غشيم الغلا ما عذبك حب من يهواك
ولا شفت وش سوى الجفا بآخر ايامي
عثر بي غلاك استحلفك مد لي يمناك
كسر كبريائي بالهوى رعشة عظامي
حبيبي عجزت انسى خيالك عشان انساك
تعاااال اتعب احلام اللقى راحة اقدامي
على ضوء امل شوفك حياتي وضحك شفاك
سريت برجا ميراد حبك وانا ضامي
يا طول الطريق اللي قطعته على لاماك
لحالي وخيالك نوب جنبي وقدامي
معي وانت لا منا ولا انت ببعد مناك
تخش بعيوني وتظهرك نشوة انسامي
وليا ابعدت انادي لك واقول انت ليه هناك
خطا تبتعد يا غايتي ومصدر الهامي
تمخطر على كيفك واذا الوقت ما كفاك
اخذ حق صبحك بالمسا واشغل احلامي
حبيبي ترى من هامتي للقدم يفداك
شريتك قبل يبدا العبث كل سوامي
انا ما ...................................
اوامر وجت من مملكة قلبي السامي
حظنها فؤاد بالرضا غايته مرساك
تحملتها بقسوة عتب كل لوامي
تطفل . جنون . اسمه خرابه على دنياك
او ان الفقارى عشقهم كثر الاوهامي
ما هو حب فاق الحب هذا الغلا وياك
انا اخاف عامل لي سحر وانت به كامي
حياتي تبي تعرف متى خافقي ينساك ؟
متى ما قضبت كفي عصاً تسعف اقدامي
للشاعر العذب : خالد الفهد