السلام عليكم ورحمة الله وبركاته
جديدي لكم يا غرابيل
[poem=font="simplified arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العارض اللي من ردى دنيتي شاب=سواده أدبر عقب ما اقبل بياضه
بَسط نفوذه واصبح الراس مرقاب=ماكر شياهينٍ تعلّوت فياضه
جاني نذيره عابسٍ كشّر الناب=ورّد شبابي للمنون وحياضه
والشعر الأسود صيد خايف ومرتاب=والشيب شيهانٍ سريع انقضاضه
توّج ثلاثين العمر نور في شاب=من حسرته عوّد يزيد اتعاضه
أحيان يرضى في قضى رب الارباب=واحيان يحشد للزمان إنتفاضه
أنا وشيبي كلمتينٍ بلا اعراب=في بحر علم النحو يصعب مخاضه
أوقات أشوفه بي وقارٍ ولا هاب=مير البلا يخفي الزمان انتقاضه
وأحيان يفتح للكدر والحزن باب=ويتلّني تلّة جريحٍ لماضه
ويسوقني بسباب ولاّ بلا اسباب=لماضيٍ قد صار خصمي وقاضه
واجر موالي على جرح ما طاب=وعلى فرح بالعمر شفت انقراضه
يا قلب لا تحزن وتشكي وتنّتاب=الشيب عيب اللي يغيب اتعاضه[/poem]
عبدالرحمن آل بهيش