دربن يوردك المذلة بليّاه
شمس الخيار ولا ظلال الفريضه
الحر لامن أبرق الريش قزاه
عاف الديار وعاف عشه وبيضه
والناس كلن يجذبه ساس مجناه
مثل الشجر لامن تجدد >بريضه
رجل اليا زلت بك الرجل تلقاه
حبل النجاة اللي بتوته غليظة
ورجل إليا قلت محاييلك تنصاه
عزك يعزه وأنكسارك يغيضه
ورجلبساعاة الرخاء جاه و وجاه
لكن بوقت الضيق ماتستعيضه
مثل الغدير اللي حفظ ماه بشتاه
وأهلك ورود في لواهيب قيضه
وللي زعل من خاطره لاترضاه
لاصار ماسويت شين يغيضه
ومادام رزق العبد بيدين مولاه
وش حاجته لأهل القلوب المريضه
الشاعر يوسف جارالله المزيني