[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ماتساوي دمعتـك قلـبٍ كسيـر=ضاع عمره في رضاك وخدمتك
لاتعذّر موقفك صعـب وعسيـر=ذاك دمي زاهي لـون بهدمتـك
خنجرك بالذبح شـره مستطيـر=فيـه مِنّـك مايعـادل قسوتـك
انت ياللـي لاتجـار ولاتجيـر=ليتنـي انسـاك وانسـى دنيتـك
والبلا لاصار جاشي لـك اسيـر=وين ماناظَـر تهيّـا صورتـك
كيف ينسـاك المولـع ياعشيـر=ليتنـي مايـوم عشـت مْحبتـك
ليت قلبي يوم عانـده المصيـر=انهـزم مـاذاق حـرة طعنتـك
قد نصحته مير ماطاع الشويـر=ماسمعني لين جـرب صدمتـك
ليـن ضيّعتـه بحبـك ياغريـر=وانتهـى يذكـر بقايـا نظرتـك
قلبي اللي شاقني ملعـون صيـر=تجرحـه ثـمّ يتحالـى قبلـتـك
قلعتـه ياعـل حبـه للسعـيـر=جعل ماله في هنـاك وشوفتـك
بنتهي بك دون حتـى استخيـر=حالفـه ماتـركّ تاخـذ راحتـك
لين اجيبك تحت طوعي ياصغير=تجرع الحرات ..تـذرف دمعتـك
البدايـه كانـت فعينـك تثـيـر=والنهايه شوفهـا فـي عبرتـك
تحسب انك مالك الكون الكبيـر=وانت ادنى مـن تواجـه فعلتـك
من يربّي الشوك مايِطلع حريـر=غلطتي حاولـت ابيّـن طيبتـك
ماعرفت الطيب في شخصك دثير=مشكلـه والحـل ينهـي كذبتـك
دمعتك لو جات من عينك تسيـر=انتهيـت وحـل موعـد دفنتـك
بس تحملنا علـى شانـك كثيـر=لو تزود بـزود جـات بْجثتـك
روح جعلك ماتوفّق فـي مسيـر=وبيجيلـك مـن يمشّـي لعبتـك
امسحِ دموعك ترا ماجاك خيـر=الحياة احوال وانطـر صدمتـك
[/poem]
رد مع اقتباس
المشاركة الأصلية كتبت بواسطة عبدالرحمن الحميدي
