السلام عليكم ورحمة الله وبركاتة
صباحكم قشطه وعيش صامولي وشاهي بارد ...
أمس حضرنا حفلة عند أحد الأباء مسويها لعياله ناجحين ومشتري لهم كورة المونديال بـ 170 ريال
وكل واحد سيكل وإلي تخرج من الثانويه سيارة ,,
يقول قاعد أحوش لهم لي سنه كاملة علشان أفرحهم ..
أنا في هذا الوقت رجعت للورااااااااااااااء وتذكرت إني موعود بهدايا كثير إذا نجحت وفي آخر السنة يقول أنطم زين إني أوديك وأجيبك للمدرسة
لأخليك ترعى الغنم
وفي مره من المرات وأنا كنت أدرس خامسة وعدني بسيكل وقال هذا وعد ورآح أحققه لك لا تخاف بس جيب لي الشهاده ممتاز ,,
صرت ابلع الكتاب بلع صرت دافور مذاكره وأكتب والإملاء ميه ميه والرياضيات والقرآن حفظ وبتجويد بعد وووووووو يالله يسألوني هااه بتنجح أقول على بالطلاق ناجح ناجح الله لا يعوق بشر ,,
ذبحتني مشاوير البقالة وقت الظهرية على رجلي أبي سيكل مكيف وجنوط
عاد جاء يوم الحصاد وأدخل على أبوي قبل أروح المدرسة آخذ النتيجة وأبي أذكره بوعده ,,,, وصحيته من النوم ..
قال ورع وش عندك .؟
قلت أبوي اليوم النتيجة .
قال وخير يا طير تصحيني مع الصباح يالسبوو علشان نتجية مرطستك << يقصد المدرسه بس هو يسميها مرطسه وأحيان أسماء شينه
وهو ينقلب وجهه أحمر وتكبر مناخره وتنتفخ أذانيه ___ قصدي أوداجه وهو يرفعني بين السماء والأرض ويرجدني على الجدار ,,
وأروح للمدرسة وأنا عندي حذفة ما أقدر أمشي تكسرت الأذرعه والمساعدات عندي << صاير سياره
وجبت النتجيه منتاز من ورى خشومهم وشهادة تفوق بعد ,,
أقولكم أكلت الكتب كلها في راسي علشان هالسيكل الله لا يعيد سيرته ,,
ورجعت البيت وقلت يمكن صحا وأمي عطته قهوته وفطوره ,,
يوم دخلت البيت لقيته جالس بسروال وفانيلة علاقي ويهلي ويرحب \\ هلا ولدي هلا ولي العهد .. حسسني إنه مدير المملكة
المهم كأن الروح رجعتلي شوي وحسيت إن السيكل قريب وجاي جاي ,,
قال سم يا أبوي شهادة تفوق وشهادة نجاح منتاز ,,
وأنت وع وع وع وعدتني بس بس بسيكل << أنتع أتذكر رجدته لي الصباح ..
قال يا ولدي أنا بأدفع الإيجار وإلا أجيب لك سيكل ... أحمد ربك إن ساكن في بيت وتأكل وتشرب بلاش ,, لا تخليني أخليك تقط معي في إيجار بيتكم ,,
وأمك أزعجتني كل يوم تطلب نواشف وذبحتني بطلب التونه تقول إنها مربية بساس
يا ولدي حالتنا تشكى لله هو تبيني أقطع من مصروف بيتكم علشان سيكل ,,
أنا هنا حنيت عليه وفتشت جيوبي ولقيت ريالين سارقهم من أمي وعطيته أياه
وبعدها تركت المرطسه ورحت للعسكريه وكملت دراستي وصرفت على نفسي
تحسون إني قلبتها حزن في آخر القصه شوي بتحاطون وترسلون لي صدقه
هنا أهدي تهاني وتبريكاتي لكل ناجح وناجحه والله يسعدكم بس علموني وأقهروني وش أخذتم هدايا
رد مع اقتباس
) ابوكـ كمان لازم يدخل معنا في حمله غلا للبجآآيمـ )Lopez....gif "))Lopez...")
وكان من الصف الخامس للسادس >>>>>>> حرمني ذلك من الهديه 
>>>> شرانيه 
هدية نجاحي واصرفها علطول بكيكات وبتاع منه ..........................
المشاركة الأصلية كتبت بواسطة بندر النايف
رد: وعدني بسيكل وطلعت من المُولد بلا حُمص
