين ما الله يريد ل العبد ويقضاه
بالعدل والإنصاف يلقى جزيه
في حينها سلمت أنا الأمر لله
ما فيك حيلة أشهد إنك قويه
/
صلاح محمد الأحمدي
آبو تغررريد
كل العطر
/
رد مع اقتباس
المشاركة الأصلية كتبت بواسطة كاسب العز
