هذه قصيده تعتبر ثاني قصيده كتبتها في مشواري الشعري وقد كتبتها وانا في الصف الثالث متوسط والان انا متخرج من الجامعه يعني لها حدود ثمان سنوات
ومناسبتها هي اني عندما كتبت قصيدة الغنادير التي نشرتها عبر هذا المنتدى العملاق سمعها بعض الناس فقالو (وش الي يخلي عيسى شاعر لا ابوه شاعر ولا خواله شعار)وهم يعتقدون ان الشعر وراثه وليس موهبه من الله
وعندما سمعت كلام الناس وبعضهم اقارب لي ذهبت الى احد اصحابي وعلمته بالقصه قال( يابن الحلال هرج الناس ماوراه الى دوخ الراس)انت شاعر وابصملك بالعشره
فكتبت هذه القصيده واحببت ان اشارك فيها وأستطلع آراءكم التي هي محل تقدير مني
واتمنى تنسيق القصيده لاني مااعرف انسقها
ولكم مني احلى وازكى واطيب التحايا
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
بديت باسم الي فرض حجة البيت=سبحانه اللي عالم بكل خافي
يالله ياعلم بما اكن وابديت=ياعالم" ما بالسما والفيافي
البارحه في نومتي ماتهنيت=حتى المخده تشتكي واللحافي
من يوم قالو منت شاعر تماليت=وقمت اشري القرطاس واكتب قوافي
من يوم قالوها وقلبي غدا ميت=وامشي كما خبل" مع الناس حافي
من قوة الهاجس ركبت وتعنيت=للصاحب الي شاف حالي وخافي
شرحت كل الوضع من كيت لا كيت=قال انبسط ياخوك راح التلافي
انته سمعت هروج منها تلويت=والا انت مع شعار حرب احترافي
تبدلت كل الخوافي وسويت=ابيات شعر" مقتطفها اقتطافي
ياللي تحاول تقصر الشعر ياليت=تروح روحه عقبها ماتشافي
الشعر هو المنوه الي تمنيت=يالله تجعل كل شعري عفافي
انا احمد الله بالردي ماتهقويت=كل المراجل مكتنفها اكتنافي
ولا تحسبوني عن نظم قافي ازريت=الحبر جاهز والورق والقوافي
خمست عشر قاف" من الشعر سنيت=يااهل الشعر بالله شفتو اختلافي
وصلاة ربي عد من طاف بالبيت=على النبي الهاشمي المنافي
[/poem]
محبكم الشاعر/عيسى بن سليم السحيمي الحربي
رد مع اقتباس
رد: عاشق الشعر
