[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
بين صالات المغادر والقدوم =آخر عهود المواصل فالمطار
رحت أودّع صاحبي والهم كوم =واتلّفت من يمين ومن يسار
خايف المجروح لا يلحقه لوم =ولا تشوف الخلق فالعين انكسار
مرّ قدّامي ونظراته سهوم =أرقبه والناس من حولي كثار
قال أحبك قلت من قلبي يا قوم = أنت حبك صار للساني شعار
خابره يخجل وخابرني كتوم =بس أنا هالحين ما عندي خيار
قصّ تذكرته وقصّيت الهموم=يوم أخذ بيديه ( بوردينق ) الدمار
يرقب الإقلاع والأمر محسوم =واهنيك يا ( كراسي الانتظار)
والمذيع أعلن : مسافرنا يقوم =كنّه ينادي ويدري بي أغار
قام يمّ الطايرة حسب اللزوم=غصب ما هو في يديه الاختيار
والتفت لي كنّ في عيونه علوم =قالها لي في ثواني باختصار
السفر ماهوب مثله كل يوم =واللقاء آخر لقاء هذا قرار
ما وعيت ألا وهو بين الغيوم =ودّي أودعه والطيّار طار
خابرٍ وقت السعادة ما يدوم =وأدري إنّ الليل يقفاه النهار
وكل ما مريّت صالات القدوم=أدعي الله ألمحه وسط المطار
[/poem]
رد مع اقتباس
المشاركة الأصلية كتبت بواسطة أبوعبدالرحمن
